ჯგუფური ჯავშნები

აღმოაჩინეთ მოგზაურობის სხვადასხვა შესაძლებლობა

მარტივად დაგეგმეთ მთელი დასვენება

ინფორმაცია და სერვისები

ჯგუფური ჯავშნები

booking_for_groups_fixed_price

ფიქსირებული ფასი

ერთი ფასი ყველა მგზავრისთვის

group_flexibility

მოქნილობა

შეცვალეთ სახელები და დაამატეთ მგზავრები

 

booking_for_groups_discount

ფასდაკლება

20%-იანი ფასდაკლება სტუდენტებისა და პენსიონერებისგან შემდგარი ჯგუფებისთვის

აკორდეონის ელემენტები

11 ან მეტი მგზავრისგან შემდგარი სტუდენტების და პენსიონერების ჯგუფები ისარგებლებენ 20%-იანი ფასდაკლებით ავიაბილეთების ღირებულებაზე.

  • სტუდენტების ჯგუფად ითვლება ნებისმერი ჯგუფი, რომელში შემავალი მგზავრების 90%-იც მგზავრობის დღეს არის 25 წლამდე ასაკის.
  • პენსიონერების ჯგუფად ითვლება ნებისმერი ჯგუფი, რომელში შემავალი მგზავრების 90%-იც მგზავრობის დღეს არის მინიმუმ 65 წლის.
  • ყველა მგზავრის სახელი და დაბადების თარიღი (ზუსტად ისე, როგორც მითითებულია მათ სამგზავრო დოკუმენტებში) ჯავშანში უნდა აიტვირთოს რეისის დაგეგმილ გამგზავრებამდე არა უგვიანეს 72 საათით ადრე.

თუ ჯგუფი ვერ დააკმაყოფილებს სტუდენტებისთვის ან პენსიონერებისთვის განკუთვნილი ფასდაკლების მოთხოვნებს, შეტანილი ინფორმაცია არ შეინახება და რეისზე ონლაინ რეგისტრაციის გავლა შეუძლებელი იქნება.

დეტალური წესებისა და პირობების გასაცნობად დააწკაპუნეთ აქ.

  1. მოიძიეთ სასურველი რეისები. თუ 11 ან მეტი მგზავრისთვის ჯგუფური ჯავშნის გაფორმება გსურთ, მოგიწევთ Wizz Air-ის ანგარიშის შექმნა ან მასში შესვლა. თუ სისტემაში უკვე შესული ხართ და სასურველი რეისები მოიძიეთ, მაგრამ ჯგუფური დაჯავშნის ფასებს მაინც ვერ ხედავთ, დააწკაპუნეთ „მოთხოვნის“ ღილაკზე და გადადით ჯგუფური ტარიფების გახსნის მოთხოვნის გვერდზე. როგორც კი ტარიფები ხელმისაწვდომი გახდება და შესაძლებელი იქნება დაჯავშნა, თქვენ მიიღებთ შეტყობინებას. როგორც წესი, ამას სჭირდება მაქსიმუმ 2 სამუშაო დღე.
  2. გააფორმეთ ჯავშანი. ჯგუფური ტარიფების გამოჩენის შემდეგ ჯავშნის გასაფორმებლად უნდა აირჩიოთ რეისები, დაამატოთ არასავალდებულო დამატებითი სერვისები და მიუთითოთ გადახდის სასურველი ვარიანტი. ჯავშნის დადასტურების შემდეგ ელფოსტის მეშვეობით მიიღებთ მგზავრობის მარშრუტის გეგმის შემცველ წერილს, რომელშიც მითითებული იქნება დასტურის კოდი.
  3. ატვირთეთ მგზავრების სახელები. ჯავშნისთვის მგზავრების სახელების დამატება შესაძლებელი იქნება მხოლოდ მას შემდეგ, რაც ავიაბილეთების ღირებულება სრულად დაიფარება. სახელების ატვირთვა და შეცვლა შესაძლებელია უფასოდ, რეისის გამგზავრების თარიღამდე არა უგვიანეს 72 საათით ადრე. ჯავშანში დამატებული მგზავრების სახელების დადასტურება მოხდება ელფოსტის გამოგზავნილი წერილის მეშვეობით, რომელშიც ჩამოთვლილი იქნება ჯგუფში შემავალი ყველა მგზავრის სახელი. თუ აღნიშნულ წერილს არ მიიღებთ რეისის გამგზავრებამდე 48 საათით ადრე, მის გამოსაგზავნად, გთხოვთ, დაუკავშირდეთ ჯგუფური ჯავშნების სამსახურს.

