Луѓе
Животна средина
Економија
Управување

Грижете се повеќе Живејте повеќе Доживејте повеќе

Сметаме дека патувањата обезбедуваат можности што може да го подобрат

Добре дојдовте на веб-страницата за одржливост на Wizz Air!

Во Wizz, одржливоста е една од нашите основни вредности кои се длабоко вградени во нашата култура. Четирите столбови на нашата стратегија се:

  • ЛУЃЕ
  • ЖИВОТНА СРЕДИНА
  • ЕКОНОМИЧНОСТ
  • УПРАВУВАЊЕ

    •  

    Wizz Cares ги опфаќа сите иницијативи што ги имаме за луѓето, животната средина, економичноста и управувањето.

    Во WIZZ ни се најважни корисниците. Сакаме да бидеме сигурни дека ќе им го олесниме животот на нашите патници преку овозможување на евтино патување. Со иновативноста, одличната услуга за време на летот и оцената за безбедност од 7 ѕвезди, на нашите корисници им го гарантираме најдоброто патување. Нашите вработени се нашето најголемо богатство. Wizz Air е компанија на различности, инклузивност и неограничени можности за градење кариера. Во текот на изминатите 20 години, комуникацијата меѓу раководството и вработените беше успешна. „Народниот совет“ на Wizz Air е мост што гарантира успешна двонасочна комуникација и создава доверлив однос доверба меѓу високото раководство и вработените ширум мрежата.

    Грижата за нашата животна средина никогаш не била поважна. Тоа е сечија одговорност. Wizz Air, со една од најновите воздухопловни флоти и една од најниските емисии на СО2 по патнички километар, веќе е чекор пред индустријата. Но тоа не е доволно! Затоа имаме многу иницијативи, вклучувајќи инвестиции во одржливо авионско гориво, програма за компензација на јаглерод, пилотска кабина без хартија, како и разни иницијативи за заштеда на гориво.

    Како компанија, Wizz Air е добар граѓанин. Ги поддржуваме локалните економии преку поврзување градови, региони, промовирање на туризмот, обезбедување слобода на движење, како и индиректно и директно создавање работни места. Постојано ја прошируваме нашата мрежа за да бидеме сигурни дека сме движечката сила зад напредокот на пазарите.

    Дојдете и придружете ни се на ова патување за одржливост! Правиме сѐ што е во наша моќ за да ги оствариме овие навистина амбициозни цели. Одржливоста е заедничка одговороност и затоа сте ни навистина потребни на патувањево!

Посветени сме на тоа

Cите и насекаде да имаат корист од патување по најниски цени, при што ги имаме предвид општествените, економските и еколошките влијанија на нашето работење. Нашата стратегија се темели на ниски цени и разновидна мрежа, поддржани од ефикасно и одржливо работење и поддршка на корисници со висок квалитет.

авион до 2030 година
Година
просечна старост на нашата флота
професионалци работат за Вас
CO2
намалување на емисиите на CO2 по патнички километар до 2030 година
Цели за одржлив развој (SDG)
директно влијание на „Целите за одржлив развој (SDG)“ на Обединетите нации
Гориво
подобрување на ефикасноста наспроти A320ceo
настани со трки
ширум Европа
Мрежа точка-до-точка
мрежа наместо централизиран систем

Како една од најнапредните авиокомпании,

нашиот неверојатно поволен бизнис-модел значи дека може да им ги понудиме најниските цени на нашите корисници и летањето да го направиме пристапно за што повеќе луѓе. Истовремено, предвид ги имаме и големиот број економски, општествени и еколошки настани што влијаат на нашите заедници, па затоа имаме голем број иницијативи поради кои WIZZ Cares е во центарот на напорите за одржливост.

Луѓе

Се стремиме да обезбедиме иднина во која сите
ќе имаат можност да го остварат својот потенцијал во целост.

