ადამიანების განვითარება
ჩვენი გუნდის წევრებისთვის კვლავ უზრუნველვყოფთ მსოფლიო დონის მომზადებას. იქნება ეს ჩვენი გუნდის მომზადება COVID-19-თან დაკავშირებულ და ტექნიკურ საკითხებში თუ ხელმძღვანელობის ტრენინგები ოფისის თანამშრომლებისთვის, ჩვენი პრიორიტეტი ყველასთვის შესაფერისი ხელსაწყოების უზრუნველყოფაა, რომ თავიანთი კარიერული განვითარება და პროგრესი თავადვე აკონტროლონ. 2021 წელს Wizz Air-მა წარმოადგინა თავისი შიდა სასწავლო პროგრამა, სახელად WIZZ Academy, რომლის მიზანია, თანამშრომლებისთვის უნიკალური შესაძლებლობის მიცემა, გაეცნონ WIZZ-ის სტრატეგიული მიდგომებსა და მისწრაფებებს უმაღლეს აღმასრულებელი დონეზე. კომპანია ასევე თანამშრომლობს LinkedIn-თან, რომ დანერგოს ახალი ონლაინ საგანმანათლებლო პლატფორმა, LinkedIn Learning, რომელიც ინტერაქტიურ, საინტერესო კურსებზე შეუზღუდავი წვდომის მეშვეობით თანამშრომლებს დაეხმარება როგორც პროფესიულ, ისე პიროვნულ ზრდაში.
Wizz Air პილოტთა აკადემია
ჩვენ გვაქვს პილოტთა აკადემია, სადაც ვაფინანსებთ მოტივირებულ კადეტებს სწავლების საწყის ეტაპზე. პილოტთა აკადემიის წარმატებული კურსდამთავრებული კადეტები ჩვენთან სამსახურებრივ კარიერას იწყებენ როგორც სტაჟიორი პილოტები.
მრავალფეროვნება და თანაბარი შესაძლებლობები
WIZZ-ში ჩვენი საქმიანობის მთავარი პრინციპია, მივესალმოთ პერსპექტივებს მსოფლიოს ყველა კუთხიდან და ნამდვილად ვამაყობთ ჩვენი წარმომადგენლობით, რომელიც 109 ეროვნებას ითვლის 33 ქვეყანაში. ასევე, ვისწრაფვით სამუშაო ადგილზე გენდერული მრავალფეროვნების დაცვისკენ, თანამშრომლების 48% რომ ქალები იყვნენ, 52% კი — მამრობითი სქესის წარმომადგენლები, Women of WIZZ-თან ერთად, რომელიც მიმართულია მომდევნო ათწლეულში პილოტების თანამდებობებზე ქალთა წარმომადგენლობის გაზრდისკენ. ამ მისწრაფების მხარდასაჭერად 2023 წლის 8 მარტს, ქალთა საერთაშორისო დღეს, ამოქმედდა პროგრამა „She Can Fly“ და მტკიცედ დავისახეთ მიზნად, უზრუნველგვეყო Wizz Air-ში კომერციულ პილოტად გახდომის უნიკალური, მარტივი და ფინანსურად ხელმისაწვდომი გზა. პროგრამაში დასახული იყო მდედრობითი სქესის წარმომადგენელ კანდიდატთა მხარდაჭერა ეკიპაჟის წევრ ქალთა კუთხით გაცილებით მეტი მრავალფეროვნების მისაღწევად, ვიდრე ამჟამინდელი საშუალო 5 პროცენტია ინდუსტრიაში. Wizz Air ისწრაფვის გენდერული სტერეოტიპების აღმოფხვრისკენ და მტკიცედ უჭერს მხარს გენდერულ თანასწორობას ამ პროფესიაშიც.
