Ky njoftim privatësie vlen për të gjitha të dhënat personale që na jepni, si dhe për të gjitha të dhënat personale që grumbullojmë rreth jush, qoftë rreth mënyrës se si e përdorni uebsajtin wizzair.com ose aplikacionin për celular Wizz Air (duke përdorur "kuki") ose rreth mënyrave tuaja të udhëtimit nëse kryeni rezervime me ne. Njoftimi i privatësisë ju ndihmon të kuptoni më mirë se si i përdorim të dhënat tuaja personale dhe shpjegon se si i grumbullojmë dhe i përdorim ato dhe me kë i ndajmë ato.
1. KUSH JEMI NE?
Wizz Air UK Limited
(“Wizz Air” ose “ne” ose “neve”) (selia e regjistruar: Main Terminal Building, London
Luton Airport, Luton, LU2 9LY, Mbretëria e Bashkuar; numri i regjistrimit të kompanisë: 10982241)
vepron si kontrolluesi i të dhënave. Kjo do të thotë se Wizz Air vendos se si përpunohen të dhënat tuaja personale dhe për çfarë qëllimesh.
Kini parasysh se Wizz Air Hungary Ltd. (selia e regjistruar: Laurus Offices, Kőér
street 2/A, Building B, II-V., H-1103, Budapest, Hungari; numri i regjistrimit të kompanisë: 01-10-140174) vepron si kontrollues i përbashkët i të dhënave së bashku me Wizz Air UK Limited në lidhje me përpunimin e të dhënave tuaja personale. Si subjekt i të dhënave ju mund të ushtroni të drejtat tuaja që lidhen me mbrojtjen e të dhënave ndaj Wizz Air UK Limited dhe
Wizz Air Hungary Ltd. siç përshkruhet në këtë Njoftim privatësie duke dërguar kërkesën tuaj te Wizz Air Hungary Ltd. Wizz Air Hungary Ltd. do t’i përgjigjet kërkesës suaj dhe do t’ju njoftojë gjithmonë rreth përpunimit të të dhënave tuaja personale duke përditësuar këtë Njoftim privatësie në wizzair.com, sepse Wizz Air Hungary Ltd. është zotëruesi i uebsajtit siç përshkruhet në Kushtet e përgjithshme të Llogarisë Wizz.
2. PUNONJËSI I MBROJTJES SË TË DHËNAVE
Wizz Air Hungary Ltd. ka emëruar një Punonjës të Mbrojtjes së të Dhënave (“DPO”) në nivelin e grupit Wizz Air për të siguruar pajtueshmërinë me të gjitha ligjet në fuqi të mbrojtjes së të dhënave dhe mbikëqyrjen e gjendjes së pajtueshmërisë, gjithashtu për të siguruar marrjen e përgjigjeve në lidhje me pyetjet tuaja të lidhura me mbrojtjen e të dhënave. Duke marrë në konsideratë se vendimet në lidhje me aktivitetet e përdorimit të të dhënave kryhen në Hungari,
Wizz Air ka vendosur se Autoriteti Hungarez i Mbrojtjes së të Dhënave është autoriteti kryesor mbikëqyrës i mbrojtjes së të dhënave për Wizz Air si kontrolluesi i të dhënave.
Ju keni gjithmonë të drejtën të bëni një ankesë në lidhje me mbrojtjen e të dhënave në çdo kohë pranë autoritetit mbikëqyrës.
Nëse dëshironi të ushtroni të drejtat tuaja që lidhen me mbrojtjen, ju mund të dërgoni kërkesën tuaj KËTU pas identifikimit në llogarinë tuaj Wizz në skedën e mbrojtjes së të dhënave.
3. TË DHËNAT TUAJA PERSONALE –
ÇFARË JANË ATO?
Të dhënat personale lidhen me një person të gjallë që mund të identifikohet qartë nëpërmjet këtyre të dhënave, në veçanti emri juaj, adresa, numri i telefonit, adresa e emailit, numri i kartës së kreditit ose të bankës, informacioni mbi masat e posaçme të kujdesit. Identifikimi mund të kryhet vetëm nga informacioni ose në lidhje me çdo informacion tjetër që ndodhet përndryshe në zotërim të kontrolluesit të të dhënave ose që ka gjasë t'i marrë në zotërim.
4. SI I GRUMBULLOJMË NE TË DHËNAT PERSONALE?
Ne i grumbullojmë të dhënat tuaja në uebsajtin tonë, aplikacionin për celular, përmes emailit, Call Center-it, përmes postës kur na dërgoni një letër me postë dhe në raste të caktuara në aeroport kur jemi të detyruar ose na kërkohet që të përgatisim memorandume apo procesverbale për ngjarje të caktuara që lidhen me udhëtimin tuaj.
