თქვენი ბრაუზერი მეტისმეტად მოძველდა
ბრაუზერის თქვენ მიერ გამოყენებული ვერსია მხარდაუჭერელია!
ამ გვერდს ხედავთ იმიტომ, რომ იყენებთ მოძველებულ ან მხარდაუჭერელ ბრაუზერს. Wizzair.com-ის დათვალიერების გასაგრძელებლად და ყველა ფუნქციით სარგებლობისთვის გირჩევთ, განაახლოთ თქვენი ბრაუზერი.
გირჩევთ შემდეგს:
Mozilla Firefox
უფასოდ ჩამოტვირთვა
Google Chrome
უფასოდ ჩამოტვირთვა

ინფორმაცია და სერვისები

ადგილების განაწილება

seat_allocation_assigned

ადგილის არჩევა

ავიაბილეთის დაჯავშნისას ადგილების არჩევა შეგიძლიათ შესაბამისი მოსაკრებლის გადახდით. თუ ადგილის არჩევას არ მოისურვებთ, ის რეისზე რეგისტრაციისას მოგენიჭებათ შემთხვევითობის პრინციპით, გამგზავრებამდე 48 საათით ადრე.

premium-seat

პრემიუმ-ადგილი

დაჯავშნეთ პრემიუმ-ადგილები და ისიამოვნეთ კომფორტული დამატებითი სივრცით ფეხებისთვის, ან დაიკავეთ წინა რიგში მდებარე ადგილი.

book-with-bundle

დაჯავშნა ნაკრებების მეშვეობით

ჩვენი WIZZ Go და WIZZ Plus ნაკრებების მეშვეობით ადგილის დაჯავშნას უფასოდ შეძლებთ.

აკორდეონის ელემენტები

  • ხელმისაწვდომია მხოლოდ ჯავშნებისთვის, რომლებშიც მითითებულია 2 ზრდასრული
  • შეძენა შესაძლებელია მხოლოდ Basic-ტარიფიანი ჯავშნის გაფორმებისას
  • შეძენა შესაძლებელია როგორც დაჯავშნისას, ისე უკვე არსებულ ჯავშანში დამატების მეშვეობით
  • ფასი შეადგენს 12 EUR-ს ყოველ სეგმენტზე (2-ვე ერთად მსხდომი ზრდასრულისთვის)
  • ორმხრივი ავიაბილეთის შემთხვევაში, გვერდიგვერდ ჯდომის პროდუქტი უნდა შეიძინოთ ორივე სეგმენტისთვის
  • კონკრეტული ადგილების არჩევა შეუძლებელია გვერდიგვერდ ჯდომის პროდუქტის შეძენისას, თუმცა გარანტირებულად ისხდებით გვერდიგვერდ
  • გვერდიგვერდ მდებარე ადგილების მინიჭება ხდება რეისზე რეგისტრაციის გავლისას
  • გვერდიგვერდ ჯდომის პროდუქტის ფარგლებში ხდება არაპრემიუმ ადგილების მინიჭება, ამიტომ არ არის გათვალისწინებული ადგილები ფეხებისთვის დამატებითი სივრცით, ასევე, წინა და მომდევნო რამდენიმე რიგში მდებარე ადგილები
  • გვერდიგვერდ ჯდომის პროდუქტთან ერთად გაფორმებული ჯავშნებისთვის რეისზე ონლაინ რეგისტრაცია ხელმისაწვდომია გამგზავრების დაგეგმილ დრომდე მინიმუმ 48 საათით ადრე
  • პირველი და მომდევნო რამდენიმე რიგის ადგილები მდებარეობს ავიახომალდის წინა ნაწილში და საშუალებას გაძლევთ, იყოთ იმ მგზავრებს შორის, რომლებიც დაფრენის შემდეგ პირველები გავლენ;
  • ადგილები დამატებითი სივრცით ფეხებისთვის გთავაზობთ მეტ სივრცეს უფრო კომფორტული მგზავრობისთვის და მდებარეობს საევაკუაციო გასასვლელების რიგებში;
  • უსაფრთხოების მოსაზრებებიდან გამომდინარე, აღნიშნული განსაკუთრებული ადგილებით ვერ ისარგებლებენ მგზავრები, რომლებსაც ჯერ არ შესრულებიათ 16 წელი, აქვთ მეტისმეტად ზედმეტი წონა, საჭიროებენ განსაკუთრებულ დახმარებას, არიან ფეხმძიმედ ან მგზავრობენ ჩვილებთან (2 წელზე უმცროსი ასაკის) ერთად.
  • ფეხებისთვის დამატებითი სივრცის მქონე და წინა რიგებში მდებარე ადგილების შესაძენად თქვენ უნდა იყოთ მინიმუმ 16 წლის და ელემენტარულ დონეზე გესმოდეთ ინგლისური ენა;
  • გარდა ამისა, თქვენ უნდა იყოთ შრომისუნარიანი და საგანგებო სიტუაციის შემთხვევაში, უნდა შეძლოთ ფრთაზე გასასვლელის გახსნა;
  • თუ თვლით, რომ ამისთვის შესაფერის ფორმაში ხართ, თქვენ მიიღებთ მოკლე ინფორმაციას ფრთაზე გასასვლელის ხელით მართვის შესახებ;
  • აფრენისას და დაფრენისას თქვენი ხელბარგი მოთავსებული უნდა იყოს ზედა თაროებზე.