Стожерот на нашите луѓе се состои од два дела - корисници и вработени. Веруваме во иднина во која сите ќе имаат можност да го остварат својот потенцијал во целост. Напорно работиме на развојот на нашите услуги, подобрувањето на доживувањето на нашите корисници и поддршката на нашите луѓе, како и заедниците што ги опслужуваме. Работиме на 193 аеродроми во 53 земји и се стремиме да создадеме активни односи со заедниците на секој од нашите пазари. Во текот на годините, се посветивме на проекти на локалните заедници на нашите пазари, иницијатива што ја зајакнува врската меѓу нашите вработени и заедниците во коишто работиме.

global-goals-3global-goals-4global-goals-5global-goals-10

Директно влијание на 4 „Цели за одржлив развој“ на Обединетите нации.

НАШИТЕ ВРАБОТЕНИ

Развој на луѓето

Продолжуваме со обезбедување висококвалитетна обука за нашите луѓе. Од обуките за COVID-19 и техничките обуки за нашиот екипаж, до обуките за раководење за нашите канцелариски работници, се стремиме да им ги обезбедиме соодветните алатки на вработените за да може самостојно да работат на развојот и напредокот на своите кариери. Во јули 2021 година, Wizz Air ја воведе својата внатрешна програма за обука наречена WIZZ Academy, која има за цел да им овозможи на вработените единствена можност да стекнат знаење за стратешките пристапи и аспирации на WIZZ на највисоко раководно ниво. Компанијата се здружи и со LinkedIn со цел воведување нова образовна платформан ан интернет, LinkedIn Learning, што ќе им помогне на вработените да напредуваат и професионално и лично, со неограничен пристап до интерактивни, забавни курсеви.

Академија за пилоти на Wizz Air

Водиме сопствена Академија за пилоти што обезбедува финансиска поддршка, што опфаќа и делумно спонзорство, на мотивирани кадети во текот на нивната почетна обука. Кадетите во Академијата за пилоти што успешно ќе дипломираат во програмата, може да започнат да работат во Wizz Air како пилоти стажанти.

Различности и еднакви можности

Суштината на бизнисот на WIZZ е прославување различни гледишта од секој дел на светот и со луѓе од преку 109 националности во 33 земји како база, што придонесува да се гордееме со нашиот вистински глобален отпечаток. Посветени сме да обезбедиме и родова еднаквост на работното место, со 48 % жени и 52 % мажи вработени и „Жени на WIZZ“, што постои за да се постигне значително поголема застапеност на жените на позициите за пилоти во следната деценија. Како поддршка на овој стремеж, програмата „Таа може да лета“ (She Can Fly) стартуваше на 8 март 2023 година на Меѓународниот ден на жената со цврста посветеност да обезбеди единствен, едноставен и финансиски достапен пат да се стане комерцијален пилот во Wizz Air. Програмата предвидува да се поддржуваат женските кандидати како услов за зголемување на разновидноста на женскиот пилотски екипаж значително повеќе од сегашните просечни 5 насто во индустријата. Wizz Air е посветен на рушење на родовите стереотипи и поддршка на родовата еднаквост и во оваа професија.

Задоволство на вработените

Сите резултати од анкетата за ангажманот ги прегледува Управниот одбор на годишно ниво, што му овозможува на највисокото тело за донесување одлуки во компанијата да го процени и следи напредокот кон културните цели, да ги идентификува приоритетите и да постави мерливи цели за остварување на визијата. Wizz Air има и конкретен член на Одборот кој е одговорен за надгледување на ангажманот со вработените. Трите фокусни области за подобрување на ангажманот на екипажот и работната средина на ниво на компанијата се: планирање, квалитет и доследност на распоредот на членовите на екипажот; достапност, ресурси и поддршка на Контролниот центар за дејства; и оперативни логистички достапност, ресурси и поддршка. Редовно се разгледуваат и дејствата за ангажман за вработените во канцелариите. Главните области на фокус за канцелариската работна сила се: признавање, култура, напредување во кариерата, награда, доживување на вработените и развој на лидерство.

Управување со замор

Постојано го следиме и проценуваме ризикот од замор за да може да гарантираме безбедна оперативност на летовите. Нашиот систем на раководење со членовите на екипажот зема предвид информации за нивоата на замор во донесувањето одлуки за да го подобри препознавањето на ризикот од замор.

