თუ გადაწყვეტთ, რომ არ აირჩიოთ ადგილი დაჯავშნის პროცესში, რეგისტრაციის პროცესში მოგენიჭებათ ადგილი შემთხვევითი განაწილებით. რეგისტრაცია ხელმისაწვდომი გახდება გამგზავრებამდე 24 საათით ადრე.

იმ შემთხვევებში, თუ ერთსა და იმავე ჯავშანში რამდენიმე მგზავრია, თითოეულ მგზავრს მიენიჭება ადგილი შემთხვევითი განაწილებით. გაითვალისწინეთ, რომ ჩვენ არ შეგვიძლია იმის გარანტირება, რომ ეს ადგილები ერთმანეთის მომიჯნავედ იქნება.

თუ არ შეიძენთ ადგილს, დააჭირეთ ღილაკს „ადგილების მოგვიანებით არჩევა“ დაჯავშნისას ადგილის არჩევის ეტაპზე. მნიშვნელოვანია, იცოდეთ, რომ ამ ვარიანტის არჩევით, რეისზე რეგისტრაციას შეძლებთ გამგზავრების დაგეგმილ დრომდე 24 საათით ადრე.

შეგიძლიათ, აირჩიოთ და შეიძინოთ ადგილი დაჯავშნის პროცესში, ან დაამატოთ ის რეგისტრაციამდე ან მის შემდეგ, გამგზავრების დაგეგმილ დრომდე 3 საათით ადრე.

თუ ადგილის დაჯავშნას აირჩევთ, ფრენის გამგზავრებამდე 30 დღით ადრე შეძლებთ რეისზე რეგისტრაციას.

სავარძლის ნომერი, რომელიც თქვენ შეარჩიეთ მის შესაბამის ფასთან ერთად, გამოჩნდება გადახდის შეჯამების ველში, რათა გადახედოთ დაჯავშნის დასრულებამდე.

თუ ჯავშანში აირჩიეთ ნაკრები, როგორიცაა WIZZ GO ან WIZZ Plus, რომელიც მოიცავს ადგილების არჩევას, ან თუ შეიძინეთ Privilege Pass, შეგიძლიათ აირჩიოთ ადგილი დამატებითი საფასურის გარეშე.

• WIZZ GO-სთან ერთად შეგიძლიათ უფასოდ აირჩიოთ ადგილები, წინა რიგისა და ფეხებისთვის დამატებითი სივრცის მქონე ადგილების გარდა.
• WIZZ Plus გთავაზობთ ადგილის, მათ შორის, წინა რიგისა და ფეხებისთვის დამატებითი სივრცის მქონე ადგილების უფასოდ არჩევის შესაძლებლობას.
• Privilege Pass-ის საშუალებითაც შეგიძლიათ ადგილების უფასოდ არჩევა, წინა რიგისა და ფეხებისთვის დამატებითი სივრცის მქონე ადგილების ჩათვლით.