ჯგუფურ ჯავშნებთან დაკავშირებული შეკითხვების არსებობის შემთხვევაში დაუკავშირდით ჯგუფური ჯავშნების სამსახურს. 

ჯგუფური ჯავშნის ღირებულების გადახდა შესაძლებელია 3 ნაწილად:

  • პირველი გადახდა წარმოადგენს დეპოზიტს, რომელიც არ ექვემდებარება დაბრუნებას, და ის უნდა ფარავდეს ჯავშნის სრული ღირებულების მინიმუმ 10%-ს. სურვილისამებრ, შეგიძლიათ აირჩიოთ საკრედიტო ბარათით დაუყოვნებლივ გადახდა ან შეასრულოთ საბანკო გადარიცხვა თავდაპირველი დაჯავშნიდან 24 საათის განმავლობაში. თუ ჯავშანი გაფორმდება დაგეგმილ გამგზავრებამდე 90 დღით ადრე, საბანკო გადარიცხვით გადახდა შესაძლებელი იქნება თავდაპირველი დაჯავშნიდან 7 დღის განმავლობაში.
  • მეორე გადახდა უნდა ფარავდეს ჯავშნის სრული ღირებულების მინიმუმ 30%-ს და ის უნდა შესრულდეს გამგზავრების დაგეგმილ თარიღამდე, სულ მცირე, 60 დღით ადრე. წინააღმდეგ შემთხვევაში, თქვენი ჯავშანი ავტომატურად წაიშლება, ხოლო დეპოზიტი არ ანაზღაურდება.
  • მესამე გადახდით უნდა დაიფაროს თანხის დარჩენილი ნაწილი და მისი განხორციელება შესაძლებელია როგორც საკრედიტო ბარათის, ისე საბანკო გადარიცხვის მეშვეობით. მესამე ნაწილის გადახდა უნდა მოხდეს სრულად, რეისის დაგეგმილ გამგზავრებამდე მინიმუმ 30 დღით ადრე. ჯავშნის საფასურის მესამე ნაწილის შესაბამის ვადაში გადაუხდელობის შემთხვევაში, ჯავშანი გაუქმდება.
თუ მეორე ან მესამე ნაწილი არ იქნება გადახდილი პირველი რეისის გამგზავრების თარიღამდე მაქსიმუმ 60 და 30 დღით ადრე, ჯავშანი ავტომატურად წაიშლება, ხოლო დეპოზიტი არ აგინაზღაურდებათ.

დაკავშირებული ბმულები

გადახდა

ჯავშანში მითითებული თარიღის შეცვლა შესაძლებელია შესაბამისი მოსაკრებლის გადახდით თითოეული მგზავრსა და რეისზე. თუ ახალი რეისის ტარიფი იქნება თავდაპირველზე მაღალი, მოგიწევთ მათ შორის სხვაობის დაფარვა.

თანხის დაბრუნება

თანხის დაბრუნებასთან დაკავშირებული ინფორმაციისთვის გაეცანით ჩვენს „ტრანსპორტირების ზოგად პირობებს“. დეპოზიტი დაბრუნებას არ ექვემდებარება. 

ხშირად დასმული შეკითხვები

ხშირად დასმული შეკითხვები

მგზავრების სახელების მითითება უნდა მოხდეს ინტერნეტით, გამგზავრებამდე არა უგვიანეს 72 საათით ადრე და მას შემდეგ, რაც მთლიან თანხას მივიღებთ.

მგზავრობამდე დარწმუნდით, რომ მიიღეთ საბოლოო დამადასტურებელი ელფოსტა (მგზავრების სახელების მითითებით). წინააღმდეგ შემთხვევაში, შეიძლება მოგიწიოთ სახელის შეცვლის მოსაკრებლის გადახდა თითოეული მგზავრისთვის. თუ გამგზავრებამდე 2 სამუშაო დღით ადრე ელფოსტას არ მიიღებთ, გთხოვთ, დაუკავშირდეთ Wizz Air-ის საინფორმაციო ცენტრს.