Rregullat e tarifave të fluturimit

Tarifat e fluturimit që shfaqen më lart janë vetëm për një person për një drejtim udhëtimi, duke përfshirë taksat, tarifën e administrimit dhe tarifa të tjera joopsionale. Për shkak të rezervimeve që kryhen njëkohësisht, biletat në dispozicion mund të ndryshojnë gjatë procesit të rezervimit. Bileta garantohet vetëm kur përfundon rezervimi dhe ju keni marrë konfirmim me numër rezervimi.

Nga 1 nëntori 2018, të gjithë pasagjerët kanë të drejtën të sjellin në bord një bagazh dore falas jo më të madh se 40x30x20 cm, që mund të vendoset nën ndenjësen përpara jush. Pasagjerëve që kanë blerë WIZZ Priority u lejohet të sjellin në bord një valixhe shtesë me rrota, të përmasave maksimale 55x40x23 cm. Gjithashtu, Wizz Air po prezanton lloj të ri bagazhi të regjistruar me kuotë peshe prej 10 kg, përveç opsioneve ekzistuese 20 dhe 32 kg.

Blerjet mund të kryhen sipas politikës së re për bagazhet e kabinës të 10 tetorit 2018, për udhëtimet pas 1 nëntorit 2018. Për klientët që udhëtojnë pas 1 nëntorit 2018, të cilët i kanë blerë biletat përpara 10 tetorit pa WIZZ Priority, rezervimi do t'u suplementohet me mundësinë për një bagazh të regjistruar falas prej 10 kg, i cili duhet të dorëzohet në sportelin e checkin-it. Për klientët që e kanë blerë tanimë një opsion bagazhi të regjistruar 20 apo 32 kg, suplementi WIZZ Priority do t'u shtohet në rezervim duke u lejuar të sjellin një valixhe me rrota përveç bagazhit falas të dorës.

Numri i çantave që dëshironi të regjistroni duhet të tregohet dhe të paguhet gjatë procesit të rezervimit. Mund të shtohen bagazhe të tjera më vonë, në internet ose përmes qendrës telefonike të Wizz Air. Do t’ju duhet të paguani tarifa më të larta bagazhi nëse shtoni bagazh të madh kabine dhe/ose bagazh të regjistruar në një rezervim ekzistues.
Nëse në aeroport paguhen njësi të tjera bagazhi, do të ketë një tarifë më të lartë për bagazhin.
Nëse regjistroni më pak njësi bagazhi sesa kishit paguar, tarifa e bagazhit nuk do t’ju rimbursohet.

Itinerarin dhe orën e datën e fluturimit mund t'i ndryshoni deri në 3 orë përpara nisjes, kundrejt një tarife ndryshimi. Nëse bileta, taksat, tarifat dhe pagesat që ofrohen për datën dhe orën e fluturimit të ri janë më të larta se ato të fluturimit fillestar, duhet të paguhet diferenca.

Edhe emri i pasagjerit mund të ndryshohet gjithashtu kundrejt një tarife për ndryshimin e emrit.

Numri i ndenjëseve të ofruara në këtë biletë është i kufizuar dhe mund të mos ofrohet në rezervimet e mëvonshme për këtë fluturim apo fluturime të tjera.
Të gjitha biletat mund të pësojnë ndryshime deri në momentin e blerjes.

Checkin-i në aeroport nis 2 orë dhe mbyllet 40 minuta përpara nisjes, sipas orarit në aeroportin e vendit të nisjes. Nëse nuk i kryeni procedurat e checkin-it brenda afatit të checkin-it, ose nëse nuk paraqiteni në sportelin e checkin-it ose në portën e imbarkimit në kohë për çfarëdo arsye, ne do ta anulojmë rezervimin dhe do t’ju rimbursojmë shumën e tarifës totale të fluturimit pas zbritjes së tarifave përkatëse, duke përfshirë edhe Tarifën për ruajtjen e ndenjëses.

Si mund t'ju ndihmojmë?

Temat e rekomanduara