თანამშრომელთა კმაყოფილება
ჩართულობის ყველა გამოკითხვას ყოველწლიურად ამოწმებს დირექტორთა საბჭო, რაც კომპანიაში გადაწყვეტილებების მიმღებ უმაღლეს უწყებას კულტურული მიზნების შესრულების კუთხით მიღწეული პროგრესის შეფასებისა და მონიტორინგის, პრიორიტეტების დადგენისა და უმთავრესი ხედვის განსახორციელებლად გაზომვადი მიზნების დასახვის საშუალებას აძლევს. Wizz Air-ს საბჭოს სპეციალური წევრიც ჰყავს, რომლის პასუხისმგებლობაც თანამშრომლების ჩართულობის მეთვალყურეობაა. კომპანიის დონეზე ეკიპაჟის ჩართულობისა და სამუშაო გარემოს გაუმჯობესების კუთხით სამი უმთავრესი პრიორიტეტია: ეკიპაჟის განრიგის შემუშავება, ხარისხი და თანმიმდევრულობა; ოპერაციების მართვის ცენტრის ხელმისაწვდომობა, რესურსი და მხარდაჭერა; და ოპერაციული ლოგისტიკის ხელმისაწვდომობა, რესურსი და მხარდაჭერა. ამას გარდა, რეგულარულად მოწმდება ჩართულობის ხელშემწყობი მოქმედებები ოფისის თანამშრომლებისთვის. ოფისის თანამშრომლების შემთხვევაში მთავარი პრიორიტეტებია: აღიარება, კულტურა, კარიერული წინსვლა, დაჯილდოება, თანამშრომლების გამოცდილება და ხელმძღვანელობის განვითარება.
დაღლილობის მართვა
გარანტირებულად უსაფრთხო ფრენების უზრუნველსაყოფად ჩვენ გამუდმებით ვაკვირდებით და ვაფასებთ დაღლილობასთან დაკავშირებულ რისკებს. პერსონალის მართვის სისტემა შეიცავს დაღლილობასთან დაკავშირებულ ინფორმაციას და აუმჯობესებს გადაღლილობასთან დაკავშირებული რისკების გამოვლენის პროცესს.
პროგრამა „სალონის ეკიპაჟის წევრობიდან ხომალდის კაპიტნობამდე“
ჩვენ ავამოქმედეთ ინდუსტრიაში პირველი პროგრამა „სალონის ეკიპაჟის წევრობიდან ხომალდის კაპიტნობამდე“, რომელიც სალონის ეკიპაჟის წევრებს ოცნებების ახდენაში ეხმარება ფინანსური, სამოგზაურო და საცხოვრებელში განთავსების კუთხით საჭირო მრავალჯერადი მხარდაჭერის მეშვეობით, ასევე, ინდივიდუალური სამუშაო და სასწავლო განრიგის შეთავაზებით. სხვადასხვა ძირითადი ბარიერის დაძლევით ჩვენი მიზანია, ეკიპაჟის წევრებს პილოტის კაბინამდე გზის გაკაფვაში დავეხმაროთ.
WIZZ People Council
People Council, რომელიც 2018 წელს დაარსდა, რეგულარულად უყრის თავს ბიზნესის ყველა დარგში მომუშავე თანამშრომლებს ხელმძღვანელებთან ეფექტური ორმხრივი კომუნიკაციის ხელშესაწყობად და კომპანიის თანამშრომლებისთვის მნიშვნელოვან თემებთან დაკავშირებით გადაწყვეტილებების მიღების პროცესის გასაუმჯობესებლად. People Council მეტია, ვიდრე, უბრალოდ, კიდევ ერთი განყოფილება კომპანიაში. ის არის ადგილი, სადაც WIZZ-ის გუნდის წევრები თამამად აზიარებს საკუთარ ფიქრებს, იდეებსა თუ შემოთავაზებებს. საბჭო აგრძელებს ჩვენს, როგორც ავიაკომპანიისა და დამსაქმებლის, გაუმჯობესებას.
