ჩასხდომის პროცესის შეუფერხებლად გასავლელად მიჰყევით შემდეგ ინსტრუქციას:

1. გამოცხადდით ჩასხდომის გასასვლელთან

რეგისტრაციისა და უსაფრთხოების შემოწმების პროცედურების გავლის შემდეგ ჩასხდომის გასასვლელთან უნდა გამოცხადდეთ გამგზავრების დრომდე არაუგვიანეს 30 წუთისა.

2. გასასვლელის ინფორმაცია

თვალი ადევნეთ აეროპორტის საინფორმაციო ეკრანებს, რადგან მათზე გამოჩნდება თქვენი რეისის ჩასხდომის გასასვლელის ინფორმაცია. თუ აეროპორტში რეგისტრაციის სერვისს იყენებთ, აეროპორტის პერსონალიც დაგეხმარებათ ჩასხდომის გასასვლელის ინფორმაციის მიღებაში.

3. საჭირო დოკუმენტები

ჩასხდომის გასასვლელში უნდა წარმოადგინოთ შემდეგი დოკუმენტები:

• ჩასხდომის ბარათი (ბილეთი, რომლითაც შეძლებთ თვითმფრინავში შესვლას).
• იგივე სამგზავრო დოკუმენტი, რომელიც გამოიყენეთ რეგისტრაციისა და უსაფრთხოების შემოწმების დროს.

დარწმუნდით, რომ თან გაქვთ ყველა საჭირო სამგზავრო დოკუმენტი, მათ შორის, პასპორტი და ვიზა. თუ არ ხართ დარწმუნებული თქვენს საბოლოო დანიშნულების პუნქტში მოქმედი შესვლის მოთხოვნების შესახებ, გამგზავრებამდე გადაამოწმეთ ეს ინფორმაცია შესაბამისი ქვეყნის საგარეო საქმეთა ოფისთან. ჩვენ ვერ ავიღებთ პასუხისმგებლობას იმ შემთხვევაში, თუ უარს გეტყვიან ჩასხდომაზე, აუცილებელი დოკუმენტების არქონის გამო.

ჩვილთან ერთად მგზავრობის დროს მნიშვნელოვანია, დაბეჭდოთ და ჩასხდომის გასასვლელთან წარმოადგინოთ ჩვილის ჩასხდომის ბარათი.

რეკომენდებული თემები

დაგვიკავშირდით

არაგადაუდებელი საკითხებისთვის გამოგზავნეთ მოთხოვნა.