უსაფრთხოების მოსაზრებებიდან გამომდინარე, ჩვენ ვიტოვებთ უფლებას, მგზავრებს მივანიჭოთ სხვა ადგილი. ჯავშანში ცვლილებების შეტანის შემთხვევაში, თქვენ მიერ არჩეული ადგილი შეიძლება მიუწვდომელი იყოს ახალ რეისზე. დამატებითი ინფორმაციისთვის გაეცანით „ტრანსპორტირების ზოგად პირობებს“.

თუ გჭირდებათ განსაკუთრებული დახმარება, ავიაბილეთის დაჯავშნის დასრულების შემდეგ უნდა დაუკავშირდეთ Wizz Air-ის საინფორმაციო ცენტრს და გადაამოწმოთ, რომ ყველაზე შესაფერისი ადგილი მოგენიჭათ. 

  • 2 წლამდე ასაკის ჩვილებს მგზავრობა შეუძლიათ თანმხლები ზრდასრულის კალთაში;
  • ერთ მწკრივში (მიუხედავად იმისა, კორიდორის რომელ მხარეს მდებარეობს) დაშვებულია მხოლოდ ერთი ჩვილის მგზავრობა;
  • თუ მწკრივში მეტი ჩვილი აღმოჩნდება, ეკიპაჟის წევრებმა შეიძლება მოგანიჭოთ სხვა ადგილი;
  • 2 წელზე უფროსი ასაკის ბავშვებს უნდა ჰქონდეთ ინდივიდუალური ადგილები;
  • უსაფრთხოების რეგულაციებიდან გამომდინარე, ჩვილები და ბავშვები ვერ იმგზავრებენ ფეხებისთვის დამატებითი სივრცის მქონე და წინა რიგებში მდებარე ადგილებზე, ასევე ბოლო მწკრივის C და D ადგილებზე.
  • 14 წლამდე ასაკის ბავშვები უნდა ისხდნენ მინიმუმ 1 თანხმლები ზრდასრულის გვერდით. აღნიშნული გათვალისწინებული იქნება რეისზე რეგისტრაციის გავლისას ადგილების შემთხვევითობის პრინციპით გადანაწილებისას. თუ შეზღუდული ხელმისაწვდომობის გამო მინიმუმ 1 თანხმლები ზრდასრულის გვერდით ადგილის მონიჭება ვერ მოხერხდება, ეკიპაჟის წევრები დაგეხმარებიან ბავშვის გადასმაში

ჩვენ ვერ მოგცემთ გარანტიას, რომ თქვენი ჯგუფი მგზავრობისას ერთად ისხდება, ამიტომ გირჩევთ წინასწარ აირჩიოთ ადგილები.

დაკავშირებული ინფორმაცია

ჩვილებთან ერთად მგზავრობა

AIRBUS A320
AIRBUS A320B
AIRBUS A321
AIRBUS A321 NEO

ხშირად დასმული შეკითხვები

ხშირად დასმული შეკითხვები

ავიაბილეთის დაჯავშნისას ადგილის არჩევა შესაძლებელია შესაბამისი მოსაკრებლის გადახდით. თუ ადგილის არჩევას არ მოისურვებთ, რეისზე რეგისტრაციისას ხელმისაწვდომი ადგილი ავტომატურად მოგენიჭებათ შემთხვევითობის პრინციპით.