Програма „Од кабински екипаж до капетан“

Ја воведовме првата програма „Од кабински екипаж до капетан“ во индустријата, за да им помогнеме на амбициозните членови на кабинскиот екипаж на WIZZ да ги остварат своите соништа со значителна помош со финансии, патување и сместување, како и приспособен распоред на работа и учење. Со рушењето мноштво клучни бариери, се стремиме да ги поддржиме амбициозните членови на екипажот на патот до пилотската кабина.

Народен совет на WIZZ

Основан во 2018 година, нашиот „Народен совет“ редовно обединува вработени што ги претставуваат сите области на бизнисот, сѐ со цел да се поттикне ефективна двонасочна комуникација меѓу раководството и вработените и да се поддржи процесот на донесување одлуки за работи што ги засегаат сите вработени во компанијата. „Народниот совет“ не е само уште еден оддел во компанијата. Тоа е место каде што вработените во WIZZ се чувствуваат безбедно да ги споделат своите недоумици, идеи или предлози. „Народниот совет“ продолжува да нѐ подобрува и како авиокомпанија и како работодавач.

Добра ментална и физичка состојба

Сакаме нашите вработени да се чувствуваат ценето и поддржано, поради што е достапна професионална советодавна служба 24/7 (Програма за помош на вработените) за сите наши вработени и нивните блиски членови на семејството. Нудиме и поддршка од колеги пилоти, како и обука за ментално здравје и физичка форма на интернет за сите членови на нашиот екипаж. Во 2019 година, го воведовме WIZZ Aid, фонд за итни случаи за вработените, со цел обезбедување финансиска поддршка на колегите на кои им е потребно итно болничко лекување или се загрозени од природни или катастрофи што ги предизвикале луѓе. Од пандемијата на COVID-19, воведовме голем број нови процеси за да ја заштитиме благосостојбата на нашите вработени, најблиските и патниците. За да обезбеди највисоко ниво на заштита за нашите екипажи и патници во шпицот на пандемијата, Wizz Air воведе различни клучни протоколи, што опфаќа и засилени постапки на чистење и дезинфекција и правила за задолжително покривање на лицето, а воведе и правила за вакцинација за своите вработени во 2021 година. Поради се поголемиот број земји што ги релаксираа своите регулативи за патување и безбедност, и ние донесовме одлука да го олесниме задолжителното носење маски во нашите авиони. Сепак, будно и проактивно го одржуваме нашиот пристап кон здравјето и безбедноста и, по потреба, ќе ги разгледаме повторно поврзаните правила и процеси. По трите предизвикувачки години што ги обележа пандемијата, избувна војна во Украина, што значително влијаеше врз нашите клиенти, колеги и дејства во Молдавија, Русија и Украина. И покрај тешкотиите, нашите вработени професионално ги изврпија своите обврски, покажувајќи извонредна вештина во поддршката на нашите засегнати вработени и специјализанти, како и членовите на нивните семејства. Севкупно, поддршката што им ја дававме на нашите вработени ги опфаќаше средствата собрани и дистрибуирани од Народниот совет, психолошка поддршка и поддршка за преместување на вработените во нови бази, како и нови договори за вработување во новите бази. Wizz Air се обврза и да продолжи да ја исплаќа просечната плата за вработените со договори за вработување во Украина за да обезбеди финансиска сигурност на нашите вработени во оваа тешка ситуација. По вкупно три месеци поддршка во итни случаи, апсолутното мнозинство од нашите вработени со седиште во Украина беше евакуирано и префрлено во други бази во мрежата на WIZZ.

Нашите корисници

Посветени сме на обезбедување високо ниво на задоволство и ефикасни услуги за нашите корисници во текот на целото патување. Нашите тимови работат напорно на подобрување на комуникацијата со корисниците при прекини и создавање иновативно размислување во бизнисот, при што секогаш се отворени за повратни информации.

Подвижност и активен начин на живот

Како компанија, сакаме да бидеме флексибилни и ефикасни, а се трудиме истото да им го овозможиме и на луѓето ширум нашата мрежа. Поради тоа, исто како и во случајот со пристапните патувања, секој треба да има можност да води здрав и активен начин на живот. Со гордост спонзорираме неколку европски тркачки настани, меѓу кои и полумаратонот во Будимпешта, нашиот водечки настан и трките во Милано, Венеција, Клуж-Напока, Софија, Скопје, Дебрецин и Лондон Хакни.

