Имајте предвид дека сите патници што пристигнуваат во Грција мора да пополнат образец за предвремена регистрација најмалку 24 часа пред поаѓањето на следнава врска: https://travel.gov.gr/#/.

Без потврдена предвремена регистрација на интернет и соодветниот QR-код за секое лице во резервацијата, на патниците нема да им се дозволи да влезат во авионот на Wizz Air и да патуваат до Грција.

Ако патникот не покаже важечки QR-код со точни податоци при пристигнувањето во Грција, можно е да плати и казна.

На денот на Вашето закажано пристигнување во Грција (на полноќ), по е-пошта ќе добиете образец за лоцирање патник (PLF) со Вашиот единствен QR-код.

Лицата со постојано место на живеење во некоја од земјите членки на Европската Унија (што ги опфаќа и нивните брачни партнери или лицата со коишто имаат договор за заедничко живеење, како и нивните малолетни деца), националностите опфатени со Шенгенскиот договор и жителите на Австралија, Бахреин, Белорусија, Израел, Јужна Кореја, Канада, Катар, Кина, Кувајт, Нов Зеланд, Обединетите Арапски Емирати, Обединетото Кралство, Руанда, Руската Федерација, Саудиска Арабија, Северна Македонија, Соединетите Американски Држави, Сингапур, Србија, Тајланд и Украина имаат дозвола за влез во Грција.

Покрај горенаведеното, сите патници мора да покажат потврда за PCR-тест со негативен резултат од лабораторија за тестирање, за тест за COVID-19 извршен најдоцна 72 часа пред пристигнувањето во Грција. Тестов е задолжителен за сите (тука спаѓаат и деца на возраст над 12 години), независно од епидемиолошката ситуација во земјата на поаѓање.

Доказ за негативен резултат не е потребен во следниве случаи:

Ако сте ги примиле сите вакцини (односно, поминале 14 дена од примањето на последната вакцина, зависно од потребните дозви) и имате потврда за вакцинирањето.
(Прифатливи вакцини се: Pfizer BioNtech, Moderna, Astra Zeneca/Oxford, Novavax, Johnson + Johnson/Janssen, Sinovac Biotech, Gamaleya (Sputnik), Cansino Biologics, Sinopharm.)
Ако сте прележале COVID-19 во текот на изминатите 9 месеци. Тоа може да го докажете така што ќе покажете а) потврда за закрепнување издадена од јавен орган на власта или овластена лабораторија или б) потврда за позитивен резултат од молекуларен PCR-тест, со којашто се потврдува дека сопственикот закрепнал од вирусната инфекција SARS-CoV-2, при што тестот треба да биде извршен најмалку 2 месеца пред пристигнувањето и најмногу 9 месеци пред пристигнувањето.

Сите потврди мора да ги содржат клучните податоци (односно, ако станува збор за вакцинирање, број на дози и датумите кога се примени) на англиски, германски, италијански, руски, француски или шпански, а Вашите име и презиме мора да се совпаѓаат со името и презимето во Вашиот пасош или некој друг признаен патнички документ.

Топло препорачуваме да контактирате со одговорните органи на власта за точни информации, за да потврдите дали имате право да патувате, како и условите на патување. Имајте предвид дека Вие сносите одговорност да се информирате за условите на патување во Вашата земја на пристигнување пред патувањето!

Ако ова важи за Вас (односно, за Вас можеби или сигурно ќе важат ограничувања, па нема да Ви дозволат да патувате до и/или да влезете во Грција), а имате важечка резервација и сепак пристигнете на аеродромот за Вашиот лет или не ги прикажете задолжителните документи, Wizz Air има право да одбие да Ве превезува согласно Клаузулата 12.1. l) од „Општите услови на превоз“ (ОУП) и Клаузулата 12.3. од ОУП (правила за поврат на средства).

Ако продолжите со пријавување за летот, потврдувате дека сте се консултирале со соодветните органи на власта, имате дозвола и способни сте за летање и ги потврдувате и прифаќате можните последици во случај на непридржување до горенаведеното и соодветните правила и ограничувања.

Карта за планирање патувања

Како функционира картата?

ЗА ДА ГИ ВИДИТЕ ТЕКОВНИТЕ ОПЦИИ ЗА ПАТУВАЊЕ: