იმგზავრეთ თქვენთვის მოსახერხებელი რეისით, თქვენთვის საჭირო დროს!
WIZZ Flex სერვისის შეძენის წესი:
- ამ სერვისის შეძენა შესაძლებელია მხოლოდ ახალი ჯავშნის გაფორმებისას და ის ვერ დაემატება არსებულ ჯავშნებს.
- სერვისის შეძენა შესაძლებელია როგორც ცალკე, ისე WIZZ Plus ნაკრების ფარგლებში.
- დამოუკიდებელი სერვისის სახით WIZZ Flex-ის შეძენა შესაძლებელია თითოეული მგზავრისთვის. ორმხრივი ავიაბილეთის შემთხვევაში WIZZ Flex გავრცელდება ორივე რეისზე (გამგზავრებაზე და დაბრუნებაზე), ხოლო სერვისის მოსაკრებლის გამოთვლა მოხდება მგზავრებისა და რეისების რაოდენობის შესაბამისად.
- WIZZ Flex-ის WIZZ Plus ნაკრების ფარგლებში შეძენის შემთხვევაში, აღნიშნული სერვისის შეძენა ვრცელდება ჯავშანში მითითებულ ყველა მგზავრსა და რეისზე. სერვისის მოსაკრებლის გამოთვლა მოხდება მგზავრებისა და რეისების რაოდენობის შესაბამისად.
- WIZZ Flex სერვისი არ მოიცავს სახელების შეცვლის შესაძლებლობას.
- WIZZ Flex-ის გამოყენება ვერ მოხერხდება ჯგუფური (15 მგზავრზე მეტისგან შემდგარი) ჯავშნებისთვის.
- WIZZ Flex-ის მოსაკრებლის ოდენობას შეგიძლიათ გაეცნოთ აქ.
მუშაობის პრინციპი
1. რეისის შეცვლა
ჯავშანში ცვლილებების შეტანა უნდა მოხდეს რეისის გამგზავრების დაგეგმილ დრომდე არა უგვიანეს 3 საათით ადრე. გაითვალისწინეთ, რომ რეისის ცვლილება განხორციელებულად ჩაითვლება გადახდილი თანხის (ასეთის არსებობის შემთხვევაში) მიღების შემდეგ. გაითვალისწინეთ, რომ შესაძლებელია მხოლოდ საკრედიტო ბარათით გადახდა.
ა) თუ შეძენილი გაქვთ WIZZ Flex (ცალკე ან WIZZ Plus ნაკრების ფარგლებში), შეგიძლიათ შემდეგი ცვლილებების შეტანა:
ა. ცალმხრივი ავიაბილეთების შემთხვევაში:
i. დაჯავშნილი რეისის თარიღის, დროისა და მიმართულების შეცვლა შესაძლებელია რეისის გამგზავრების დაგეგმილ დრომდე მაქსიმუმ 3 საათით ადრე (ცვლილება უნდა განხორციელდეს რეისის გამგზავრების დაგეგმილ დრომდე არა უგვიანეს 3 საათით ადრე).
ბ. ორმხრივი ავიაბილეთების შემთხვევაში (გასამგზავრებელი და დასაბრუნებელი რეისების ჩათვლით):
i. თუ ჯავშანში მითითებულია უკანა რეისი, მარშრუტი უნდა შეიცვალოს ორივე რეისისთვის (როგორც გასამგზავრებელი, ისე დასაბრუნებელი რეისებისთვის). აეროპორტი, რომლიდანაც მიემგზავრებით, არ უნდა განსხვავდებოდეს დასაბრუნებელი რეისის დანიშნულების პუნქტისგან. შესაბამისად, გასამგზავრებელი რეისის დანიშნულების პუნქტი არ უნდა განსხვავდებოდეს აეროპორტისგან, რომლიდანაც მიემგზავრებით (მაგ.: ჯავშანი „ბუდაპეშტი— ლონდონი-ლუტონი — ბუდაპეშტი“ შეიძლება შეცვალოს „ვარშავა — ბარსელონა — ვარშავაზე“, მაგრამ არა „ბუდაპეშტი — ლონდონი-ლუტონი — ვარშავაზე).
ii. თუ
გასამგზავრებელი რეისი უკვე შესრულდა, შესაძლებელია დასაბრუნებელი რეისის მხოლოდ თარიღისა და დროის შეცვლა.
გ. ცვლილებების შეტანის პროცესი ჯავშნებისთვის, რომლებიც შეიცავს ერთზე მეტ მგზავრს (2-10 ადამიანი; ჯგუფური ჯავშნების გარდა)
1. რეისის შესაცვლელად შედით თქვენს WIZZ ანგარიშში
2. აირჩიეთ ჯავშანი, რომელშიც გსურთ ცვლილებების შეტანა
3. აირჩიეთ მგზავრები, რომლებზეც გავრცელდება ცვლილებები (თუ ცვლილებების განხორციელება ყველა მგზავრისთვის გსურთ, იმავე პროცესში ყველა მგზავრის არჩევა შეგიძლიათ)
4. მიუთითეთ იმ ახალი რეის(ებ)ის დეტალები (თარიღი, დრო და მარშრუტი), რომელზეც გსურთ თავდაპირველი რეის(ებ)ის შეცვლა.