Управување со прекини

Свесни сме за степенот до кој прекините може да влијаат на задоволството на нашите корисници. Затоа, постојано ги ажурираме нашите алатки за да ги информираме патниците и локалните партнери за управување на локацијата на најефикасен начин. Го подобривме раководењето со изгубениот багаж, воведовме рекламни, како и известувања за промени на статусот на летот во апликацијата WIZZ, како и електронски ваучери за храна и нов автоматизиран систем за хотелски и транспортни аранжмани за патниците коишто мора да преноќат заради откажување на летовите.

Управување на локацијата и аеродромот

Нашите партнери за управување на локацијата многу придонесуваат за успехот на екосистемот ULCC. Поради тоа, отворено комуницираме со сите наши локални партнери за подобрување на услугата и комуникацијата со корисниците. Патувањето на клиентите на Wizz Air е подобрено и на аеродромот. Во 2021 година, воведовме нова функција во нашата апликација за мобилни уреди за скенирање на документите за патување Клиентите што ја користат фукцијава уживаат во попрактичен процес на пријавување на интернет и може да очекуваат поудобно доживување за патниците и на аеродромот.

WIZZ Youth Challenge

WIZZ го поддржува развојот на младите дипломирани студенти низ цела Европа. Нашиот годишен натпревар за студија на случај ги поттикнува студентите на универзитетите да донесат креативно, напредно решение за деловен проблем во реалниот живот. Тимовите што ќе се квалификуваат добиваат покана да дојдат во Будимпешта за финалето, каде што ќе имаат можност да соработуваат и да ги споделат своите идеи со врвни раководители, голем број експерти во индустријата и брилијантни млади умови од целата мрежа.

Персонализација и доживување на интернет

Напорно работиме на подобрување на доживувањето на интернет на wizzair.com и нашата апликација, со цел да ги направиме поперсонализирани и полесни за користење. Со неколкуте опции за комуникација и напредните функции, како што се известување за цени, автоматско пријавување и персонализирани понуди, наоѓањето, резервирањето и патувањето до дестинациите од соништата со нас е уште полесно, а притоа секогаш ги имате најновите информации. Во 2021 година, Wizz Air ја воведе Amelia, нов виртуелен помошник што им овозможува на клиентите брзо и лесно да добијат информации за нивните летови, заедно со корисни општи инфорации за услугите, прекините на летовите, специјалната помош или доброволните промени на летовите. Amelia може да обезбеди поддршка на англиски, италијански и германски преку веб-страницата wizzair.com и официјалната апликација Facebook Messenger на Wizz Air. Покрај тоа, Amelia наскоро ќе се додаде и во апликацијата за мобилни уреди WIZZ.

Реакција на пандемијата

За време на пандемијата на коронавирусот, Wizz Air веднаш им понуди хуманитарна помош на загрозените лица од неочекуваната криза со воведување различни услуги за карго и репатријација. Беа организирани преку 120 летови за превоз на клучни залихи на медицински материјали и заглавени патници за да може безбедно да се вратат дома. Бевме и една од неколкуте авиокомпании што никогаш не престанаа со работа, а воведовме и интерактивна Карта за планирање патувања за да им помогнеме на патниците при движењето низ сложена средина за патување. Wizz Air воведе и опција за скенирање на QR-кодот за дигиталниот сертификат за COVID-19 на ЕУ за да им овозможи на клиентите да продолжат директно до портата за влегување во авионот и да ја избегнат потребата од физичка проверка на документите за COVID-19 на шалтерите за пријавување на аеродромот и чекање во редици.

ЖИВОТНА СРЕДИНА

Сакаме да бидеме најеколошкиот избор за патување со авион.

Никогаш не било поважно компаниите да се однесуваат одговорно кон животната средина. Заштитата на животната средина е наша заедничка одговорност и поради тоа, уште повеќе ги зголемивме мерките за заштита на животната средина. Со една од најновите воздухопловни флоти во Европа и една од најниските емисии на CO2 по патнички километар, се стремиме да останеме и понатаму пред конкуренцијата. Од финансиската 2022 година, интензитетот на емисиите на јаглерод е целосно интегриран во структурата за наградување на раководните лица.