ფსიქიკური და ფიზიკური სიჯანსაღე
გვსურს, ჩვენი თანამშრომლები თავს ღირებულად და უზრუნველყოფილად გრძნობდნენ, რის გამოც ყველა თანამშრომლისთვის ხელმისაწვდომია სადღეღამისო სერვისი პროფესიონალური კონსულტაციისთვის (თანამშრომელთა მხარდაჭერის პროგრამა). ასევე, ხელმისაწვდომია მხარდაჭერა პილოტ კოლეგებს შორის და ონლაინ-ტრენინგი ფსიქიკური ჯანმრთელობისა და ფიტნესის მიმართულებით ეკიპაჟის ყველა წევრისთვის. 2019 წელს ჩვენ წარმოგიდგინეთ WIZZ Aid, თანამშრომლებისთვის განკუთვნილი საგანგებო ფონდი, რომელიც შეიქმნა იმისთვის, რომ ფინანსური მხარდაჭერა გავუწიოთ კოლეგებს, რომლებსაც გადაუდებელი სამედიცინო მომსახურება სჭირდებათ ან ბუნებრივი თუ ანთროპოგენური ზემოქმედებით გამოწვეული სტიქიური უბედურებები შეეხოთ. COVID-19-ის ეპიდაფეთქების შემდეგ, ჩვენი თანამშრომლების, ძვირფასი ადამიანებისა და მგზავრების ჯანმრთელობის დასაცავად ახალი პროცედურები შევიმუშავეთ. პანდემიის პიკის პერიოდში ჩვენი ეკიპაჟისა და მგზავრების მაქსიმალურად დასაცავად Wizz Air-მა შეიმუშავა სხვადასხვა მნიშვნელოვანი პროტოკოლი, მათ შორის, დასუფთავებისა და დეზინფექციის დამატებითი პროცედურები და სახის ნიღბების ტარების სავალდებულო წესები, ასევე, შემოიღო ვაქცინაციის წესები თავისი თანამშრომლებისთვის 2021 წელს. ვინაიდან სულ უფრო მეტი ქვეყანა ამსუბუქებს მოგზაურობისა და უსაფრთხოების რეგულაციებს, ჩვენც გადავწყვიტეთ თვითმფრინავზე ნიღბის ტარების ვალდებულების შემსუბუქება. ამის მიუხედავად, ჩვენ ვინარჩუნებთ ფრთხილ და პროაქტიურ მიდგომას ჯანმრთელობისა თუ უსაფრთხოების მიმართ და საჭიროებისამებრ გადავაფასებთ შესაბამის წესებსა და პროცედურებს. რთული სამწლიანი პანდემიის შემდეგ, ომი დაიწყო უკრაინაში, რამაც მნიშვნელოვანი გავლენა მოახდინა ჩვენს მომხმარებლებზე, კოლეგებსა და როგორც უკრაინაში, ისე მოლდოვასა და რუსეთში ჩვენს საქმიანობაზე. სირთულეების მიუხედავად, ჩვენი თანამშრომლები ასრულებენ საქმეს და აჩვენებენ შესანიშნავ ცოდნას ჩვენი დაზარალებული თანამშრომლების, სტაჟიორებისა და მათი ოჯახის წევრების მხარდაჭერაში. მთლიანობაში, ჩვენი თანამშრომლებისთვის გაწეული მხარდაჭერა მოიცავდა People Council-ის მიერ შეგროვებულ და განაწილებულ თანხებს, ფსიქოლოგიურ დახმარებას და თანამშრომელთა ახალ ბაზებზე გადაყვანის მხარდაჭერას, ასევე, დასაქმების ახალ ხელშეკრულებებს ახალი ბაზებში. ამას გარდა, Wizz Air მზად არის, განაგრძოს საშუალო ხელფასის გადახდა უკრაინაში სამუშაო კონტრაქტით დასაქმებულთათვის, რომ უზრუნველყოს ჩვენი თანამშრომლების ფინანსური სტაბილურობა ამ რთულ ვითარებაში. საგანგებო სიტუაციებში სამთვიანი გადაუდებელი მხარდაჭერის შემდეგ უკრაინაში მყოფი თანამშრომლების აბსოლუტური უმრავლესობა ევაკუირებული და გადაყვანილი იქნა WIZZ ქსელის სხვა ბაზებში.