5. დაადასტურეთ ცვლილება და გადაიხადეთ ტარიფებში სხვაობა/რეისის შეცვლის მოსაკრებლები (ასეთის არსებობის შემთხვევაში)
ბ) WIZZ Flex-ის მეშვეობით რეისში შეტანილი ცვლილებებისთვის გადასახდელი მოსაკრებლები;
ა. რეისის შეცვლის მოსაკრებლის გადახდა არ დაგეკისრებათ
ბ. სხვაობა
ახალი და თავდაპირველი (შეცვლილი) რეისების ტარიფებს შორის შემდეგი პირობების გათვალისწინებით:
i. თუ
ახალი რეისის ტარიფი თავდაპირველზე მაღალი იქნება, უნდა გადაიხადოთ სხვაობა ამ ტარიფებს
შორის;
ii. თუ
ტარიფი თავდაპირველზე დაბალი იქნება, მგზავრს დამატებით არაფრის გადახდა მოუწვევს,
თუმცა ახალ და თავდაპირველ ტარიფებს შორის სხვაობა არ ანაზღაურდება;
iii. თუ თავდაპირველი და ახალი რეისების ტარიფები ერთი და იგივე იქნება, მგზავრს დამატებით არაფრის გადახდა მოუწვევს;
გ) WIZZ Discount Club-ის პრივილეგიების აღდგენა
გადასახდელი თანხა მოიცავს სხვაობას ავიაბილეთის/ბარგის ჩვეულებრივ და WIZZ Discount Club-ით გათვალისწინებულ ფასებს შორის. აღნიშნული გადასახადი ვრცელდება მგზავრებზე, რომლებიც არ მგზავრობენ WIZZ Discount Club-ის წევრთან ერთად რეისის შეცვლის გამო. შესაბამისად, ისინი დაკარგავენ WIZZ Discount Club-ის პრივილეგიებს.
დ) რეისში ცვლილებების შეტანის დასრულების შემდეგ მგზავრმა უნდა გაიაროს რეგისტრაცია ახალ რეისზე.
ე) ჯავშანთან ერთად მესამე მხარისგან შეძენილი სერვისები (მაგ. დაზღვევა, აეროპორტის ტრანსფერი და ა.შ) ავტომატურად არ შეიცვლება. აღნიშნული სერვისების შესაცვლელად მიმართეთ სერვისის მიმწოდებელს.
ვ)
მნიშვნელოვანი ინფორმაცია! იმ შემთხვევაში,
თუ მგზავრს კომპენსაციის მიღების უფლება აქვს ან/და 261/2004/EC ნორმატიული აქტის მე-7
და მე-8 მუხლების შესაბამისად ანაზღაურება ეკუთვნის (რეგულაცია), რადგან რეისი
(რომლითაც მგზავრმა თავდაპირველი რეისი შეცვალა ზემოთ აღნიშნულის შესაბამისად)
Wizz Air-ის მიერ გაუქმდა, კომპენსაციის ან/და ხარჯების ანაზღაურების ოდენობა განისაზღვრება
ახალი რეისისა და მისი ტარიფის საფუძველზე. ეს ნიშნავს, რომ თუ მგზავრს ნორმატიული
აქტის მე-8 მუხლის შესაბამისად ანაზღაურების მიღების უფლება აქვს და თავდაპირველი რეისის
ტარიფი ახალი რეისის ტარიფზე მაღალი იყო, მგზავრს მხოლოდ ახალი რეისის საფასური აუნაზღაურდება.
2. ჯავშნის გაუქმება და თანხის დაბრუნების მოთხოვნა
ჯავშნის გაუქმება და თანხის დაბრუნების მოთხოვნა თუ შეძენილი გაქვთ WIZZ Flex (ცალკე ან Wizz Plus ნაკრების ფარგლებში), ჯავშნის გაუქმება შეგიძლიათ შემდეგი პირობებით:
ა. ცალმხრივი ავიაბილეთების შემთხვევაში:
ჯავშანი უნდა გაუქმდეს რეისის გამგზავრების დაგეგმილ დრომდე არა უგვიანეს 3 საათით ადრე.
ბ. ორმხრივი ავიაბილეთების შემთხვევაში (გასამგზავრებელი და დასაბრუნებელი რეისების ჩათვლით):
გაუქმება შეიძლება განხორციელდეს სრული ჯავშნისთვის ან თითოეული
რეისისთვის ცალკე, გასამგზავრებელი რეისის (გზის ორი ნაწილის გაუქმების
შემთხვევაში) ან დასაბრუნებელი რეისის (დასაბრუნებელი ფრენის გაუქმების
შემთხვევაში) გამგზავრების დაგეგმილ დრომდე არაუგვიანეს 3 საათით ადრე.
