Wizz Air

2 წლამდე ასაკის ჩვილებს ფრენა შეუძლიათ თანმხლები ზრდასრულის კალთაში, რაც ითვალისწინებს ჩვილის მოსაკრებლის გადახდას. ამასთანავე, თუ ზრდასრულის ერთი მიმართულებით მგზავრობის ღირებულება იმაზე ნაკლები იქნება, ვიდრე ჩვილის გადაყვანის მოქმედი მოსაკრებელი, აღნიშნული მოსაკრებელი მგზავრობის ღირებულებას გაუტოლდება. ერთი ზრდასრული შეიძლება თან ახლდეს მხოლოდ ერთ ჩვილს. 2 წელზე უფროსი ასაკის ბავშვები ვერ იმგზავრებენ თანხმლები უფროსის კალთაში. ჩვილის მოსაკრებლის გადახდა შესაძლებელია ინტერნეტით დაჯავშნისას ან Wizz Air-ის საინფორმაციო ცენტრის მეშვეობით.

დამატებითი ინფორმაციისთვის ეწვიეთ ბავშვებისა და ჩვილების გვერდს.

თუ გამგზავრებასა და უკანა რეისს შორის პერიოდში ბავშვს შეუსრულდება 2 წელი, მისთვის საჭირო გახდება ადგილის შეძენა. ასეთ შემთხვევაში, აუცილებელია ყოველი შემდგომი და უკანა რეისისთვის ცალკე ჯავშნის გაფორმება.

AMSAFE CARES ტიპის საბავშვო ღვედების გამოყენება Wizz Air-ის რეისებზე ვერ მოხერხდება.

ზრდასრულს, რომელიც ჩვილთან ერთად მგზავრობს, შეუძლია თან ჰქონდეს საბავშვო აქსესუარები (სასეირნო/დასაკეცი ეტლების და ლოგინების ბორტზე ატანა ვერ მოხერხდება).

გაითვალისწინეთ, რომ სასეირნო/დასაკეცი ეტლი უნდა დარეგისტრირდეს თქვენს სხვა ბარგთან ერთად და მისი უფასოდ გადატანა მხოლოდ იმ შემთხვევაში განხორციელდება, თუ თქვენთან ერთად მგზავრობს ბავშვი, რომლისთვისაც ის არის განკუთვნილი. თუ ბავშვის/ჩვილის გარეშე მგზავრობთ, აღნიშნული ნივთების გადატანა მოხდება რეგისტრირებული ბარგის სახით, რისთვისაც უნდა გადაიხადოთ დამატებითი მოსაკრებელი.

14 წლამდე ასაკის ბავშვებს ფრენა შეუძლიათ მხოლოდ თანხმლებ ზრდასრულთან ერთად, რომელიც არის მინიმუმ 16 წლის და მას აღებული უნდა ჰქონდეს სრული პასუხისმგებლობა ბავშვზე.

გაითვალისწინეთ, რომ 18 წლამდე ასაკის რუმინეთის მოქალაქეებზე ვრცელდება სპეციალური პირობები, რომელთაც დეტალურად შეგიძლიათ გაეცნოთ სამგზავრო დოკუმენტების გვერდზე.

ჩვილებისთვის განკუთვნილი უკან მიმართული და უსაფრთხოების ღვედით აღჭურვილი ავტოსავარძელი თვითმფრინავის სალონში მხოლოდ იმ შემთხვევაში დაიშვება, თუ რეისზე შეძენილი გაქვთ დამატებითი ადგილი. გარდა ამისა, ავტოსავარძელს უნდა ჰქონდეს სპეციალური ფიქსატორი, რომლის მეშვეობითაც შესაძლებელი იქნება მგზავრის უსაფრთოხების ღვედით მისი საიმედოდ დამაგრება.

დამატებითი ადგილის ჩვეულებრივ ფასად შეძენა შესაძლებელია ინტერნეტით დაჯავშნისას, ან იმ შემთხევაში, თუ ჯავშანი უკვე გაფორმდა და დადასტურდა, Wizz Air-ის საინფორმაციო ცენტრის მეშვეობით. ამ შემთხვევაში, თქვენ არ მოგიწევთ საინფორმაციო ცენტრის ტრანსაქციის მოსაკრებლის გადახდა.

დამატებითი ადგილის ინტერნეტით დაჯავშნის შემთხვევაში, მგზავრის სახელში უნდა შეიყვანოთ კოდი „INFANT“. გვარის ველში საჭიროა მგზავრის რეალური გვარის მითითება. ინტერნეტით დაჯავშნის შემთხვევაში, გთხოვთ, ასევე, დაუკავშირდეთ Wizz Air-ის საინფორმაციო ცენტრს, აცნობოთ წარმომადგენელს ჩვილის სრული სახელი და დაადასტუროთ, რომ ის ავტოსავარძლით იმგზავრებს.

დამატებითი ადგილის დაჯავშნის შემთხვევაში, ჩვილისთვის განკუთვნილი ბარგის ნორმა და მოსაკრებელი აღარ იმოქმედებს.