Wizz Air

Ако постои разумен сомнеж дека може да го завршите летот безбедно, без да Ви треба помош во текот на летот, го задржуваме правото да побараме медицинска потврда со која се потврдува дека сте во состојба да патувате со авион. Потврдата мора да содржи јасно одобрување од лекар дека може да патувате со авион.

Согласно Регулативата (EC) бр. 1107/2006, нашите партнери обезбедуваат голем избор на простории за патници со попреченост и патници со намалена подвижност на аеродромите. Патниците се сметаат за лица со попреченост кога нивната физичка, медицинска или ментална состојба бара посебно внимание (при влегување и излегување од авионот, во текот на летот, при итна евакуација, кога авионот сѐ уште не е полетан), што обично не е потребно за другите патници.

Патници со попреченост се лицата што:

• користат инвалидски колички
• живеат со нарушувања на видот или слухот
• патуваат со кучиња за водење

Патници со специјални потреби се лицата што:

• се бремени
• патуваат со скршена нога
• патуваат со опрема за движење
• боледуваат од заразно заболување
• користат лекови или медицинска опрема
• имаат потреба од дополнителен кислород за медицински цели

Ако Ви е потребна специјална помош, јавете се во локалниот Центар за поддршка за специјална помош:

Имајте предвид дека овие броеви се наменети исклучиво за патници на кои им треба специјална помош, па нема да се земат предвид никакви други барања. Важат локалните тарифи.

Ако не можете да се движите самостојно, односно, не можете да станете без помош, да го напуштите седиштето и да дојдете до излез за итни случаи, да комуницирате со екипажот во врска со безбедносни прашања (на пр., да ги разберете безбедносните упатства и соодветно да реагирате на нив поради когнитивна или друга попреченост или пак, поради слепост или глувост), да го откопчате безбедносниот појас, да го извадите и да го облечете елекот за спасување или да ја наместите маската за кислород, треба да Ве придружува здраво возрасно лице.

Лицето што ќе Ве придружува мора да биде на возраст над 16 години и физички мора да биде способно за да Ви помогне во итен случај.

Ќе се потрудиме да овозможиме лицето што Ве придружува да седи до Вас.

Два предмета што се дел од опрема за движење може да се пријават или да се внесат во авионот бесплатно.

Батерии

Се прифаќаат само рачни инвалидски колички и такви што работат на погон на сува батерија што не може да се истури, само кога терминалите се обложени со изолација за да се спречат можните кратки споеви. Батеријата мора безбедно да биде прикачена на инвалидската количка.

Димензии

Ако инвалидската количка не може да се собере, наведете ги и димензиите кога ќе го информирате Центарот за поддршка за специјална помош.

Помош

За да бидеме сигурни дека Ви е удобно, нашиот агент ќе Ви понуди помош во текот на пријавувањето и оставањето багаж. Ќе Ви помогнат да стигнете до портата, да поминете низ обезбедувањето и да влезете во авионот. Во најголемиот број случаи, ќе добиете седиште до прозорецот.

Имајте предвид дека членовите на нашиот кабински екипаж не може да Ви понудат помош со пијалаци, оброци или лекови, но ако е потребно, ќе Ви помогнат да стигнете од Вашето седиште до тоалетот.

Опрема

За жал, на нашите летови не се достапни инвалидски колички во авионот.

Обезбедуваме услуги „Пречек и помош“ за патниците со нарушувања на видот или слухот во текот на процесот на пријавување, при поминувањето низ обезбедувањето и до портата за поаѓање. Во авионот ќе влезете пред сите други, а членовите на нашиот екипаж ќе Ви помогнат да го сместите Вашиот рачен багаж и да стигнете до Вашето седиште.

Патниците со нарушувања на видот и слухот не треба да приложат медицинска потврда за да потврдат дека се способни да патуваат. Ова не се однесува на патниците со нарушувања на видот и слухот со заболувања што оневозможуваат да патуваат со авион (задно со, но не и ограничено на неодамнешен хируршки зафат, срцево заболување и друго) и во такви случаи важат правилата за медицинска потврда.

