ᲠᲐ ᲣᲜᲓᲐ ᲛᲝᲘᲛᲝᲥᲛᲔᲓᲝᲗ ᲐᲔᲠᲝᲞᲝᲠᲢᲨᲘ:

1. თუ დანიშნულების პუნქტში ჩასვლისთანავე არ მიგიღიათ ბარგი, ეწვიეთ აეროპორტის სატრანზიტო ზონაში „ბარგის მიღების“, „დაკარგული ბარგის“ ან „დაკარგული და ნაპოვნი ნივთების“ დახლს. ჩვენი სახმელეთო ოპერაციების მართვის აგენტი დაგეხმარებათ, შეავსოთ საკუთრების დარღვევის ანგარიში (PIR), რომელიც დაადასტურებს ბარგის დაგვიანებას და რომელსაც წარადგენთ დაზღვევასთან ან გასაჩივრებისას. გთხოვთ, რაც შეიძლება მეტი დეტალი მიუთითოთ, რადგან ეს დაგვეხმარება ბარგის უფრო სწრაფად პოვნაში.
2. ანგარიშის შევსების შემდეგ თქვენ მიიღებთ წერილს შემდეგი ნაბიჯების ინსტრუქციით. გთხოვთ, მის შესაბამისად იმოქმედოთ.
3. PIR-ის შევსების შემდეგ ჩვენ დაუყოვნებლივ დავიწყებთ ბარგის ძებნას.
4. როგორც კი თქვენი ბარგის მდებარეობას დავადგენთ, თქვენ მიიღებთ შეტყობინებას SMS ან ელექტრონული ფოსტის საშუალებით. ბარგი მოგეწოდებათ PIR-ში მითითებულ მისამართზე.
5. თქვენი ბარგის სტატუსის შემოწმება შეგიძლიათ WorldTracer-ის ვებსაიტზე თქვენი PIR კოდის მითითებით. WorldTracer-ის ნომერი გადმოგეცათ აეროპორტში, შესაბამის ინსტრუქციასთან ერთად.

ᲑᲐᲠᲒᲘᲡ ᲓᲐᲒᲕᲘᲐᲜᲔᲑᲘᲗ ᲒᲐᲛᲝᲬᲕᲔᲣᲚᲘ ᲮᲐᲠᲯᲔᲑᲘ:

თუ სახლისგან მოშორებით, ჩანთის დაგვიანების გამო, დანიშნულების პუნქტში უნდა შეიძინოთ აუცილებელი ჰიგიენური საშუალებები და ტანსაცმელი, შეგიძლიათ მოითხოვოთ ხარჯების ანაზღაურება Wizz Air-ის ვებ-გვერდზე საჩივრის ფორმის წარდგენით. აირჩიეთ „ჩანთის დაგვიანების“ კატეგორია და დაურთეთ ყველა ქვითარი, PIR ფორმის ასლი, ბარგის იარლიყი და ჩასხდომის ბარათი. გაითვალისწინეთ, რომ ანაზღაურდება მხოლოდ აუცილებელი ნივთები გონივრული ოდენობით.

ᲑᲐᲠᲒᲘᲡ ᲓᲐᲙᲐᲠᲒᲕᲘᲓᲐᲜ 21 ᲓᲦᲘᲡ ᲒᲐᲡᲕᲚᲘᲡ ᲨᲔᲛᲓᲔᲒ:

თუ ბარგი ვერ მოიძებნა დანიშნულების პუნქტის აეროპორტში განცხადებიდან 21 დღის განმავლობაში, ზარალზე პასუხისმგებლობა დაეკისრება Wizz Air-ს. დაკარგული ნივთების კომპენსაციის მოთხოვნისთვის, წარმოადგინეთ მოთხოვნა „ჩანთის დაკარგვის“ კატეგორიის მითითებით. გთხოვთ, არ დაგავიწყდეთ შემდეგი დოკუმენტების დართვა:

• PIR-ის ასლი
• ბარგის იარლიყი
• ჩასხდომის ბარათი
• საბანკო რეკვიზიტები

დარწმუნდით, რომ თქვენი ბარგის ღირებულება მითითებულია PIR ანგარიშში.

ᲠᲐ ᲣᲜᲓᲐ ᲛᲝᲘᲛᲝᲥᲛᲔᲓᲝᲗ ᲐᲔᲠᲝᲞᲝᲠᲢᲨᲘ:

1. თუ დანიშნულების პუნქტში ჩასვლისთანავე აღმოაჩენთ, რომ ფრენის დროს დაზიანდა თქვენი რეგისტრირებული ბარგი, მიმართეთ აეროპორტის სატრანზიტო ზონაში „ბარგის მიღების“, „დაკარგული ბარგის“ ან „დაკარგული და ნაპოვნი ნივთების“ დახლს. ჩვენი სახმელეთო ოპერაციების მართვის აგენტი დაგეხმარებათ, შეავსოთ საკუთრების დარღვევის ანგარიში (PIR), რომელიც დაადასტურებს ბარგის დაზიანებას და რომელსაც წარადგენთ დაზღვევასთან ან გასაჩივრებისას.

არ დაგავიწყდეთ შემდეგი დეტალების მითითება:

• ჩანთის ბრენდი;
• ჩანთის მოდელი;
• ჩანთის ღირებულება;
• ჩანთის ასაკი.

2. განცხადების შევსების შემდეგ თქვენ მიიღებთ წერილს შემდეგი ნაბიჯების ინსტრუქციით. გთხოვთ, მის შესაბამისად იმოქმედოთ.