5. PSE I GRUMBULLOJMË NE TË DHËNAT PERSONALE? (QËLLIMET E PËRPUNIMIT TË TË DHËNAVE)
Ne i grumbullojmë dhe i përdorim të dhënat tuaja personale për qëllimet e mëposhtme:
a) Për të përpunuar verifikimin e rezervimit tuaj dhe kartës së pagesës, ne grumbullojmë të dhënat e mëposhtme: titullin, emrat e pasagjerëve, adresat, numrat e pasaportave ose të dokumenteve zyrtare të identitetit të BE-së të lëshuara nga qeveria dhe datën e skadimit, numrat e telefonit, emailet dhe adresat e IP-së, kartat e kreditit/debitit ose të dhëna të tjera pagese ose bankare.
b) Për të ofruar shërbimet që ju keni blerë prej nesh, për këtë qëllim ne grumbullojmë të dhënat e mëposhtme: emrin e pasagjerit, kombësinë, gjininë, grupmoshën, numrat e pasaportave ose kartave kombëtare të identitetit të BE-së të lëshuara nga qeveria dhe datën e skadimit, problemet mjekësore për pasagjerët që kanë kërkesa mjekësore të veçanta dhe/ose kërkesat dietike, numrin e telefonit, adresën e emailit, të dhënat e kartës së kreditit ose bankare ose të dhënat e llogarisë bankare, informacionin në lidhje me kujdesin special (të dhënat delikate personale), të dhënat e fluturimit, numrin e konfirmimit, datën e lindjes, të dhënat e dokumenteve të udhëtimit, shërbimet që keni blerë dhe numrin e llogarisë WIZZ.
c) Për të lehtësuar blerjen e shërbimeve ose produkteve të palëve të treta në uebsajtin tonë. Për këtë qëllim, grumbullojmë të dhënat e mëposhtme: emrin e pasagjerit, kombësinë, gjininë, numrin e telefonit, adresën e emailit, të dhënat e kartës së kreditit ose ato bankare, informacion në lidhje me kujdesin special, të dhënat e fluturimit, numrin e konfirmimit, datën e lindjes, të dhënat mbi dokumentet e udhëtimit, të dhënat e vendndodhjes (duke përfshirë vendndodhjen gjeografike në kohë reale të kompjuterit ose të pajisjes suaj përmes GPS, Bluetooth-it dhe adresës suaj IP, së bashku me vendndodhjet e marra me crowd-sourcing të hotspoteve Wi-Fi dhe kullave celulare, nëse përdorni veçoritë e bazuara në vendndodhje dhe aktivizoni cilësimet e Shërbimeve të vendndodhjes në pajisjen dhe kompjuterin tuaj) dhe numrin e llogarisë WIZZ.
d) Për të komunikuar me ju (për shembull në rast ndërprerjeje të fluturimit) përmes emailit, telefonit, SMS-ve, MMS-ve, njoftimeve me shtytje, mesazheve përmes aplikacionit, shërbimit të bisedës, medias sociale, telefonatave, letrave me postë. Për këtë qëllim, grumbullojmë të dhënat e mëposhtme: emrin dhe të dhënat e kontaktit (numrin e telefonit, adresën e emailit, adresën postare), të dhënat e fluturimit, numrin e Llogarisë Wizz.
e) Për t’ju dërguar kujtues për rezervime të papërfunduara. Për këtë qëllim, grumbullojmë të dhënat e mëposhtme: pikënisjen e zgjedhur dhe destinacionin, nëse fluturimi është vetëm vajtje apo vajtje-ardhje, orarin e nisjes dhe të mbërritjes, numrin e pasagjerëve, llojin e biletës së zgjedhur, çmimin gjithsej të biletës, nëse përdoruesi është abonent i buletinit informativ, llojin e rezervimit (normal, WIZZ Discount Club, grup), shërbimet e zgjedhura, gjuhën e sajtit/aplikacionit të Wizz Air.
f) Për t’ju dërguar buletine informative. Për këtë qëllim, grumbullojmë të dhënat e mëposhtme: emrin dhe të dhënat e kontaktit (numrin e telefonit, adresën e emailit), të dhënat e kërkimeve tuaja historike në wizzair.com dhe zakonet e udhëtimit, preferencat e udhëtimit.
g) Për t’ju dhënë oferta të përshtatura me preferencat tuaja dhe për të shfaqur rekomandime të personalizuara për produktet shtesë. Për këtë qëllim, grumbullojmë të dhënat e mëposhtme: emrin dhe të dhënat e kontaktit (numrin e telefonit, adresën e emailit), të dhënat e kërkimeve tuaja historike në wizzair.com dhe zakonet e udhëtimit, preferencat e udhëtimit, të dhënat e vendndodhjes (duke përfshirë vendndodhjen gjeografike në kohë reale të kompjuterit ose të pajisjes suaj përmes GPS, Bluetooth-it dhe adresës suaj IP, së bashku me vendndodhjet e marra me crowd-sourcing të hotspoteve Wi-Fi dhe kullave celulare, nëse përdorni veçoritë e bazuara në vendndodhje dhe aktivizoni cilësimet e Shërbimeve të vendndodhjes në pajisjen dhe kompjuterin tuaj). Për qëllimin e fundit, ne përdorim të dhënat historike të rezervimeve/transaksioneve, të dhënat e grafikut të blerjeve live, të dhënat e vendndodhjes dhe klasifikimin e itinerareve të aplikuara nga Wizz Air.
h) Për të komunikuar me ju për të zhvilluar anketat tona rreth kënaqësisë së klientëve tanë për qëllime analitike, për përmirësim të cilësisë, për zhvillimet e shërbimit, për të përmirësuar performancën e uebsajtit, për të matur suksesin e fushatave tona të reklamimit ose për të përshtatur shërbimet me nevojat tuaja. Për këtë qëllim, grumbullojmë të dhënat e mëposhtme: emrin dhe të dhënat e kontaktit (numrin e telefonit, adresën e emailit) dhe të dhënat historike të rezervimeve.
i) Për të mbështetur qëllimet administrative dhe ligjore për shembull kontrollet kundër mashtrimit, për qëllime sigurie, operacionale dhe qëllime të tjera raportimi dhe sigurie. Për këtë qëllim, grumbullojmë të dhënat e mëposhtme:
emrin e pasagjerit, adresën, numrin e telefonit, adresën e IP-së, të dhënat e vendndodhjes gjeografike, historikun e rezervimeve dhe të transaksioneve, të dhënat e kartës së kreditit/debitit, të dhënat në lidhje me pretendimet dhe ankesat.