არჩეული ადგილის ნომერი და შესაბამისი ფასი ყოველთვის გამოჩნდება გადახდის მიმოხილვის ველში.

ინტერნეტით ადგილის არჩევა შესაძლებელია გამგზავრებამდე არა უგვიანეს 3 საათით ადრე, იმ შემთხვევაშიც კი, თუ ავიაბილეთი უკვე დაჯავშნილია, ხოლო რეისზე რეგისტრაცია გავლილი გაქვთ.

ავიახომალდში შესაძლებელია ნებისმიერი ადგილის არჩევა, რაც დამოკიდებულია ხელმისაწვდომობასა და უსაფრთხოების მოქმედი რეგულაციებზე.

პირველი და მომდევნო რამდენიმე რიგის ადგილები მდებარეობს ავიახომალდის წინა ნაწილში და საშუალებას გაძლევთ, იყოთ იმ მგზავრებს შორის, რომლებიც დაფრენის შემდეგ პირველები გავლენ. ადგილები დამატებითი სივრცით ფეხებისთვის გთავაზობთ მეტ სივრცეს უფრო კომფორტული მგზავრობისთვის.

უსაფრთხოების მოსაზრებებიდან გამომდინარე, საევაკუაციო გასასვლელებთან და წინა რიგებში მდებარე ადგილებით ვერ ისარგებლებენ მგზავრები, რომლებსაც ჯერ არ შესრულებიათ 16 წელი, აქვთ მეტისმეტად ზედმეტი წონა, საჭიროებენ განსაკუთრებულ დახმარებას, არიან ფეხმძიმედ ან მგზავრობენ ჩვილებთან ერთად.

1. იმ შემთხვევაში, თუ რეისი იმავე დღეს სრულდება და მხოლოდ გამგზავრების დრო შეიცვალა, თქვენ მიერ რეზერვირებული ადგილი უცვლელი დარჩება.

2. თუ რეისი სხვა თარიღზე გადაინაცვლებს და ადგილის არჩევის მოსაკრებელი უკვე გადახდილი გაქვთ, გთხოვთ, ინტერნეტის მეშვეობით აირჩიოთ ახალი ადგილი იმავე ფასად.

უფრო ძვირადღირებული ადგილის არჩევის შემთხვევაში, თქვენ მოგიწევთ მხოლოდ ფასებში სხვაობის დაფარვა. თუ უფრო დაბალფასიან ადგილს აირჩევთ, თანხის დაბრუნების თაობაზე დაუკავშირდით Wizz Air-ის საინფორმაციო ცენტრს .

ადგილის არჩევისთვის გადახდილი მოსაკრებელი დაბრუნებას არ ექვემდებარება. თქვენ შეგიძლიათ დაეთანხმოთ იმ ადგილებს, რომლებიც ახალ რეისზე მოგენიჭებათ ავტომატურად და უფასოდ, ან აირჩიოთ სასურველი ადგილი შესაბამისი მოსაკრებლის გადახდით.

ამ შემთხვევაში, თქვენ მოგიწევთ, დაფაროთ მხოლოდ სხვაობა ორი ადგილის ღირებულებას შორის. თუ თქვენთვის მონიჭებულ ადგილებს დაეთანხმებით, ან აირჩევთ დაბალფასიან ადგილებს, რომელთა ღირებულებაც თქვენს ბალანსზე არსებულ თანხაზე ნაკლებია, ბალანსზე დარჩენილი თანხის გამოყენებას სხვა სერვისების შესაძენად შეძლებთ.

თქვენი ადგილის ადგილმდებარეობის დადგენა შეგიძლიათ ადგილების განლაგების სქემის მეშვეობით. თუ თქვენი ადგილი მდებარეობს 1-ლიდან მე-15 რიგის ჩათვლით, გთხოვთ, ბორტზე ასასვლელად ისარგებლოთ წინა კარით, ხოლო თუ თქვენი ადგილი მდებარეობს რიგებში 16—30, გამოიყენეთ უკანა კარი.

არა, უსაფრთხოების მოსაზრებებიდან გამომდინარე, მუსიკალური ინსტრუმენტები, რომელთა ტრანსპორტირებაც ხორციელდება სალონის დამატებით ადგილზე, ვერ მოთავსდება საევაკუაციო გასასვლელებისა და პირველ რიგებში. ამასთანავე, ინსტრუმენტები უნდა მოთავსდეს ილუმინატორებთან მდებარე ადგილებზე.