3.შემდეგ შეაკეთეთ თქვენი ბარგი და მიიღეთ ქვითარი. ჩვენ დავფარავთ რემონტის ხარჯებს, ქვითარში მითითებული ოდენობით, მოქმედი რეგულაციის დაცვით.

4.თუ თქვენი ჩანთა შეკეთებას არ ექვემდებარება, სთხოვეთ შემკეთებელს ამის წერილობით დადასტურება თქვენი ჩანთის ტიპისა და ღირებულების მითითებით. აეროპორტში შეტყობინების შემდეგ თქვენ გადმოგეცემათ ინსტრუქციის შემცველი წერილი; გთხოვთ, აღნიშნული ინსტრუქცია ზედმიწევნით შეასრულოთ.

5.წარმოადგინეთ საჩივარი Wizz Air-ის ვებსაიტზე შესაბამისი კატეგორიის (ბარგის დაზიანება) მითითებით. გთხოვთ, საჩივარს დაურთოთ:
ა. PIR-ის ასლი
ბ. სარემონტო მაღაზიის ქვითარი.

ᲠᲝᲒᲝᲠ ᲛᲝᲕᲘᲥᲪᲔ, ᲗᲣ ᲓᲐᲖᲘᲐᲜᲔᲑᲐ ᲨᲔᲕᲐᲛᲩᲜᲘᲔ ᲐᲔᲠᲝᲞᲝᲠᲢᲘᲡ ᲓᲐᲢᲝᲕᲔᲑᲘᲡ ᲨᲔᲛᲓᲔᲒ

1. თუ დაზიანებას ან მოპარულ ნივთებს ჩაფრენისთანავე ვერ აღმოაჩენთ, შესაბამისი უნდა შეავსოთ აეროპორტში ჩაფრენიდან 7 დღის განმავლობაში. ჩვენი სახმელეთო ოპერაციების მართვის აგენტი დაგეხმარებათ, შეავსოთ საკუთრების დარღვევის ანგარიში (PIR), რომელიც დაადასტურებს ბარგის დაზიანებას და რომელსაც წარადგენთ დაზღვევასთან ან გასაჩივრებისას.

არ დაგავიწყდეთ შემდეგი დეტალების მითითება:

• ჩანთის ბრენდი;
• ჩანთის მოდელი;
• ჩანთის ღირებულება;
• ჩანთის ასაკი.

2. განცხადების შევსების შემდეგ თქვენ მიიღებთ წერილს შემდეგი ნაბიჯების ინსტრუქციით. გთხოვთ, მის შესაბამისად იმოქმედოთ.

3.შემდეგ შეაკეთეთ თქვენი ბარგი და მიიღეთ ქვითარი. ჩვენ დავფარავთ რემონტის ხარჯებს, ქვითარში მითითებული ოდენობით, მოქმედი რეგულაციის დაცვით.

4.თუ თქვენი ჩანთა შეკეთებას არ ექვემდებარება, სთხოვეთ შემკეთებელს ამის წერილობით დადასტურება თქვენი ჩანთის ტიპისა და ღირებულების მითითებით. აეროპორტში შეტყობინების შემდეგ თქვენ გადმოგეცემათ ინსტრუქციის შემცველი წერილი; გთხოვთ, აღნიშნული ინსტრუქცია ზედმიწევნით შეასრულოთ.

5.წარმოადგინეთ საჩივარი Wizz Air-ის ვებსაიტზე შესაბამისი კატეგორიის (ბარგის დაზიანება) მითითებით. გთხოვთ, საჩივარს დაურთოთ:

• PIR-ის ასლი;
• სარემონტო მაღაზიის ქვითარი;
• ბარგის იარლიყი;
• ჩასხდომის ბარათები;
• საბანკო რეკვიზიტები.

ᲓᲐᲖᲘᲐᲜᲔᲑᲣᲚᲘ ᲑᲐᲠᲒᲘᲡ ᲞᲐᲡᲣᲮᲘᲡᲛᲒᲔᲑᲚᲝᲑᲘᲡ ᲨᲔᲖᲦᲣᲓᲕᲐ:

გაითვალისწინეთ, რომ Wizz Air-ს დაეკისრება შეზღუდული ან ნულოვანი პასუხისმგებლობა შემდეგ შემთხვევებში:

1. თუ ბარგი შეუსაბამოდ იყო შეფუთული, დაზიანებულ ბარგზე პასუხისმგებლობა შემცირდება.
2. ჩვენ არ ვაგებთ პასუხს მსხვრევადი ნივთების ტრანსპორტირების შედეგად დაზიანებაზე. მსხვრევადი საგნების შემცველი ბარგის რეგისტრირებული ბარგის სახით გადატანა დასაშვებია მხოლოდ „შეზღუდვებით დაშვებული“ ბარგის იარლიყით.
3. ჩვენ არ ვაგებთ პასუხს იმ შემთხვევაში, თუ თქვენი ბარგი სხვა მგზავრს საკუთარში შეეშლება — ნებისმიერ მსგავს ხარჯზე პასუხისმგებლობა ინციდენტში მონაწილე მგზავრს ეკისრება.
4. ჩვენ ვერ აგინაზღაურებთ ისეთი ძვირფასი ნივთების საფასურს, როგორიც არის, მაგალითად, საიუველირო ნაკეთობები და ლეპტოპები (რომელთა საბარგულით ტრანსპორტირებაც ნებადართული არ არის). ჩანთის რეგისტრაციამდე გირჩევთ, ამოიღოთ ზემოაღნიშნული ნივთები.
5. დაზიანებული ხელბარგის (მათ შორის, ტანსაცმლის) შესახებ განცხადება შეგიძლიათ ბორტზე ან ტრანზიტული ზონის დატოვებამდე.