j) Për t’u pajtuar me dispozitat e detyrueshme të ligjeve të zbatueshme si p.sh. qëllime kontabiliteti, faturimi dhe auditimi, mbrojtja e klientit, emigrimi ose qëllime që lidhen me shëndetin publik. Për këtë qëllim, grumbullojmë të dhënat e mëposhtme: të dhënat personale që lidhen me kontrollet e emigracionit dhe të doganave, të dhënat personale që lidhen me faturimin, të dhënat që lidhen me personat që kërkojnë asistencë speciale; të dhënat personale që lidhen me detyrimet tona në rast ndërprerjeje të fluturimit ose vonese të fluturimit.
Do të donim t'ju sillnim në vëmendje faktin se të dhënat personale që na jepni gjatë krijimit të llogarisë WIZZ do të përdoren për rezervimin e fluturimit tuaj si pasagjer me ne.
Prandaj dhe duhet të siguroheni që gjatë procesit të regjistrimit të na jepni të dhëna të sakta personale që përkojnë saktësisht me ato të dokumentit tuaj të udhëtimit që përdorni për të udhëtuar me ne.
Nëse të dhënat tuaja personale janë të pasakta ose të paplota, mund të keni të drejtën të merrni prej nesh një korrigjim ose plotësim të të dhënave tuaja personale.
5.1. Përpunimi i të dhënave personale delikate
Në disa raste ne gjithashtu kemi nevojë të përpunojmë kategori të veçanta të dhënash personale (të dhënat personale delikate) p.sh. të dhënat shëndetësore, për shembull kur kërkoni asistencë speciale prej nesh dhe/ose një operatori aeroporti (si p.sh. sigurimi i oksigjenit), ose kur ju na jepni informacion rreth gjendjes së përshtatshme fizike për fluturim (për shembull nëse jeni shtatzënë ose informacion rreth alergjive) për arsye sigurie.
Për të përpunuar të dhënat tuaja delikate personale na duhet miratimi juaj specifik, përndryshe mund të mos jemi në gjendje t’jua ofrojmë shërbimet e kërkuara. Të dhënat tuaja personale mund t'i përdorim sipas nevojës për të përcaktuar, ushtruar apo mbrojtur pretendime ligjore, si dhe për të garantuar pajtueshmërinë me kërkesat e detyrueshme ligjore. Mund të kërkohet transferimi i të dhënave tuaja personale delikate te palë të treta, edhe jashtë Zonës Ekonomike Evropiane, gjatë ofrimit të shërbimeve të kërkuara prej nesh bazuar në dispozitat e detyrueshme ligjore.
5.2. Profilizimi
Ne do të kryejmë profilizim për t’ju dhënë juve oferta të përshtatura për nevojat, preferencat dhe interesat tuaja. Ofertat mund të përfshijnë ndër të tjera ulje për biletat e fluturimeve, ulje për shërbime të tjera, kuponë që jepen në shkëmbim të pjesëmarrjes në anketa. Ofertat mund të nënkuptojnë oferta të Wizz Air Hungary Ltd.,
të Wizz Air UK Limited, Wizz Air Abu Dhabi ose të partnerëve tanë të kontraktuar (p.sh. bankat që lëshojnë karta krediti/debiti me markën WIZZ, me përfitime të posaçme) ose palë të treta. Ofertat mund të jepen përmes emailit, telefonit, SMS-ve ose njoftimeve aktive bazuar në miratimin tuaj.
Profilizimi është një formë përpunimi i automatizuar i të dhënave tuaja personale që përbëhet nga përdorimi të dhënave personale për të vlerësuar aspekte të caktuara personale që lidhen me, në veçanti për të analizuar ose parashikuar aspekte që lidhen me situatën ekonomike, preferencat personale, interesat, besueshmërinë, sjelljen, vendndodhjen/lëvizjet tuaja.
6. BAZA LIGJORE PËR PËRPUNIMIN E TË DHËNAVE
Aktivitetet e përpunimit të të dhënave që tregohen në pikën a)-b) të Paragrafit 5 të këtij Njoftimi privatësie janë të nevojshme për përmbushjen e kontratës që lidhet mes jush dhe Wizz Air ose për të marrë hapat në kërkesën tuaj për të lidhur kontratë, prandaj përpunuesi i të dhënave bazohet në Nenin 6 (1) (b) të Rregullores së Përgjithshme të Mbrojtjes së të Dhënave Nr. 2016/679 të Parlamentit Evropian dhe të Këshillit ("GDPR").
Baza ligjore për aktivitetet e përpunimit të të dhënave të treguara në pikën c)-g) të Paragrafit 5 të këtij Njoftimi privatësie është miratimi juaj sipas Nenit 6 (1) (a) dhe Nenit
9 (2) (a) të GDPR.
Aktiviteti i përpunimit të të dhënave në pikën h)-i) të Paragrafit 5 të këtij Njoftimi privatësie bazohet në interesin legjitim të Wizz Air në lidhje me përpunimin e të dhënave (Neni 6 (1) (f) i GDPR). Nëse baza ligjore është interesi legjitim i Wizz Air, ne do t'i marrim parasysh me kujdes interesat dhe të drejtat e liritë tuaja themelore, dhe nëse këto i anulojnë interesa të tilla legjitime (prova e ekuilibrit).
