• Zgjidhni ose skedën "Individ" ose "Kompani" në faqen "Informacionet e faturimit ndërsa bëni rezervimin tuaj dhe plotësoni fushat e kërkuara.
• Nëse udhëtimi juaj është personal, përdorni skedën Individ. Për përdoruesit e regjistruar, të dhënat tuaja personale do të plotësohen automatikisht. Mund të bëni modifikime në këto detaje gjatë procesit të rezervimit nëse është e nevojshme.
• Nëse kompania juaj po mbulon shpenzimet dhe ju kërkoni një faturë, sigurohuni që të jepni detajet të plota të kompanisë duke përfshirë emrin e kompanisë, adresën dhe numrin tatimor.

• Ne lëshojmë automatikisht fatura elektronike dhe i dërgojmë në adresën e emailit të dhënë gjatë procesit të rezervimit brenda 5-7 ditëve pune pas kryerjes së rezervimit.
• Përndryshe, mund ta shkarkoni faturën nga seksioni "Rezervimet e ardhshme" të profilit tuaj WIZZ. Ky opsion është i disponueshëm deri në 6 muaj pas krijimit të rezervimit.
• Nëse nuk mund ta gjeni faturën atje, kërkojeni duke dorëzuar një formular pretendimi. Kini parasysh se mund të duhen deri në 30 ditë për të përpunuar kërkesën tuaj dhe për të marrë faturën.

Informacionet për faturën elektronike:

• Fatura elektronike përfshin një nënshkrim elektronik dhe vulën kohore të krijuar duke përdorur teknologjinë PKI (infrastruktura e çelësave publikë).
• Nënshkrimi përfaqëson Wizz Air Hungary dhe është i pajisur me një "certifikatë biznesi të kualifikuar".
• Sistemi ynë elektronik i faturimit është në përputhje me rregulloret hungareze.
• Në mënyrë të paracaktuar, ne gjenerojmë faturën me detajet që keni dhënë.

• Nëse ju duhet një kopje e printuar e faturës, kërkojeni duke dorëzuar një kërkesë në faqen e internetit.
• Ka një tarifë 3,00 € për krijimin dhe dërgimin e një faturë të printuar.
• Faturat e printuara do të dërgohen me postë në adresën që keni dhënë gjatë procesit të rezervimit.

• Nëse keni marrë një faturë të pasaktë, kontaktoni me agjentët tanë nëpërmjet bisedës drejtpërdrejtose qendrës telefonike. Ata do të ndihmojnë për të bërë ndryshimet e nevojshme dhe do t'ju japin një faturë të re.
• Nëse dëshironi të ndryshoni informacionet e faturimit pas kryerjes së rezervimit, kontaktoni qendrën tonë telefonike. Për ndryshimin e informacionit të faturimit zbatohet një tarifë prej ‎5,00 € dhe kjo mund të bëhet vetëm brenda 6 muajve pas krijimit të rezervimit.

Kini parasysh kufizimet e mëposhtme në lidhje me ndryshimet e faturës:

1. Rezervimet nuk mund të ndahen për qëllime faturimi. Nëse ju duhen fatura të veçanta për udhëtarë të shumtë (ose kompanitë e tyre), secili individ duhet të ketë një rezervim veçmas. Megjithatë, modifikimet që bëhen më pas, si p.sh. blerja e shërbimeve shtesë do të faturohen më vete.

2. Monedha në faturë nuk mund të ndryshohet. Edhe nëse zgjidhni një monedhë pagese të ndryshme nga monedha e qytetit të nisjes, fatura do të lëshohet në monedhën fillestare të rezervimit (d.m.th. jo në monedhën e pagesës).

Wizz Air Hungary lëshon fatura elektronike për klientët nëpërmjet emailit. Skedari PDF i bashkangjitur shërben si fatura origjinale elektronike e lëshuar nga Wizz Air Hungary.

Bazuar në rregullore ligjore përkatëse hungareze (ligji XXXV i vitit 2001 "Për nënshkrimet elektronike"; ligji C i vitit 2000 "Për kontabilitetin" Dekreti i Ministrisë së Financave 23/2014) kompanitë kanë të drejtën të lëshojnë fatura elektronike. Fatura elektronike është një skedar me format të veçantë që përmban imazhin e faturave të zakonshme të lëshuara nga Wizz Air Hungary si dokument PDF (në përputhje me kërkesat hungareze të formatit të faturave të përcaktuar në ligjin CXXVII të vitit 2007 për "Tatimin mbi vlerën e shtuar") dhe (brenda skedarit PDF) nënshkrimi i avancuar elektronik dhe vula kohore e faturës e krijuar me teknologjinë PKI (infrastruktura e çelësave publikë) në përputhje me rregulloret hungareze të përmendura më lart. Nënshkrimi bëhet në emër të Wizz Air Hungary dhe është i pajisur me "certifikatën e kualifikuar të biznesit" të një certifikuesi të kualifikuar të përfshirë nga Wizz Air Hungary. Skedari i faturës elektronike përfshin të gjithë informacionin e nevojshëm për të verifikuar certifikatën që i bashkëngjitet nënshkrimit dhe vulën kohore të faturës.

Marrësi ka për detyrë ta ruajë faturën elektronike në format elektronik, ashtu si faturat e printuara, nëse ajo do të përdoret për nevoja kontabiliteti.

Për të aksesuar dhe për të verifikuar origjinën dhe vërtetësinë e faturës elektronike, rekomandohet instalimi i Adobe Reader 9 ose i ndonjë versioni më të ri. Nëse hasni ndonjë problem me instalimin, kontaktoni administratorin e sistemit tuaj për ndihmë.