Со помош на голем број иницијативи за заштеда на гориво, кои опфаќаат и мобилна електронска торба за летање, пилотска кабина во којашто не се користи хартија, како и нашата флота што постојано се модернизира, уште повеќе ќе ја подобриме нашата оперативна метрика, постојано намалувајќи го еколошкиот отпечаток врз животната средина со цел патувањето со авион да биде со помал интензитет на емисии на јаглерод. Нашите мерки за одржливост опфаќаат забрзување на нашите дејства за обезбедување соодветни залихи на „Одржливи воздухопловни горива“ (SAF) за во иднина, одржливи процеси на набавки, испробување на постапка за сортирање отпад во авионот и програма за неутрализирање на јаглеродот што им се нуди на нашите клиенти.

global-goals-7global-goals-9global-goals-12global-goals-13global-goals-17

Директно влијание на 5 „Цели за одржлив развој“ на Обединетите нации.

Интензитет на емисија на јаглерод на Wizz Air

g/RPK
80
70
60
50
40
30
20
10
0
Финансиска година 2013
Финансиска година 2014
Финансиска година 2015
Финансиска година 2016
Финансиска година 2017
Финансиска година 2018
Финансиска година 2019
Финансиска година 2020
Финансиска година 2021
Финансиска година 2022
Финансиска година 2023

Како резултат на бројните иницијативи за заштеда на гориво и постојаната модернизација на нашата технологија, горди сме што имаме една од најниските стапки на интензитет на јаглеродни емисии во европската воздухопловна индустрија. Во финансиската 2020 година, емисијата на јаглерод по патнички километар изнесуваше 57,28 грама, намалено од 59,9 грама, што е речиси половина од просекот во индустријата. Како резултат на пандемијата на COVID-19 и помалите фактори на оптоварување на нашите летови нашата ефикасност на јаглерод имаше негативно влијание во финансиската 2021 година. Оттогаш, Wizz Air има забележано значително подобрување што не беше случај сегде во индустријата. Во Финансиската 2023 година, имаше континуиран напредок со подобрувањето на факторите на товарот на патниците, што доведе до намалување на интензитетот на емисиите, достигнувајќи 53,8 g CO2/RPK. Во финансиската 2024 година, интензитетот на јаглерод на Wizz Air’s продолжи дополнително да се подобрува. Просечниот F24 годишен CO2 RPK изнесуваше 52 грама, што е уникатно во секторот и најнизок интензитет на јаглерод пријавен од Wizz Air во период од 12 месеци. Прочитајте повеќе во нашиот неодамна објавен годишен извештај.

Посветеност на дополнително намалување на нашето влијание на животната средина

Wizz Air посветено работи на намалување на влијанието на климатските промени на глобално и локално ниво. Го поддржуваме Парискиот договор што има за цел намалување на порастот на температурите под 1,5 C º, како и упатствата на Европскиот зелен пакт и Дестинацијата 2050 што имаат за цел достигнување ниво на нето-нулта емисии до 2050 година.

Wizz Air се гордее што има најниско ниво емисии на CO2 (G/RPK) во Европа. Се обврзуваме да продолжиме да работиме на дополнително намалување на емисиите на CO2 за 25 % до 2030 година во споредба со нивоата во 2019 година, како и дополнително ограничување на другите емисии на стакленички гасови. Амбициозниот план е поттикнат од нашата флота со најнова технологија, иницијативите за заштеда на гориво и користењето одржливо гориво во воздухопловната индустрија.

Покрај технологијата и оперативните подобрувања, алтернативните горива се суштински дел од декарбонизирањето на индустријата. Wizz Air ја има воспоставено својата SAF стратегија, која вклучува обезбедување на договори за откуп со набавувачите за во иднина. Со цел да се поддржи амбицијата на Wizz Air за одржливи патувања и да се обезбедат доволно залихи на SAF за исполнување на идните комбинирани мандати, компанијата има потпишано Меморандум за разбирање со неколку провајдери на SAF и има направено две капитални инвестиции во проекти за истражување и развој на SAF.

