Во случај вашиот лет да е откажан од страна на Wizz Air, може да резервирате повторно на следниот достапен лет на истата/слична рута, да организирате алтернативен превоз под слични услови или да ја откажете вашата резервација и да побарате поврат на средства. Прочитајте повеќе на страницата Откажан лет.

Дополнително, Wizz Air ќе ви исплати надоместок согласно член 7 од Регулативата:

• 250 евра за летовите до 1500 km.
• 400 евра за летовите помеѓу 1501 и 3500 km, во случај кога сите летови се во рамките на Заедницата (EУ-ЕЕЗ).
• 600 ЕУРза летовите над 3500 km во случај на летови надвор од Заедницата (EУ-ЕЕЗ).

Забелешка: надоместокот ќе биде намален за 50 % ако ви е понуден нов лет и ако времето на пристигнување не го надминува закажаното време на пристигнување на вашиот закажан лет за 2 часа за летови до 1500 km или помалку, за 3 часа за летови помеѓу 1501 и 3500 km и за 4 часа за летови над 3500 km.

Горенаведениот надоместок нема да се плати ако сте добиле информација за откажувањето:

• 2 седмици пред закажаното време за поаѓање на летот (ЗВЛ).
• меѓу 2 седмици и 7 дена пред ЗВЛ и ви понудиле алтернативен лет со Wizz Air чие време на поаѓање не е повеќе од два часа пред ЗВЛ, а времето на пристигнување е пократко од четири часа по закажаното време на пристигнување (ЗВП).
• помалку од 7 дена пред ЗВЛ и ви понудиле алтернативен лет со Wizz Air чие време на поаѓање не е повеќе од еден час пред ЗВЛ, а времето на пристигнување е пократко од 2 часа по ЗВП.

Ако имате поплаки поврзани со остварувањето на вашите права согласно Регулативата, може да контактирате со Државното тело за спроведување одговорно за вашето место на поаѓање (http://apr.europa.eu).

Во случај вашиот лет да е одложен од страна на Wizz Air 5 часа или повеќе, може да резервирате повторно на следниот достапен лет на истата/слична рута, да организирате алтернативен превоз под слични услови или да ја откажете вашата резервација и да побарате поврат на средства. Прочитајте повеќе на страницата Задоцнет и презакажан лет.

Согласно член 7 од Регулативата, патниците чии летови доцнат повеќе од три часа по времето на пристигнување имаат право на надоместок, освен ако доцнењето настанало како последица на вонредни околности што не можело да се избегнат дури иако се применеле сите разумни мерки.

Ако имате поплаки поврзани со остварувањето на вашите права согласно Регулативата, може да контактирате со Државното тело за спроведување одговорно за вашето место на поаѓање (http://apr.europa.eu).

Во случај ако ви е одбиено влегување во авионот од страна на Wizz Air, може повторно да резервирате на следниот достапен лет на истата/слична рута, да организирате алтернативен превоз под слични услови или да ја откажете вашата резервација и да побарате поврат на средствата. Прочитајте повеќе на страницата Одбиен влез во авионот.

Wizz Air ќе обезбеди надоместок според членот 7 од Регулативата врз основа на поминатото растојание и доцнењето во времето на пристигнување во споредба со закажаното време на пристигнување на првичниот лет.

• 250 евра за летови до 1500 km, намаленo за 50 % ако доцнењето во пристигнувањето не надминува 2 часа.
• 400 евра за летови помеѓу 1500 и 3500 km, намалено за 50 % ако доцнењето во пристигнувањето не надминува 3 часа.
• 600 евра за летови над 3500 km, намаленo за 50 % ако доцнењето во пристигнувањето не надминува 4 часа.

Ако имате право на надоместок согласно Регулативата (ЕЗ) бр. 261/2004, вашето барање може да го поднесете преку Образецот за поплаки на интернет.

Други патници може да поднесат барање за надоместок во ваше име само ако вие и другиот патник сте биле дел од иста резервација за засегнатиот лет. Во таков случај, вие или другиот/-те патник/-ци што поднел/-е барање, треба да обезбедите соодветни докази за овластувањето што сте го дале.

На барањето ќе одговориме во рок од 30 дена.

