Vini re se të gjithë pasagjerët që mbërrijnë në Greqi duhet të plotësojnë një formular pararegjistrimi të paktën 24 orë përpara nisjes në lidhjen e mëposhtme:https://travel.gov.gr/#/.

Pa regjistrimin paraprak të konfirmuar nga interneti dhe kodin përkatës QR për secilin person në rezervim, pasagjerëve nuk do t’u lejohet imbarkimi në avionin e Wizz Air për të fluturuar drejt Greqisë.

Mosparaqitja e një kodi të vlefshëm QR me të dhëna të sakta me mbërritjen në Greqi mund të sjellë dhe gjobitje për pasagjerin.

Do të merrni një formular për vendndodhjen e pasagjerit “Passenger Locator Form (PLF)” me kodin tuaj unik QR në ditën e mbërritjes së planifikuar në Greqi (në mesnatë) përmes emailit.

Shtetasit me vendqendrim të përhershëm në vendet anëtare të Bashkimit Evropian (përfshirë bashkëshortët e tyre ose personat me të cilët ata kanë një marrëveshje bashkëjetese, si dhe fëmijët e tyre të mitur), shtetasit me kombësi sipas marrëveshjes së Shengenit dhe shtetasit me vendqendrim në Australi, Maqedoninë e Veriut, Zelandën e Re, Korenë e Jugut, Tajlandë, Emiratet e Bashkuara Arabe, Mbretërinë e Bashkuar, Shtetet e Bashkuara të Amerikës, Kanada, Bjellorusi, Bahrein, Serbi, Federatën Ruse, Izrael, Ruanda, Katar, Kinë, Kuvajt, Ukrainë, Arabi Saudite dhe Singapor lejohen të hyjnë në Greqi.

Përveç sa më sipër të gjithë udhëtarëve u kërkohet të kenë një certifikatë negative PCR nga një laborator testimi, për një test të COVID-19 të marrë jo më vonë se 72 orë para mbërritjes në Greqi. Ky test është i detyrueshëm për të gjithë (përfshirë fëmijët mbi moshën 12 vjeç), pavarësisht nga situata epidemiologjike në vendin e nisjes.

Nuk kërkohet prova e një testi negativ, nëse:

Ju keni përfunduar vaksinimin (d.m.th. kanë kaluar 14 ditë pas vaksinimit, në varësi të dozave të kërkuara) dhe keni një certifikatë vaksinimi.
(Vaksina të pranueshme janë: Pfizer BioNtech, Moderna, Astra Zeneca/Oxford, Novavax, Johnson + Johnson/Janssen, Sinovac Biotech, Gamaleya (Sputnik), Cansino Biologics, Sinopharm.)
Jeni shëruar nga COVID-19 në 9 muajt e fundit. Kjo mund të provohet duke paraqitur a) një certifikatë shërimi të lëshuar nga një autoritet publik ose një laborator i çertifikuar ose b) një certifikatë të një rezultati pozitiv të testit molekular PCR, duke konfirmuar që personi që ka kryer testin është shëruar nga infeksioni i virusit SARS-CoV-2, i kryer të paktën 2 muaj para mbërritjes, dhe jo më vonë se 9 muaj para mbërritjes.

Të gjitha certifikatat duhet të përfshijnë informacionin kritik (p.sh. numrin e dozave dhe datat e tyre përkatëse - në rast të vaksinimit) në anglisht, gjermanisht, frëngjisht, italisht, spanjisht ose rusisht dhe emri juaj i plotë duhet të përputhet me emrin në pasaportën tuaj ose në ndonjë dokument udhëtimi tjetër të njohur.

Ne rekomandojmë së tepërmi që të kontaktoni me autoritetet kompetente për hollësitë konkrete, për të konfirmuar të drejtën dhe kushtet e udhëtimit. Kini parasysh se jeni vetë përgjegjës për të qenë në dijeni të kushteve të udhëtimit në lidhje me vendin e mbërritjes përpara se ta ndërmerrni udhëtimin!

Në rast se prekeni nga masat (d.m.th. që mund të ketë kufizime për ju, duke mos ju lejuar të fluturoni dhe/ose hyni në Greqi) dhe keni prenotim të vlefshëm, por gjithsesi paraqiteni në aeroport për të fluturuar ose nuk paraqisni dokumentet e detyrueshme, Wizz Air ka të drejtën t'jua refuzojë transportin sipas dispozitës 12.1. l) të Kushteve të Përgjithshme të Transportit (GCC) dhe në përputhje me Klauzolën 12.3. të GCC (rregullat e rimbursimit).

Duke vijuar me procesin e checkin-it ju njëherësh konfirmoni se jeni konsultuar me autoritetet përkatëse, ju lejohet dhe jeni të aftë të fluturoni, dhe jeni në dijeni si dhe i pranoni pasojat e mundshme në rast mospajtimi me sa më lart dhe me rregullat e kufizimet përkatëse.