დაჯავშნის ინსტრუქცია
საინფორმაციო ცენტრი
საინფორმაციო ცენტრების ნომრები
[callcenter-transaction location=CallCentre] საინფორმაციო ცენტრის ტრანსაქციის მოსაკრებელი
აკორდეონის ელემენტები
დაჯავშნის დასრულების შემდეგ თქვენ მიიღებთ დასტურის კოდს, რომელიც რეისზე რეგისტრაციისთვის დაგჭირდებათ.
თქვენს ელფოსტის მისამართზე მგზავრობის მარშრუტის გეგმა გამოიგზავნება, რომელშიც შემდეგი ინფორმაცია იქნება მითითებული:
- დასტურის უნიკალური კოდი;
- რეისის ნომერი;
- მგზავრობის თარიღი და დრო;
- გამგზავრების და დანიშნულების ადგილების დეტალები;
- სრული ღირებულება.
ავიაბილეთების ტურისტულ სააგენტოში დაჯავშნის შემთხვევაში, მგზავრობის მარშრუტის გეგმას სააგენტოს თანამშრომელი მოგაწვდით.
ეს არის ადგილის დაჯავშნის ყველაზე იაფი და სწრაფი ხერხი. უბრალოდ, იპოვეთ სასურველი რეისი ჩვენი მთავარი გვერდიდან და მიჰყევით შემდეგ ნაბიჯებს.
მოთხოვნისას, შეიყვანეთ შემდეგი აუცილებელი ინფორმაცია:
- მგზავრის დეტალები;
- საკონტაქტო ინფორმაცია;
- ანგარიშსწორების ინფორმაცია.
ამ პროცესის დასრულების შემდეგ, თქვენ მგზავრობის მარშრუტის გეგმას მიიღებთ.
ინტერნეტით დაჯავშნის განსახორციელებლად, თქვენ მინიმუმ 18 წლის უნდა იყოთ.
Wizz Air-ის საინფორმაციო ცენტრთან დაკავშირება კონკრეტული ქვეყნისთვის განკუთვნილ ფასიან ნომერზე დარეკვით შეგიძლიათ.
Wizz Air-ის საინფორმაციო ცენტრის მეშვეობით დაჯავშნის შემთხვევაში, საინფორმაციო ცენტრის ტრანსაქციის მოსაკრებლის გადახდა მოგიწევთ. საინფორმაციო ცენტრის ტრანსაქციის მოსაკრებელი დაბრუნებას არ ექვემდებარება. მოსაკრებლის ოდენობის შემოწმება აქ დაწკაპუნებით შეგიძლიათ.
დაკავშირებული ინფორმაცია
ანგარიშსწორება სხვადასხვა ხერხით არის შესაძლებელი:
- საკრედიტო ან სადებეტო ბარათებით (Visa, Visa Electron, MasterCard და Maestro);
- საბანკო გადარიცხვით;
- თქვენს WIZZ ანგარიშში არსებული ბალანსის მეშვეობით;
- WIZZ ვაუჩერების გამოყენებით.
გადახდის მეთოდების შესახებ დამატებითი ინფორმაციის მისაღებად, გთხოვთ, მოინახულოთ გადახდის გვერდი!
ერთი მიმართულებით მგზავრობის ფასში შედის გადასახადები, ადმინისტრაციული და სხვა სახის არანებაყოფლობითი მოსაკრებლები, ასევე ხელბარგის ღირებულება (55 x 40 x 23 სმ, მაქს. 10 კგ).
ჩვენ მიერ მგზავრების გადაყვანა პირდაპირ ორ ქალაქს შორის ხორციელდება. ჩვენ არ გთავაზობთ რეისებს გადაჯდომებით და შესაბამისად, ყოველი ინდივიდუალური მგზავრობისთვის ბარგის ხელახლა რეგისტრაცია დაგჭირდებათ.
დაჯავშნისას მითითებული საკონტაქტო ინფორმაცია შეიძლება თქვენი რეისის სტატუსის ცვლილებასთან დაკავშირებული შეტყობინებების გამოსაგზავნად გამოვიყენოთ. თქვენი მხრიდან საჭიროა შემდეგი საკონტაქტო ინფორმაციის მითითება:
- ტელეფონის/მობილურის ნომერი;
- ელფოსტის მისამართი.
იმ შემთხვევაში, თუ დაჯავშნა ტურისტული სააგენტოს თანამშრომლის მიერ განხორციელდა და მასში მგზავრის ელფოსტის მისამართი მითითებული არ არის, შეტყობინებები ტურისტული სააგენტოს თანამშრომლის ელფოსტის მისამართზე გაიგზავნება. მათ ტურისტული სააგენტოს თანამშრომელი თავად გადმოგიგზავნით.
Wizz Air არ აგებს პასუხს იმ ზიანისთვის, რომელიც მგზავრს მიადგა ელფოსტის მისამართის და/ან ტელეფონის ნომრის არასწორად მითითებით, ან იმ შემთხევაში, თუ მას არ ჰქონდა წვდომა, ან რეგულარულად არ ამოწმებდა ელფოსტის მითითებულ მისამართს, ანდა თუ ტელეფონის მოწოდებულ ნომრებზე მასთან დაკავშირება შეუძლებელი იყო.