Aktiviteti i përpunimit të të dhënave të treguara në pikën j) e Paragrafit 5 të këtij Njoftimi privatësie është i nevojshëm për pajtueshmërinë me detyrimet ligjore të zbatueshme ndaj Wizz Air, prandaj baza ligjore e përpunimit të të dhënave bazohet në Nenin 6 (1) (c)
të GDPR.
Pasojat e mosdhënies/refuzimit për të dhënë të dhënat personale
Kini parasysh se na nevojiten të dhënat personale të listuara në këtë Njoftim privatësie më lart te Paragrafi 5 për të përmbushur Kushtet e përgjithshme të transportit dhe për t’ju ofruar shërbimet tona ose ofertat e personalizuara. Nëse nuk na i jepni të dhënat e kërkuara personale ne nuk do të jemi në gjendje t'jua ofrojmë të gjitha apo disa pjesë të shërbimeve që keni kërkuar nga ne.
Nëse e tërhiqni miratimin ose nuk jepni miratim për përdorimin e të dhënave tuaja delikate, ne mund të mos jemi në gjendje t'jua ofrojmë të gjitha apo disa pjesë të shërbimeve që keni kërkuar nga ne. Ju lutemi vini re se në këto rrethana nuk do të jeni në gjendje të anuloni apo të merrni rimbursim për tarifat që mund të keni paguar.
7. PËR SA KOHË I MBAJMË NE TË DHËNAT TUAJA PERSONALE?
Ne i përpunojmë të dhënat tuaja personale për kohën e kërkuar për qëllimet e përcaktuara në këtë Njoftim privatësie ose për periudhën e kufizimit të përshkruar në ligjet përkatëse.
Ne nuk i mbajmë të dhënat tuaja më gjatë se sa është logjikisht e nevojshme: për një periudhë prej 6 vitesh nga përfundimi i kontratës së lidhur me ne (pra fshirja e llogarisë suaj të WIZZ) për të qenë në pajtim me ligjet e zbatueshme për mbajtjen e të dhënave.
Ne i ruajmë të dhënat e kërkimeve në internet në lidhje me ju për katër ditë.
Në rast dokumentesh kontabiliteti, periudha e ruajtjes është 8 vjet nga mbyllja e vitit fiskal, në përputhje me Paragrafin 169 të Ligjit C të vitit 2000 mbi Kontabilitetin.
Nëse është nisur një procedim gjyqësor ose disiplinor, atëherë të dhënat personale do të ruhen deri në përfundim të procedimeve, duke përfshirë kohëzgjatjen e çdo zgjidhjeje të mundshme ligjore, të cilat të dhëna më pas, në rast padish civile, do të fshihen pasi të ekzekutohet statuti i kufizimit të ligjit civil.
Në rast përpunimi të të dhënave bazuar në miratimin, të dhënat personale do të përpunohen derisa të tërhiqet miratimi.
8. PËRPUNIMI I MËTEJSHËM I TË DHËNAVE PERSONALE
Nëse dëshirojmë të përdorim të dhënat tuaja personale për një qëllim të ri që nuk mbulohet nga ky Njoftim privatësie, do t’ju japim një njoftim të ri që shpjegon të gjitha kushtet në lidhje me përpunimin e ri përpara se të zhvillohet përpunimi i ri. Nëse kërkohet, ne do të kërkojmë miratimin tuaj përpara se të fillojmë aktivitetin e përpunimit të ri të të dhënave.
9. TË DREJTAT TUAJA TË MBROJTJES SË TË DHËNAVE PERSONALE
Sipas legjislacionit në fuqi për mbrojtjen e të dhënave mund të gëzoni të drejtën:
- për të kërkuar akses në të dhënat tuaja personale,
- për të kërkuar korrigjim të të dhënave tuaja personale,
- për të kërkuar fshirjen e të dhënave tuaja personale,
- për të kërkuar kufizimin e përpunimit të të dhënave tuaja personale,
- për të kërkuar mbartjen e të dhënave,
- për të kundërshtuar përpunimin e të dhënave tuaja personale (duke përfshirë kundërshtimin për profilizim, si edhe të drejta të tjera në lidhje me vendimmarrjen e automatizuar),
- për të tërhequr miratimin tuaj, si dhe për të depozituar një ankesë pranë autoritetit mbikëqyrës.
9.1 E drejta për akses
Ju mund të keni të drejtën të merrni nga ne konfirmim nëse të dhënat tuaja personale janë përpunuar ose jo, dhe nëse është kështu, të kërkoni akses në të dhënat personale.
Ju mund të keni të drejtën të merrni një kopje të të dhënave tuaja personale që po përpunohen në përputhje me ligjet përkatëse të mbrojtjes së të dhënave. Ne mund të kërkojmë prej jush informacion shtesë për identifikim ose për kopje shtesë të kërkuara nga ju, ne mund të tarifojmë një tarifë të arsyeshme bazuar në kostot administrative.
9.2. E drejta e korrigjimit
Mund të keni të drejtën të përfitoni korrigjim nga ana jonë të të dhënave të pasakta personale në lidhje me ju. Në varësi të qëllimeve të përpunimit, ju mund të keni të drejtën të plotësoni të dhënat personale të paplota, edhe përmes dhënies së një deklarate suplementare.
E drejta juaj për korrigjim ofrohet prej nesh falas në parim, por në rastin e ndryshimeve të emrave të pasagjerëve në rezervim ekzistues deri në 3 orë përpara orarit të planifikuar të nisjes, ne mund t'ju tarifojmë me koston e ndryshimit të emrit nëse përmbushen kushte të caktuara në përputhje me Kushtet tona të përgjithshme të transportit.