Согласно Декретот бр. 27/2009 на Министерството за труд и социјални работи, кучињата за водење и помош ќе се сместат во авионот без доплата за патниците со попреченост на летови во рамките на Европската Унија и од земји во Европската Унија во земји надвор од Европската Унија. Може да се превезува само едно куче по лет, при што не смее да зафаќа седиште.

Ако патувате со куче за помош, наведете го тоа во текот на резервирањето и информирајте го и Центарот за поддршка за специјална помош или испратете е-пошта на нашата адреса на е-пошта за специјална помош. Треба да ни ги испратите следниве документи најдоцна 48 часа пред закажаното време на поаѓање:

• потврда што докажува дека Вашето куче е сертифицирано куче за помош;
• сите документи наведени во правилата на земјите до и од кои патувате.

Други животни не се превезуваат со авион. На летовите на Wizz Air не се прифаќаат животни за емоционална поддршка.

Дополнителни информации за патување со кучиња за водење и помош може да најдете на следнава веб-страница.

Во случај Вашата опрема за движење да се оштети, загуби или доцни, мора да пријавите пред да ја напуштите салата за пристигнување, при што треба да добиете ПНС од нашиот агент.

Жалбата испратете ја по пошта или поднесете жалбана интернет.

Според Конвенцијата од Монтреал, нашата одговорност за оштетување, загуба или доцнење на вашето помошно средство за движење е ограничена на 1131 SDR по патник.

Два предмета што се дел од опрема за движење, како и патерици и одалки, може да се носат во авионот бесплатно. 
Пар патерици може да се носи во авионот, додека одалките ќе мора да се пријават. 

Ако патувате со скршена нога во гипс што не може да се витка во коленото, ќе мора да купите дополнително седиште. 

При резервирањето на Вашиот лет, внесете „EXST“ во полето за име, а Вашето презиме во полето за презиме.  

Ако веќе сте резервирале лет, но не сте резервирале дополнително седиште, контактирајте со нашиот Центар за поддршка за специјална помош.

Од безбедносни причини, бремените жени може да патуваат најмногу до 34. седмица од бременоста. Во случај на бременост со близнаци, временското ограничување е 32. седмица.

Жените што ја поминале 28. седмица од бременоста треба да приложат медицинска потврда со која се потврдува дека се во состојба да патуваат со авион. Имајте предвид дека медицинската потврда мора да биде издадена во рок од 6 дена пред датумот на летот.

Wizz Air ќе сноси одговорност само согласно Општите услови на превозза какви било здравствени проблеми на бремените жени и/или на нивното неродено дете што може да се јават во текот или како резултат на патувањето со авион.

Ако боледувате од некое заразно заболување или друга состојба за која е потребна медицинска нега, ќе Ви треба медицинска потврда со која се потврдува дека сте во состојба да патувате со авион. Медицинската потврда мора да биде издадена во рок од 6 дена пред датумот на летот.

Нема да сносиме одговорност за повреди, влошување на здравствената состојба на патникот или смрт што се должи на таквите состојби во текот на патувањето со авион. 

Контактирајте со нашиот Центар за поддршка за специјална помош најмалку 48 часа пред закажаното поаѓање на летот.

Лековите секогаш носете ги во рачниот багаж. Ако треба да носите неопходни лекови, како на пр., инсулин, треба да понесете и медицинска потврда со која се потврдува дека лекот Ви е потребен во текот на патувањето. По потреба, документот покажете го кај обезбедувањето на аеродромот.

Имајте предвид дека не сме во можност Вашите лекови да ги чуваме во фрижидер во авионот.

Превозот и користењето на Пренослив концентратор за кислород (POC)што не содржи компримиран гасовит или течен кислород не се дозволени во авионот затоа што подлежат на обезбедување доказ за природата на опрематаи медицинска потврда за „Способност за летање“(преземете го образецот тука).