Барање од трета страна

Нема да обработуваме барање поднесено од трета страна, освен ако вие или патникот/-ците во вашата резервација претходно веќе сте поднеле барање директно до нас.

За да се избегне сомнеж, условите во претходниот став немаат за цел да го ограничат вашето право или да ви забранат да се советувате со правни лица пред да поднесете барање директно до нас.

Ако трето лице поднесе барање до нас во ваше име (под услов вие веќе да сте поднеле барање директно до нас), третото лице треба да приложи соодветна и исправна документација како доказ дека законски сте го/ја овластиле да ве застапува.

Надоместокот исплатен на трето лице што дејствува во ваше име ќе се смета како соодветна исплата на надоместок и нема да може да се исплати никаков друг надоместок за истиот лет затоа што ние не сносиме одговорност за втора исплата или каква било расправа меѓу вас и третото лице.

Отстапување

Имате право да го отстапите вашето право на трето лице. При отстапувањето на вашето право на барање, вашето право да добиете надоместок од нас му го „продавате“ на трето лице, што значи дека по завршувањето на отстапувањето, третото лице ќе има право да го прими надоместокот наместо вас. Ве советуваме внимателно да ги прочитате Правилата и условите на вашиот договор со трето лице во врска со вашето право на надоместок.

Имаме право да ги решаваме отстапените барања само ако се исполнети следниве услови:

• сме примиле писмено известување за отстапувањето, потпишано од вас, со следниве информации:

• бројот на вашата резервација
• причината за барање за надоместок
• датумот и бројот на летот

или

• оригинална или заверена копија за уредно склучен договор за отстапување приложен кон барањето.

административна такса за отстапување

Обработката на отстапени барања наметнува дополнителен трошок за нас. Согласно Граѓанскиот кодекс на Унгарија 6:200, таквите трошоци ќе ги покриете вие и третата страна на којашто сте ѝ ги отстапиле правата за барање за надоместок.

Доколку надоместокот за отстапеното барање доспее, за покривање на гореспоменатите трошоци ќе ја одбиеме административната такса за отстапување од износот на надоместокот што треба да се плати.

Износот на административната такса за отстапување е 50 евра.

Исправна и соодветна документација за застапување или отстапување

Ако ве застапува трета страна или пак, сте ѝ го отстапиле вашето барање за надоместок, согласно Граѓанскиот кодекс на Унгарија 325, сите документи што треба да ни се поднесат треба да бидат во форма на приватен документ со целосна доказна сила и треба да ги содржат следниве податоци:

1.Документот е напишан и потпишан од изготвувачот, во ракопис; или -

Само за целите на појаснување: го пишувате документот рачно и го содржи вашиот потпис.

2.Документот е потпишан од двајца сведоци што потврдуваат дека лицето именувано во документот го потпишало документот, ако документот, целосно или делумно, не е напишан од него, пред нив или пак изјавил дека потписот е негов, понатаму, името и адресата на живеење - или вообичаеното престојувалиште при отсуство на адреса - на двата сведока мора да бидат читко наведени во документот; - или

Само за целите на појаснување: ако документот не сте го напишале вие, двајца други луѓе треба да го потпишат како сведоци и да ги наведат своите адреси.

3.Потписот и иницијалите на потписникот на документот треба да се заверат на документот од судија или нотар; или

Само за целите на појаснување: документот треба да се завери на нотар. На тој начин, нотарот потврдува дека потписот на документот е ваш.

4. Адвокат или правен советник од адвокатска комора обезбедува уредно потпишан документ за да потврди дека документот е напишан од други лица и е потпишан од потписникот пред него или пак, дека потписникот пред него изјавил дека потписот е негов; - или

Само за целите на појаснување: документот мора да биде потпишан од адвокат и од вас.

5. Електронската исправа е снабдена со квалификуван електронски потпис на потписникот или напреден електронски потпис заснован на квалификуван сертификат или печат, како и кога е тоа законски пропишано, временски печат.

Само за целите на појаснување: електронската исправа е создадена со сертифициран уред што ве идентификува и обезбедува квалификуван сертификат или печат на документот.

Општите услови за превоз што сте ги прифатиле во текот на резервирањето, што всушност претставуваат договор меѓу вас и нас, подлежат на унгарското законодавство и како такво, унгарското законодавство управува со нашиот договорен однос.