Për më shumë informacion në lidhje me rregullat tona për korrigjimet me ndryshim emri, klikoni këtu.
9.3. E drejta e fshirjes (e drejta për t’u harruar)
Në rrethana të caktuara, ju mund të keni të drejtën të kërkoni prej nesh fshirjen e të dhënave tuaja personale dhe ne mund të kemi detyrimin të fshijmë këto të dhëna personale. Në këto raste, ne nuk do të jemi më në gjendje t’ju ofrojmë më tej shërbimet tona.
9.4. E drejta për të kufizuar përpunimin
Në rrethana të caktuara, mund të keni të drejtën të kërkoni nga ne kufizimin e përpunimit të të dhënave tuaja personale. Në këtë rast, do të shënohen të dhënat përkatëse dhe ato mund të përpunohen prej nesh vetëm për qëllime të caktuara.
9.5. E drejta për të kundërshtuar dhe të drejtat që lidhen me vendimmarrjen e automatizuar
Në rrethana të caktuara, ju mund të keni të drejtën të kundërshtoni, për arsye që lidhen me situatën tuaj të caktuar, në çdo moment, përpunimin e të dhënave tuaja personale, duke përfshirë profilizimin, prej nesh dhe neve mund të na kërkohet të mos i përpunojmë më të dhënat tuaja personale.
Gjithashtu, nëse të dhënat tuaja personale përpunohen në bazë të interesave tona legjitime, ju keni të drejtën të kundërshtoni në çdo kohë përpunimin e të dhënave tuaja personale në lidhje me këto qëllime.
Gjithashtu, në rrethana të caktuara në rastin e vendimmarrjes së automatizuar individuale, ju keni të drejtën për të fituar ndërhyrje njerëzore.
Ne ju njoftojmë se Wizz Air nuk e zbaton mekanizmin e vendimmarrjes së automatizuar sipas
GDPR.
9.6. E drejta për mbartjen e të dhënave
Në rrethana të caktuara ju mund të keni të drejtën t'i merrni të dhënat personale që na keni dhënë, në një format të strukturuar, në përdorim të zakonshëm, të lexueshëm nga kompjuteri (d.m.th. në formë dixhitale) dhe mund të keni të drejtën të kërkoni transmetimin e atyre të dhënave te një ent tjetër pa pengesë prej nesh, nëse ky transmetim është teknikisht i mundshëm.
9.7. E drejta për të tërhequr miratimin
Kur përpunimi i të dhënave tuaja personale bazohet në miratimin tuaj, ju mund ta tërhiqni miratimin tuaj në çdo moment pa na dhënë arsyen për këtë, falas duke klikuar lidhjen e dhënë në çdo buletin informativ ose përmes ndryshimit të preferencave në llogarinë tuaj të Wizz Air ose në pajisjen tuaj celulare. Tërheqja e miratimit nuk ndikon në ligjshmërinë e përpunimit në bazë të miratimit përpara tërheqjes së tij.
Nëse e tërhiqni miratimin tuaj për përpunimin tonë të të dhënave tuaja personale, ne mund të mos jemi në gjendje t’jua ofrojmë të gjitha apo disa pjesë të shërbimeve që keni kërkuar (p.sh. në rastin e shërbimit të asistencës speciale, nëse kërkohet përpunimi i të dhënave delikate prej nesh).
9.8. Si të na kontaktoni dhe të ushtroni të drejtat tuaja për mbrojtjen e të dhënave tuaja?
Në lidhje me pyetjet që lidhen me mbrojtjen e të dhënave, për të ushtruar të drejtat tuaja ose për të depozituar një ankesë, kontaktoni me ne duke klikuar KËTU pasi të identifikoheni në Llogarinë tuaj Wizz.
Nëse nuk keni llogari Wizz, mund të na kontaktoni duke e dërguar kërkesën tuaj KËTU.
9.9. E drejta për të depozituar ankesë pranë autoritetit mbikëqyrës
Nëse besoni se janë shkelur të drejtat për të dhënat tuaja personale, ju gjithashtu mund të kontaktoni dhe të depozitoni një ankesë pranë autoritetit lokal të mbrojtjes së të dhënave, në veçanti në shtetin anëtar të vendbanimit tuaj të zakonshëm, vendit të punës ose vendit të shkeljes së pretenduar.
Ju gjithashtu mund të kontaktoni me Autoritetin Kombëtar Hungarez për Mbrojtjen e të Dhënave dhe Lirinë e Informacionit
(Nemzeti Adatvédelmi
és Információszabadság Hatóság, H-1125, Hungari, Budapest, Szilágyi Erzsébet
fasor 22/C.; telefon: +36-1 391-1400; telefaks: +36-1
391-1410).
10. SI I MBROJMË NE TË DHËNAT TUAJA PERSONALE?
Wizz Air është në pajtim me përgjegjësitë e tyre sipas ligjeve në fuqi për mbrojtjen e të dhënave
- duke mbajtur të dhënat personale të përditësuara;
- duke i ruajtur dhe duke i shkatërruar ato në mënyrë të sigurt;
- duke mos grumbulluar ose ruajtur sasi të tepërta të dhënash;
- duke mbrojtur të dhënat personale nga humbja, keqpërdorimi, aksesi dhe zbulimi i paautorizuar dhe duke garantuar zbatimin e masave të duhura teknike për të mbrojtur të dhënat personale.