Ако сакате да носите или користите помошен или уред што не генерира кислород (Личен уред за дишење - RPD): како на пр., респиратор, небулизатор, вентилатор, машина CPAPили BiPapво кабината на авионот, мора да прикажете потврда за „Способност за летање“(преземете го образецот тука).

Ако патувате со таков уред, контактирајте со Центарот за поддршка за специјална помош најдоцна 48 часа пред закажаното поаѓање за проверка на документите. Имајте предвид дека потврдата за „Способност за летање“ мора да биде издадена во рок од 6 дена пред датумот на летот.

Патниците мора да се пријават на аеродромот најдоцна2 часа предзакажаното поаѓање на летот и мора да го покажат уредот и потребните документи за проверка.

Ако не контактирате со Центарот за поддршка предвреме и/или не можете да обезбедите потврда за „Способност за летање“ на аеродромот, превозникот може да одбие да Ве превезува.

Ваквите уреди може да се носат бесплатно, како дополнителни предмети.

Патникот мора да патува со одобрен модел на POC:

• AirSep FreeStyle
• AirSep LifeStyle
• AirSep Focus
• AirSep Freestyle 5
• (Caire) SeQual eQuinox / Oxywell (model 4000)
• Delphi RS-00400 / Oxus RS-00400
• DeVilbiss Healthcare iGo
• Inogen One
• Inogen One G2
• lnogen One G3
• lnova Labs LifeChoice Activox
• International Biophysics LifeChoice / lnova Labs LifeChoice
• Invacare XPO2 / XPO100
• Invacare Solo 2
• Oxylife Independence Oxygen Concentrator
• Precision Medical EasyPulse
• Respironics EverGo
• Respironics SimplyGo
• Sequal Eclipse
• SeQual SAROS
• VBox Trooper

Патникот треба да има доволен број целосно наполнети батерии за својата медицинска опрема што ќе го покријат целото времетраење на летот и можните доцнења. Дозволено е да се носат најмногу 2 батерии во рачниот багаж коишто треба поединечно да се заштитат за да се спречат кратки споеви. Терминалите на батериите мора да бидат или вградени или спакувани за да се спречи контакт со метални предмети, како и терминали (полначи) или други батерии.

Имајте предвид дека помошни средства за дишење што содржат компримиран гасовит или течен кислород не се дозволени во авионот.

Може да обезбедиме дополнителен кислород во авионот на патници на кои им е потребен од медицински причини. Сепак, Вашиот сад со кислород не може да се носи во авионот.

Контактирајте со нашиот Центар за поддршка за специјална помош најдоцна 48 часа пред закажаното поаѓање на летот и испратете ја потврдата за „Способност за летање“ (преземете го образецот тука), со којашто ќе се потврди следново:

• користењето кислородот од страна на патникот е неопходно од медицински причини, но пациентот е способен да патува со авион;
• патникот нема потреба од постојана достава на кислород подолго од 250 минутисо стапка на проток од 2 L/мин.;
• од безбедносни причини, кислородот не може да се користи при полетувањето и слетувањето и патникот го прифаќа тоа;
• кислородот што го обезбедува Wizz Air е погоден за патникот.

Носете ги овие документи со Вас и покажете ги на шалтерот за пријавување. Ако не ги приложите бараните документи, нема да Ви се дозволи да патувате.

Имајте предвид дека не може да гарантираме дека во авионот нема да има кикирики затоа што можно е другите патници да носат сопствени производи со кикирики во авионот. Поради тоа, Ве советуваме да понесете лек за контролирање на алергијата во авионот (како на пр., EpiPen, антихистамини итн.), како и сопствена храна. За дополнителни информации, контактирајте со Центарот за поддршка.

Штом ќе влезете во авионот, информирајте ги членовите на екипажот за Вашите алергии.