გ. გაუქმების პროცესი ჯავშნებისთვის, რომლებიც შეიცავს ერთზე მეტ მგზავრს (2-10 ადამიანი; ჯგუფური ჯავშნების გარდა)
- ჯავშნის გასაუქმებლად შედით თქვენს WIZZ ანგარიშში
- აირჩიეთ ჯავშანი, რომლის გაუქმებაც გსურთ
- აირჩიეთ მგზავრები, რომლებზეც გავრცელდება გაუქმება (თუ გაუქმება ყველა მგზავრისთვის გსურთ, იმავე პროცესში ყველა მგზავრის არჩევა შეგიძლიათ)
- დაადასტურეთ გაუქმება და გადაიხადეთ გაუქმებასთან დაკავშირებული თანხა (ასეთის არსებობის შემთხვევაში)
დ. ჯავშნის გაუქმების შემთხვევაში მოქმედი გადასახადები
i. WIZZ Flex-ის მქონე მგზავრების მიერ გაუქმების შემთხვევაში გაუქმების მოსაკრებელი/ადგილის რეზერვაციის მოსაკრებელი არ ვრცელდება.
ii. WIZZ Discount Club-ის პრივილეგიების აღდგენა. გადასახდელი თანხა მოიცავს სხვაობას ავიაბილეთის/ბარგის ჩვეულებრივ და WIZZ Discount Club-ით გათვალისწინებულ ფასებს შორის. ჯავშნის WIZZ Discount Club-ის წევრისთვის გაუქმების შემთხვევაში, აღნიშნული გადასახადები გავრცელდება ჯავშანში დარჩენილ მგზავრებზე, რადგან ისინი ვეღარ ისარგებლებენ WIZZ Discount Club-ის პრივილეგიებით.
iii. სერვისის შემდეგი მოსაკრებლები დაბრუნებას არ ექვემდებარება:
- WIZZ Flex სერვისის მოსაკრებელი.
- WIZZ Discount Club-ის წევრობაში ან Privilege Pass-ში გადახდილი მოსაკრებლები, თუ ჯავშანი ერთ-ერთი მათგანის მეშვეობით გაფორმდა. ჯავშნის გაუქმების შემთხვევაში WIZZ Discount Club-ის წევრობა და Privilege Pass ძალაში დარჩება შესაბამისი წესებისა და პირობების შესაბამისად.
- გასაუქმებელ ჯავშანთან ერთად მესამე მხარეებისგან შეძენილი სერვისები (მაგ., დაზღვევა, აეროპორტის ტრანსფერი და ა.შ.). აღნიშნულ სერვისებზე ვრცელდება შესაბამისი სერვისის პროვაიდერის წესები თანხის დაბრუნებასთან დაკავშირებით.
- თუ იმ მგზავრისთვის გადახდილი თანხა, რომლის ჯავშანიც უქმდება, აღემატება გაუქმებასთან დაკავშირებულ მოსაკრებლებს
(WIZZ Flex-ის მოსაკრებელი, WIZZ Discount Club-ის პრივილეგიების აღდგენის გადასახადი), სხვაობა დაბრუნდება ჯავშნის მფლობელის (ჯავშნის თავდაპირველად გამფორმებელი პირის) WIZZ ანგარიშზე WIZZ კრედიტის სახით.
- თუ იმ მგზავრისთვის გადახდილი თანხა, რომლის ჯავშანიც
უქმდება, ნაკლებია გაუქმებასთან დაკავშირებულ მოსაკრებლებზე (WIZZ Flex-ის მოსაკრებელი,
WIZZ Discount Club-ის პრივილეგიების აღდგენის გადასახადი), მგზავრმა უნდა გადაიხადოს
სხვაობა სრულ ღირებულებასა და ჯავშნის გაუქმებასთან დაკავშირებულ გადასახადებს შორის.
- თუ იმ მგზავრისთვის გადახდილი თანხა, რომლის ჯავშანიც უქმდება, გაუქმებასთან დაკავშირებული მოსაკრებლების
(WIZZ Flex-ის მოსაკრებელი, WIZZ Discount Club-ის პრივილეგიების აღდგენის გადასახადი) ტოლია, გადახდა არ იქნება საჭირო, ხოლო თანხა არ დაბრუნდება.
ე. გაუქმებულ ჯავშანში გადახდილი თანხა დაბრუნდება ჯავშნის მფლობელის WIZZ ანგარიშზე, 72 საათის განმავლობაში, აღნიშნულ ჯავშანში მითითებული მგზავრების რაოდენობის მიუხედავად. ჯავშნის WIZZ Flex სერვისის მეშვეობით გაუქმების შემთხვევაში თანხა ვერ დაბრუნდება საბანკო ანგარიშზე ან გადახდისას გამოყენებულ საკრედიტო ბარათზე.
ვ. დაბრუნებული თანხის გამოყენება შესაძლებელია დაბრუნების თარიღიდან 90 დღის განმავლობაში. დაბრუნებული თანხით დაჯავშნილი ახალი რეისების გამგზავრების თარიღი არ იზღუდება აღნიშნული პერიოდით.
ზ. სერვისის ამ ნაწილით (ჯავშნის გაუქმება და თანხის დაბრუნების მოთხოვნა) ვერ ისარგებლებენ მგზავრები, რომლებმაც ავიაბილეთები ტურისტული სააგენტოს მეშვეობით დაჯავშნეს.
