Si mund t'ju ndihmojmë?

Fluturimi i anuluar: çfarë të bëjmë?

E kuptojmë se çdo parregullsi fluturimi mund të shkaktojë shumë shqetësime dhe ndryshime në planet e pasagjerëve. Edhe pse anulimet e fluturimeve nuk varen gjithmonë nga ne, ne bëjmë çmos për të minimizuar ndikimin negativ dhe për t'u kujdesur për pasagjerët në përputhje me rregulloren aktuale.

Nëse dëshironi të anuloni rezervimin për shkak të ndryshimit të planeve apo ndonjë arsye personale, vizitoni faqen Modifikimi i rezervimit.

Në rast se keni pasur një anulim të shkaktuar nga Wizz Air, mund të zgjidhni një nga opsionet më poshtë. Lista e saktë e opsioneve që ju ofrohen mund të gjendet te llogaria juaj WIZZ ose email i anulimit i dërguar nga Wizz Air.

1. PRANONI FLUTURIMIN ALTERNATIV

Mund të pranoni orarin e ri ose alternativ të fluturimit në rast se ky opsion ofrohet. Për më shumë informacione, kontrolloni llogarinë WIZZose emailin.

2. RI-REZERVONI

Mund të rezervoni një fluturim tjetër të operuar nga Wizz Air në të njëjtin itinerar ose itinerar të krahasueshëm në cilëndo nga 14 ditët para ose 30 ditë pas datës së nisjes së planifikuar fillimisht pa pagesë, në varësi të disponueshmërisë së vendeve.

RI-REZERVONI TANI

3. KREDITE WIZZ

Mund ta anuloni rezervimin tuaj dhe të kërkoni rimbursim të plotë tarife në formën e krediteve WIZZ.

4. RIMBURSIM

Ju mund të anuloni rezervimin tuaj dhe të kërkoni një rimbursim të tarifës totale të paguar për fluturimin e anuluar në formën fillestare të pagesës. Përdorni këtë formular për të konvertuar kreditet tuaja WIZZ në para.

Identifikohuni në llogarinë Wizz që keni përdorur për të rezervuar fluturimin dhe bëni zgjedhjen tuaj nga opsionet e përmendura më sipër. Zgjedhja ofrohet deri në 3 orë para orës fillestare të nisjes. Përndryshe, rimbursimi i plotë i biletës do të kreditohet automatikisht në llogarinë tuaj WIZZ.

Përndryshe, mund të bëhet:

nëpërmjet sportelit tonë të informacionit/biletarisë në aeroport
nëpërmjet lidhjes në emailin e anulimit të dërguar më parë nga ne
nëpërmjet shërbimeve të bisedës drejtpërdrejt
nëpërmjet qendrës sonë telefonike

Informacionet

Nëse rezervimi nuk është bërë me Wizz Air direkt, kontaktoni agjencinë e udhëtimit ose një faqe interneti të palës së tretë që zotëron rezervimin. Keni dy opsione:

Kërkojini agjencisë së udhëtimit të na kontaktojë dhe të kërkojë të modifikojë, ri-rezervojë ose të rimbursojë rezervimin në emrin tuaj.
Kontaktoni agjencinë e udhëtimit dhe kërkoni të dhënat e mëposhtme:

Kodin e konfirmimit (kodi 6-shifror)
Adresën e emailit (mund të jetë e ndryshme nga ajo që keni përdorur në faqen e internetit të palëve të treta)
Numrin e telefonit (mund të jetë i ndryshëm nga ai që keni përdorur në faqen e internetit të palëve të treta)
Katër shifrat e fundit dhe datën e skadimit të kartës së përdorur për pagesë (mund të jetë e ndryshme nga ajo që keni përdorur në faqen e internetit të palëve të treta)

Pas kësaj mund të na kontaktoni dhe të modifikoni, të ri-rezervoni ose të rimbursoni rezervimin tuaj.

Fatkeqësisht, pa këto të dhëna ne nuk mund të modifikojmë/ri-rezervojmë rezervimet e bëra nëpërmjet palëve të treta.