Wizz Air е посветен на соработка во индустријата, впуштајќи се во соработка со клучните надворешни учесници. За време на тестирањето за одржливо воздухопловно гориво во Унгарија во 2023 година, Wizz Air за првпат полета од аеродромот во Будимпешта со мешавина од 37 проценти од Neste MY Sustainable Aviation Fuel™, обезбедено од MOL. Петте авиони на Wizz Air беа снабдени со вкупно 23,5 тони мешавина на гориво кое содржи 37 проценти чист SAF и 63 проценти Jet A1 гориво.

Намалување на емисиите на CO2 за 25 % до 2030 година
80 70 60 50 40 30
Емисии на CO2 / RPKM
2019 2020 2021 2022 2023 2024 2025 2026 2027 2028 2029 2030

Неутрализирање на јаглеродните емисии

Неутрализирање на јагледните емисии од патувањата

Во ноември 2020 година, Wizz Air започна шема за неутрализирање на јаглеродните емисии како дел од својата поширока заложба за намалување на интензитетот на емисии, со што им се овозможува на патниците да го пресметаат влијанието на нивните летови врз животната средина и да ги неутрализираат емисиите на јаглерод. Шемата, во соработка со Chooose - компанија за технологија фокусирана на климатските промени, им нуди на патниците можност да ги неутрализираат јаглеродните емисии од своите патувања преку поддршка на проекти од доверба во полето на климатските промени кои имаат огромно влијание насекаде низ светот.

Јаглероден отпечаток

Горди сме што може да им понудиме на нашите патници сосема транспарентенкалкулатор за јаглероден отпечаток од патувања со којшто патниците може лесно да ги пресметаат и неутрализираат емисиите на јаглерод од нивните летови. Wizz Air е свесен дека неутрализирањето нема да го направи летањето да биде поеколошко, а во исто време, нашиот калкулатор за јаглерод им овозможува на корисниците да поддржуваат проекти за јаглерод сертифицирани според водечките глобални стандарди за јаглерод.

Неутрализирајте ги Вашите емисии денес

A321neo - вистинска промена

помала потрошувачка на гориво наспроти A320ceo според RPK
помали емисии на CO2 наспроти A320ceo според RPK
летање подалеку наспроти A320ceo
помалку бучава наспроти A320ceo
пониски единечни трошоци наспроти A320ceo

НАШИТЕ ЈАКИ СТРАНИ

Пилотска кабина во којашто не се користи хартија

Во пилотските кабини користиме таблети, со што заштедуваме преку
25 илјади отпечатени страници во секој од авионите

Полесни седишта

Постојано инвестирање во понови, полесни седишта

Редовно чистење на мотори

Секој мотор го чистиме два пати годишно - колку е почист,
толку подобро работи и затоа се троши помалку гориво.

Таксирање со еден мотор по слетувањето

Заштедување гориво со исклучување на еден од моторите по пристигнувањето

Најниски емисии на CO2 по патник во индустријата

Од 2012 година, реализиравме неколку проекти, меѓу кои и подобрувањето на
нашата брзина на летање, пристапот и оптимизирањето на нашата мрежа што вкупно сочинува  
речиси 100 илјади тони емисии на CO2 годишно (3% по авион)

Намалување на загадувањето со бучава

Вртливите генератори ги намалуваат нивоата на бучава

Вметнати уреди во крилата (Sharklets)

Овие неверојатни изуми може да ја намалат потрошувачката на гориво за 2 %, а емисиите на CO2 за 600 тони годишно по авион. Целата флота ќе биде опремена до 2024 година.

Сопирачки

Од 2020 година сите ново испорачани авиони А321neo имаат нови системи за кочење кои се за 20 килограми полесни од претходните модели.

Списание во кабината на авионот

Отпечатено на лесна рециклирана хартија

Користењето GPU наместо APU заштедува 200 kg на час

Кога е достапна, користиме струја од земјата (GPU) за напојување на авионот
при враќање на нашите дестинации, што може да заштеди 200 kg гориво на час

НАШИТЕ ЈАКИ СТРАНИ

Економичност

Се стремиме кон подобрување на економската ситуација за дестинациите на WIZZ.

Пристапното патување со авион може да ги подобри животите на многу патници, но лесно се заборава како може да влијае на цел град. За економската ситуација на еден град многу малку работи се подобри од директни авионски линии, особено ако тоа се авионските линии на Wizz Air којшто нуди најниски цени на превоз. Како што сè повеќе луѓе имаат пристап до пристапно патување со авион, сѐ повеќе патници ја зајакнуваат локалната економија на местата што ги посетуваат.