Ne marrim masat e duhura teknike dhe organizative për të siguruar mbrojtjen e të dhënave tuaja personale kundër shkatërrimit aksidental apo të paligjshëm, apo humbjes aksidentale, ndryshimit, zbulimit apo aksesit të paautorizuar, sidomos, por pa u kufizuar vetëm me të, aty ku përpunimi përfshin transmetimin e të dhënave përmes një rrjeti dhe kundër të gjitha formave të tjera të paligjshme të përpunimit.
Wizz Air, në përputhje me këtë, mes të tjerash, zbaton nivele të ndryshme të drejtash aksesi drejt të dhënave, gjë që siguron që vetëm personi me autorizimin e duhur të ketë akses në të dhënat, njohuria e të cilit rreth të dhënave është e nevojshme për të përmbushur detyrimin e tij ose të saj që buron nga ose në lidhje me përmbushjen e punës së tij ose të saj.
Ne i kushtojmë vëmendje të veçantë transmetimit të sigurt të të dhënave personale dhe financiare. Këto të dhëna transmetohen nga kompjuteri juaj drejt serverit të rezervimit të Wizz Air përmes kanaleve të enkriptuara me mbështetjen e teknologjisë moderne Secure Socket Layer (SSL).
11. NDARJA E TË DHËNAVE TUAJA PERSONALE
Wizz Air, gjatë veprimeve të veta, mund të shfrytëzojë shërbimet e përpunuesve të ndryshëm të të dhënave dhe ofruesve të jashtëm të shërbimit për të trajtuar dhe përpunuar të dhënat tuaja personale për qëllime specifike, për llogari të dhe në përputhje me udhëzimet e Wizz Air. Gjithashtu, sipas ligjeve të zbatueshme të aviacionit Wizz Air i kërkohet të ndajë të dhënat tuaja personale me organet qeveritare, autoritetet dhe organet e tjera të zbatimit të ligjit.
Përpunuesit e të dhënave do të përpunojnë të dhënat personale maksimumi për aq kohë sa afati i kontratës së përpunimit të të dhënave të lidhur me ta është i vlefshëm dhe në fuqi, ose derisa t’u kërkohet të mbajnë të dhënat tuaja sipas ligjeve të zbatueshme për mbajtjen e të dhënave.
Ne mund t'ua zbulojmë të dhënat tuaja personale kategorive të mëposhtme të palëve të treta (marrësve) për qëllimet e përshkruara më poshtë:
- agjentët e udhëtimit dhe palët e tjera të treta përmes të cilëve rezervoni udhëtimin ose shërbime të tjera;
- ofruesit e shërbimeve palë të treta, shërbimet e të cilëve keni blerë në uebsajtin tonë (duke përfshirë, por pa u kufizuar me sigurime, shërbime transporti), në aplikacionin tonë ose përmes Call Center-it tonë;
- partnerët tanë në skemat e besnikërisë ku merrni pjesë;
- kompanitë e përpunimit në tokë dhe aeroportet që t’ju sigurojnë shërbimin që keni kërkuar;
- kompanitë e kartave të kreditit, ofruesit e shërbimeve të pagesës për të përpunuar pagesat që keni nisur në uebsajtin tonë, në aplikacionin tonë ose përmes Call Center-it tonë;
- palët e treta që kryejnë anketime për klientët për llogarinë tonë;
- ofruesit e tjerë palë të treta të shërbimeve të angazhuar prej nesh për përpunimin e të dhënave;
- palët e treta, si p.sh. firmat ligjore, gjykatat, organet e tjera ose ofruesit e shërbimeve për të imponuar ose zbatuar kontratat e mundshme me ju;
- autoritetet qeveritare ose forcat e zbatimit të ligjit si p.sh. policia dhe autoritetet rregullatore, me kërkesë të tyre dhe vetëm siç kërkohet nga ligji në fuqi ose për të mbrojtur të drejtat tona ose sigurinë e klientëve, personelit dhe aseteve tona.
11.1. Grupi i Wizz Air
Të dhënat tuaja personale mund të ndahen brenda Grupit të Wizz Air për sa kohë që kjo është e nevojshme për të ofruar shërbimet që keni blerë prej nesh ose për të lehtësuar blerjen e shërbimeve ose të produkteve të palëve të treta në uebsajtin tonë, përmes aplikacionit tonë për celular ose përmes Call Center-it tonë. Për më shumë informacion rreth Wizz Air Group, klikoni këtu.
11.2. Ofruesit e shërbimeve palë të treta
Kur blini shërbimin e një ofruesi palë të tretë në uebsajtin tonë, në aplikacionin tonë ose përmes Call Center-it tonë (p.sh. porosisni shërbim transporti ose ndonjë aktivitet të ngjashëm), ne ia transferojmë të dhënat tuaja personale ofruesit përkatës të shërbimit për të bërë të mundur blerjen dhe për të kryer shërbimin që porositët prej nesh.
Përpunimi i të dhënave nga këto palë të treta mund të drejtohet gjithashtu edhe nga politikat e tyre të privatësisë. Ju lutemi shqyrtoni politikën e privatësisë në uebsajtin e këtyre palëve të treta drejtpërdrejt për më shumë informacion rreth praktikave të tyre të përpunimit të të dhënave. Gjithashtu, ne mund të marrim informacion rreth jush nga palë të treta, për shembull kur merrni pjesë në një program besnikërie.
