Wizz Air-ისა და Booking.com-ის პრომოაქციის წესები და პირობები
1. ტერმინები
სასტუმროს მომსახურების მომწოდებელი შემდგომში გულისხმობს Wizz Air-ის პარტნიორს, რომლის მეშვეობითაც შეგიძლიათ დაჯავშნოთ განთავსების ადგილები.
WIZZ ანგარიშის ნომერი არის 10-ნიშნა ნომერი, რომლის მინიჭებაც ხდება wizzair.com-ზე რეგისტრაციისას. ანგარიშის ნომერი მითითებულია პროფილის სექციაში, რომელიც ხელმისაწვდომია myWizz-ში შესვლის შემდეგ.
WIZZ ანგარიში ნიშნავს საკრედიტო ანგარიშს, რომელიც იქმნება wizzair.com-ის ან WIZZ მობილური აპის მეშვეობით რეგისტრაციისას.
Wizz Air არის Wizz Air Hungary Ltd., რომლის რეგისტრაციის ადგილია: მილენიუმ ტაუერი I., ლეხნერ ოდონ ფასორი 6, H-1095 ბუდაპეშტი, უნგრეთი
2. პრომოაქცია
თუ სასტუმროს მომსახურების მომწოდებლის ვებგვერდზე დაჯავშნით განთავსების ადგილს და სასტუმროს დაჯავშნისას შეიყვანთ WIZZ ანგარიშის 10-ნიშნა ნომერს, Wizz Air თქვენს ანგარიშზე კრედიტის სახით ჩაგირიცხავთ სასტუმროს ჯავშნის სრული ღირებულების 5%-ს* (შემდგომში „კრედიტი“).
2.1. ჯავშნის სრული ღირებულება არის სასტუმროს მომსახურების მომწოდებლის ვებგვერდზე განთავსების ადგილის დაჯავშნის ღირებულება, დამატებითი ღირებულების გადასახადებისა და ქალაქის მოსაკრებლების გამოკლებით.
2.2. თუ სასტუმროს მომსახურების მომწოდებლის ვებგვერდზე სასტუმროს დაჯავშნისას შეიყვანთ WIZZ ანგარიშის არასწორ ნომერს (ან დაგავიწყდებათ მისი შეყვანა), კრედიტს ვერ მიიღებთ.
2.3. კრედიტი სასტუმროში გაჩერების შემდეგ გაიცემა.
2.4. ჩვენ მივმართავთ გონივრულ ზომებს, რომ კრედიტი გავცეთ თქვენ მიერ დაჯავშნილ სასტუმროში გაჩერებიდან 90 დღის განმავლობაში. კრედიტის გასაცემად ყოველთვის აუცილებელია სასტუმროს დასტური იმის თაობაზე, რომ სასტუმროში ნამდვილად გაჩერდით. სასტუმროების მიერ დადგენილი წესების განსხვავებების გამო ჩვენ შეიძლება დასტური მივიღოთ სხვადასხვა დროს, რაც დამოკიდებულია თავად სასტუმროზე.
2.5 თუ თქვენ გააუქმებთ ჯავშანს, კრედიტს ვეღარ მიიღებთ.
2.6 თუ თქვენი თავდაპირველი ჯავშანი გაუქმდა სერვისის მომწოდებლის მხრიდან დაუსრულებელი/გვიანი გადახდის ან სერვისის მომწოდებლისგან დამოუკიდებელი სხვა მიზეზით (სასტუმროს სერვისის მომწოდებლის პასუხისმგებლობებს მიღმა არსებული მიზეზით), თქვენ კრედიტს ვერ მიიღებთ.
2.7. კრედიტით სარგებლობა შესაძლებელი იქნება 6 თვის განმავლობაში, რის შემდეგაც მას მოქმედების ვადა ავტომატურად გაუვა.
2.8. კრედიტის ოდენობის გამოთვლა და გაცემა ხორციელდება ევროში. თუ თქვენი WIZZ ანგარიში ევროსგან განსხვავებულ ვალუტაშია, თქვენი WIZZ ანგარიშის ვალუტაზე თანხა კონვერტირდება ჩვენი შიდა კურსის გამოყენებით. ვალუტის კონვერტაციისთვის გამოიყენება Forex. კრედიტის ოდენობა გამოითვლება სასტუმროში ფაქტობრივი გაჩერებასა და WIZZ ანგარიშზე კრედიტის ასახვას შორის პერიოდში.
3. მონაცემთა დაცვა
სასტუმროს ნომრის დაჯავშნისას WIZZ ანგარიშის ნომრის მითითებით თქვენ თანხმობას აცხადებთ, რომ WIZZ ანგარიშის ნომერთან ერთად, Wizz Air მიიღებს ინფორმაციას თქვენი სასტუმროს ნომრის შესახებ. ამგვარი ნებართვა საჭიროა Wizz Air-ის მხრიდან შემდგომი კომუნიკაციისთვის აღნიშნული პრომოაქციით გათვალისწინებული პირობების სისრულეში მოსაყვანად, მათ შორის, მოთხოვნების დაკმაყოფილების შესამოწმებლად და მოთხოვნების დაკმაყოფილების შემთხვევაში, კრედიტის უზრუნველსაყოფად, წინამდებარე წესებისა და პირობების შესაბამისად. Wizz Air-ის მიერ თქვენი პერსონალური მონაცემების დამუშავებისას მოქმედებს Wizz Air-ის შეტყობინება კონფიდენციალურობის შესახებ: შეტყობინება კონფიდენციალურობის შესახებ.
4. ზოგადი წესები
4.1. Wizz Air-ის კრედიტის სხვა პირისთვის გადაცემა დაუშვებელია, ხოლო Wizz Air-ის კრედიტის მფლობელები მას ვერ გაანაღდებენ.
4.2. კრედიტის გამოყენებაზე WIZZ ანგარიშის წესები და პირობებივრცელდება.
4.3. Wizz Air არ აგებს პასუხს აუცილებელი მოთხოვნების შესახებ ინფორმაციის დაგვიანებით მოწოდების შემთხვევაში, ან მის დაკარგვაზე ინტერნეტთან დაკავშირებული ტექნიკური პრობლემების გამო. გადმოგზავნილი დოკუმენტები და ქვითრები არ მიიღება.
4.4. Wizz Air იტოვებს უფლებას, ნებისმიერ დროს უარი თქვას, შეამოკლოს, გაახანგრძლივოს, გადაიტანოს, შეცვალოს ან გააუქმოს ეს პრომოაქცია, წინასწარი შეტყობინების გარეშე და საკუთარი შეხედულებისამებრ.
4.5. ამ პრომოაქციაში მონაწილეობა ნიშნავს მოცემული რეგულაციების სრულად, შეუზღუდავად და უპირობოდ მიღებას.
4.6. მცდარი მონაცემების გამოყენება გადმოგზავნილი ინფორმაციის უარყოფას გამოიწვევს.
4.7. ეს აქცია მთავრდება 2025 წლის 28 თებერვალს, თუ ადრე არ გაუქმდება.
*2019 წლის 11 აპრილამდე დაჯავშნილ სასტუმროებზე ვრცელდება 10%-იანი კრედიტი
ოქტომბერი, 2019