Кодекс на однесување на давателите на услуги

Wizz Air Group посветува огромно внимание на еколошката, општествената и економската одговорност во текот на своето работење и од април 2021 година, го воведе својот обновен „Кодекс на однесување на давателите на услуги“ . Wizz Air се обврзува да соработува со даватели на услуги и партнери што снабдуваат производи и/или услуги на Wizz Air Group и коишто ја споделуваат посветеноста на Wizz Air на еколошко и комерцијално одржливо работење и работење со високи општествени и работни стандарди. „Кодексот на однесување на давателите на услуги“ важи за сите даватели на услуги на Wizz Air, како и нивните добавувачи и соработници и создава важен дел од сите договорни пакети и постапки.

global-goals-8

Директно влијание на 1 „Цели за одржлив развој“ на Обединетите нации.

Економичност

Упатства на ACI

Според упатствата на Airports Council International Europe (ACI), се сугерира дека се отвораат 750 работни места на локално ниво за секој 1 милион превезени патници годишно. Согласно со оваа пресметка, поддржавме отворање на повеќе од 46 000 работни места на локално ниво во финансиската 2024 година, а сме извршиле превоз на 62 милиони патници во нашата мрежа на маршрути.

Поттикнување на сообраќајот на патници и туризмот

Ширум нашата мрежа, пред нас, на неколку локации претходно или не постоеја редовни услуги на воздушен превоз или создадовме значителна промена во сообраќајот на патници. По отворањето на нашата база во Варна во 2017 година, сообраќајот на патници на аеродромот двојно се зголеми. Во Северна Македонија бројот на патниците се зголемил трипати во последните 10 години, а во Кутаиси сообраќајот на патниците на аеродромот се зголемил повеќе од двапати, при што преку 75 % од патниците патувале со нас.

Модел ULCC

Поради природата на нашиот бизнис-модел, многу од придружните услуги на сите нивоа на организација ги нарачуваме од локален, надворешен партнер, што тесно соработува со преку 5 илјади договорени даватели на услуги ширум нашата мрежа.

Заштита на чесен и рамноправен бизнис

Воведовме внатрешни постапки и мерки со цел да обезбедиме усогласеност со сите релевантни регулативи за борба против корупцијата. Нашата „Политика за борба против корупцијата“ ги поставува принципите, забраните и практичните упатства поврзани со практики на земање мито или корупција, за кои не постои никаква толеранција. Правилава се дел од задолжителната годишна обука за сите вработени во Wizz Air, што помага сите вработени да ги добијат најновите информации.

Управување

Одбор/Управување, квалитет и интегритет

Целосен надзор на одборот преку Комитетот за одржливост и култура. До 2026 година, ветуваме дека ќе постигнеме стапка од најмалку 40 % застапеност на жените на раководните позиции (раководители, директори, извршни потпретседатели и главни извршни директори). Поради тоа, од фискалната 2022 година, ја вметнавме родовата разновидност на раководниот тим во нашата структура на награди. Силно се посветивме и на затворање на јазот на родовата разновидност во нашиот Одбор на директори, па се стремиме да постигнеме застапеност на жени во Одборот на директори од 33 % до 2026 година, согласно со иницијативата Хемптон-Александер.

Управување со ризици

Одборот има целосен надзор на процесот на управување со ризиците на претпријатието (ERM), со груба процена на главните ризици поврзани со деловниот модел, учинокот во иднина, солвентноста или ликвидноста на Wizz Air. Со ризиците поврзани со климатските промени и ESG управуваме преку нашата корпоративна рамка на ERM.

Комитет за ревизија и ризици

Процесов на управување со ризици се внесува во Советот за ризици, Комитетот за ревизија и ризици и Одборот на директори и како таков, има силна поддршка и приоритет при поттикнувањето на нашите деловни планови и дејствата за ублажување на ризиците.

Од финансиската 2021 година, Wizz Air го усогласи своето надворешно известување со препораките на TCFD.

Луѓе Животна средина Економија Управување

Благодариме за вниманието!