11.3. Përpunuesit e të dhënave
Wizz Air përfshin palë të treta të caktuara për të ofruar asistencë gjatë përmbushjes së shërbimeve të blera prej nesh. Këto palë të treta ofrojnë shërbimet e mëposhtme:
- shërbime të përpunimit në terren në aeroporte;
- shërbime të përpunimit të pagesave;
- skema të besnikërisë;
- ofrimin e shërbimeve të TI-së;
- ofrimin e shërbimeve të caktuara në aeroporte, si p.sh. shitjen e biletave, shërbime që lidhen me bagazhet, imbarkimin prioritar, ndryshime të fluturimit;
11.4. Call Center-i
Ne angazhojmë furnitorë palë të treta për të ofruar për ne shërbimet e Call Center-it. Më shumë informacion rreth këtyre furnitorëve mund të gjeni këtu. Call Center-i ynë i përpunon të dhënat tuaja personale në përputhje me këtë Njoftim privatësisë. Telefonatat regjistrohen për mbrojtjen dhe riprodhueshmërinë e angazhimeve verbale nëse jepni miratimin tuaj dhe mund të lidhen me të dhëna të tjera rezervimi. Ankesat e dorëzuara në formë elektronike, përmes postës ose emailit, arkivohen gjithashtu dhe mund të lidhen me të dhëna të tjera rezervimi për përpunimin e ankesave të mundshme në të ardhmen.
11.5. Autoritetet qeveritare dhe organet e zbatimit të ligjit:
Ne mund t’i transferojmë të dhënat tuaja personale te autoritetet qeveritare ose forcat e zbatimit të ligjit siç janë policia dhe autoritetet rregullatore, me kërkesë të tyre dhe vetëm siç kërkohet nga ligji në fuqi ose për të mbrojtur të drejtat tona ose sigurinë e klientëve, personelit dhe aseteve tona.
11.6. Autoritetet e policisë kufitare dhe të emigracionit:
Në vende të caktuara, Wizz Air i kërkohet me ligj që t’u japë agjencive të kontrollit kufitar akses në informacionet e rezervimit dhe të udhëtimit. Prandaj, çdo informacion që ne kemi rreth jush dhe përgatitjeve tuaja të udhëtimit mund të zbulohen tek autoritetet doganore dhe të emigracionit të vendit tuaj të nisjes ose të destinacionit tuaj ose te Njësia Lokale e Informacioneve të Pasagjerëve. Gjithashtu, ligjet e zbatueshme në vende të caktuara kërkojnë që Wizz Air të grumbullojë informacionin e pasaportave dhe informacione shoqëruese për të gjithë pasagjerët përpara udhëtimit drejt ose nga ato vende. Kur kërkohet nga ligji i zbatueshëm, Wizz Air do t’ia japë këtë informacion autoriteteve përkatëse të doganës dhe emigracionit.
Ju lutemi të viheni në dijeni se sipas Direktivës (BE) 2016/681 të Parlamentit Evropian dhe të Këshillit të datës 27 prill 2016 rreth përdorimit të të dhënave të regjistrit të emrave të pasagjerëve (PNR) për parandalimin, zbulimin, hetimin dhe ndjekjen penale të shkeljeve terroriste dhe krimeve të rënda, Wizz Air është i detyruar ta transferojë informacionin tuaj të udhëtimit për Njësinë e Informacioneve të Pasagjerëve te Shteti Anëtar te i cili ju udhëtoni.
12.
TRANSFERIMI I TË DHËNAVE TUAJA PERSONALE NË VENDET E TRETA
Transferimi i të dhënave tuaja personale jashtë Zonës Ekonomike Evropiane është i nevojshëm për t’ju ofruar juve një shërbim që keni kërkuar, dhe të dhënat tuaja personale mund të aksesohen nga anëtarët e Grupit të Wizz Air dhe përpunuesit e të dhënave dhe ofruesit e shërbimit nga vende që nuk ofrojnë të njëjtin nivel mbrojtjeje të të dhënave siç ofrohet në Zonën Ekonomike Evropiane. Wizz Air merr masat përkatëse që, për sa u përket marrësve të të dhënave tuaja personale, janë të nevojshme për të garantuar një nivel të përshtatshëm mbrojtjeje siç përcaktohet nga legjislacioni në fuqi për mbrojtjen e të dhënave, sidomos përmes zbatimit të klauzolave standarde kontraktuale të lëshuara nga Komisioni Evropian ose me një vendim të Komisionit Evropian që deklaron se shteti në të cilin ndodhet marrësi i të dhënave personale të transmetuara ofron një nivel të përshtatshëm të mbrojtjes së të dhënave.
Nëse, në lidhje me transferimet e të dhënave jashtë vendit, nuk mund të ofrohet një nivel i mjaftueshëm mbrojtjeje i të dhënave personale, atëherë do të kërkohet miratimi juaj i qartë në lidhje me këto transferime të dhënash jashtë vendit. Kini parasysh se këto transferime të dhënash mund të shoqërohen me rreziqe të caktuara, veçanërisht kur në shtetin e marrësit të të dhënave ka edhe palë të paautorizuara të treta që mund të kenë akses të paarsyeshëm në këto të dhëna dhe ju mund të mos jeni në gjendje të ushtroni të drejtat e subjektit të të dhënave dhe/ose të drejtën tuaj për të kundërshtuar veprimet që mund të dëmtojnë të dhënat tuaja personale dhe të drejtën tuaj për privatësi.
Në uebsajt, mes origjinave dhe destinacioneve, mund të gjeni vendet e treta ku mund të transferohen të dhënat tuaja personale, ose nga mund të aksesohen, sipas destinacionit tuaj të udhëtimit dhe ofruesit e shërbimeve që përdorim për të kryer shërbimet tona.
13. TË DHËNAT E KONTAKTIT TË DPO
Nëse keni pyetje të mëtejshme rreth Njoftimit të privatësisë ose mënyrës se si i përdorim të dhënat tuaja personale, ju lutemi na kontaktoni duke na e dërguar pyetjen tuaj përmes formularit tonë duke klikuar KËTU ose duke i shkruar Oficerit tonë të Mbrojtjes së të Dhënave në Wizz Air Hungary Ltd., Laurus Offices, Kőér street 2/A,
Building B, II-V., H-1103 Budapest (ose data.protection [at]wizzair.com).
14. KUKIT
Kur ju përdorni uebsajtin tonë, shfletuesi juaj ruan kuki në pajisjen tuaj. Ne përdorim disa lloje skedarësh personalizimi. Disa skedarë personalizimi janë gjithnjë aktivë pasi janë të nevojshëm për funksionimin normal të uebsajtit. Skedarët e personalizimit për qëllime analitike na përmirësojnë uebsajtin dhe ju ofrojnë juve përdorim optimal të uebsajtit. Skedarë të tjerë personalizimi përdoren për cilësime më komode të uebsajtit ose për paraqitjen e përmbajtjeve të personalizuara, si dhe ju mundësojnë të ndani informacionin. Kini parasysh se në varësi të cilësimeve që zgjidhni, disa funksione të uebsajtit mund të mos ofrohen më ose ne mund të mos na jepet mundësia t'ju ofrojmë përmbajtje të personalizuar. Lexoni më shumë rreth kukive që përdoren nga Wizz Air dhe mënyrës se si mund t'i bllokoni duke klikuar këtu.
Derisa të identifikoheni në llogarinë tuaj të Wizz Air, përdorimi i këtyre të dhënave për qëllimet e përshkruara në fjalinë e mëparshme do të jetë në formë të pseudonimizuar. Kjo do të thotë se do ta zëvendësojmë emrin tuaj dhe veçoritë e tjera që mund t’ju identifikojnë juve me një identifikues tjetër për ta bërë të pamundur që ju të identifikoheni si person dhe nuk do të bashkojmë këto profile përdorimi me të dhëna të tjera që ne ruajmë rreth jush. Pasi të identifikoheni në llogarinë tuaj të Wizz Air, përdorimi i këtyre të dhënave për qëllimet e përshkruara në fjalinë e mëparshme do të jetë i personalizuar dhe i lidhur me ju.
Ju keni të drejtën të kundërshtoni në çdo kohë përdorimin e të dhënave tuaja për krijimin e profileve të përdorimit siç përshkruhet më lart.
Ne gjithashtu mund të transferojmë të dhënat tuaja që nuk ju identifikojnë personalisht, të tilla si, por pa u kufizuar me, informacionet anonime demografike dhe sjelljen në internet, te partnerët tanë të kontraktuar (p.sh. ofruesit e shërbimeve palë të treta ose bankat që lëshojnë karta krediti/debiti të markës WIZZ,
me përfitime speciale) për qëllimin e studimit të tregut. “Të dhënat që nuk ju identifikojnë personalisht” në këtë aspekt nënkuptojnë se ne i modifikojmë të dhënat tuaja personale në mënyrë që informacioni në lidhje me rrethanat personale ose materiale të mos ju atribuohen juve ose që ky atribuim të kërkojë një sasi joproporcionale kohe, shpenzimesh dhe përpjekjesh. Ne i ruajmë të dhënat e dërguara nga shfletuesi dhe pajisja juaj te uebsajti ynë gjatë procesit të rezervimit. Asnjë e dhënë e tillë nuk do t’u dërgohet palëve të treta, përveçse në formë agregate dhe që nuk ju identifikon si person.
15. PËRDORIMI I TË DHËNAVE TUAJA PERSONALE PËR QËLLIME MARKETINGU
Ne ju dërgojmë buletine informative me email, njoftime me shtytje, mesazhe përmes aplikacionit, rreth ofertave aktuale dhe ofertave speciale nëse keni kërkuar këtë informacion prej nesh duke u abonuar në këto shërbime, ose nëse na keni dhënë miratimin tuaj. Ne nuk do t’ju kontaktojmë në rrugë elektronike për qëllime marketingu, përveçse kur ju keni treguar shprehimisht miratimin tuaj duke shënuar kutitë përkatëse në formularin e regjistrimit të të dhënave në të cilin keni futur informacionin tuaj të kontaktit.
16. NDRYSHIMET NË NJOFTIMIN TONË TË PRIVATËSISË
Nëse e ndryshojmë këtë Njoftim privatësie, do të publikojmë versionin e tij të përditësuar në uebsajtin tonë, wizzair.com .
17. UEBSAJTET E PALËVE TË TRETA
Uebsajti wizzair.com ofron lidhje drejt uebsajteve të tjera për lehtësinë dhe informacionin tuaj. Vini re se këto sajte mund të zotërohen dhe administrohen nga kompani dhe organizata të tjera dhe të kenë politika të ndryshme sigurie dhe privatësie. Wizz Air nuk ka asnjë kontroll dhe nuk mban përgjegjësi për asnjë informacion, material, produkt apo shërbim që përmbajnë këto uebsajte ose që është i aksesueshëm përmes tyre.
18.
PËRGJEGJËSIA E PALËVE TË TRETA
Wizz Air nuk mban përgjegjësi për përdorimin e të dhënave tuaja nga palët e treta, kur ky përdorim lejohet për qëllimet e tyre. Në raste të tilla kur këto palë të treta konsiderohen edhe si kontrollues të dhënash, këshillohuni me politikat e tyre të privatësisë për informacion të mëtejshëm.
Kjo politikë privatësie është në fuqi nga data 11 gusht 2020.
