1. Përkufizimet
Ofruesi i shërbimit të makinave me qira këtu e tutje i referohet partnerit të bashkëpunimit të Wizz Air përmes të cilit ju mund të rezervoni makina me qira. Numri i llogarisë nënkupton numrin me 10 shifra që merret pas rezervimit në wizzair.com. Numri i llogarisë shfaqet te Profili pas identifikimit në myWizz. Llogaria e Wizz nënkupton llogarinë e kreditit të krijuar pas regjistrimit te profili i myWizz në wizzair.com. Wizz Air nënkupton Wizz Air Hungary Ltd. me seli të regjistruar në adresën Laurus offices, Koer Street 2/a, Building B, H-1103 Budapest, Hungari.
2. Promocioni
Nëse futni Numrin e Llogarisë tuaj me 10 shifra kur prenotoni një makinë me qira, Wizz Air do të kreditojë në llogarinë tuaj një vlerë prej 10% të çmimit të përgjithshëm të marrjes me qira të makinës ("Kredite") për prenotimet e bëra deri më 14 tetor 2021. Wizz Air do të kreditojë në llogarinë tuaj një vlerë prej 5% të çmimit të përgjithshëm të marrjes me qira të makinës ("Kredite") për prenotimet e bëra prej datës 15 tetor 2021.
2.1. Vlera totale e rezervimit është shuma e rezervimit të makinës me qira në faqen e Ofruesit të shërbimit të makinave me qira duke përjashtuar çdo tatim mbi vlerën e shtuar, taksat e qytetit, produkti e Mbrojtjes së plotë ose çdo produkt të blerë lokalisht.
2.2. Nëse futni një Numër të pasaktë llogarie ose nëse harroni të futni Numrin e llogarisë kur rezervoni makinën me qira në mikrosajtin e makinave me qira ose përmes shtegut të rezervimit të Wizz Air, ju nuk do të keni të drejtën të merrni Kredit.
2.3. Krediti do të jepet pasi të përfundoni marrjen me qira të makinës.
2.4. Ne do të bëjmë përpjekje të arsyeshme për të dhënë Kreditin gjatë 7 ditëve të para të muajit pas përfundimit të marrjes së makinës me qira.
2.5. Krediti mund të përdoret për 6 muaj, pas të cilave do të skadojë automatikisht.
2.6. Krediti llogaritet dhe jepet në euro. Nëse llogaria juaj e Wizz është në monedhë tjetër, ne do të përdorim kursin e jashtëm të këmbimit nga ofruesi i shërbimit të makinave me qira për të konvertuar shumën në monedhën tuaj. Instrumenti i përdorur i konvertimit të monedhës është Bloomberg.
Llogaritja kryhet në momentin kur rezervimi kryhet dhe konfirmohet.
3. Mbrojtja e të dhënave
Duke dhënë Numrin e llogarisë gjatë rezervimit të një makine me qira, ju pranoni që Wizz Air të marrë informacionin e makinës suaj me qira në kombinim me Numrin tuaj të llogarisë. Kjo leje lejon komunikimet e mëvonshme nga Wizz Air për aplikimin e promocionit aktual, duke përfshirë verifikimin e të drejtës suaj dhe dhënien e Krediteve nëse ju plotësoni kushtet, në përputhje dhe sipas këtyre kushteve të përgjithshme. Aplikohet politika e privatësisë e Wizz Air për përpunimin e të dhënave tuaja personale nga Wizz Air:
https://wizzair.com/en-GB/privacy_policy.
4. Rregullat e përgjithshme
4.1. Krediti i Wizz Air është i patransferueshëm dhe nuk mund të tërhiqet nga zotëruesi i kreditit të Wizz Air
4.2. Wizz Air nuk merr përsipër përgjegjësinë në rast dorëzimi me vonesë të kërkesave ose për humbjen e tyre për shkak të problemeve teknike me lidhjen me internetin. Dokumentet pas dërgimit, fatura nuk janë dokument pranimi.
4.3. Wizz Air rezervon të drejtën e tërheqjes, shkurtimit, zgjatjes, heqjes, ndryshimit ose anulimit të këtij promocioni në çdo moment pa dhënë njoftim dhe sipas gjykimit të vet ekskluziv.
4.4. Pjesëmarrja në këtë promocion nënkupton pranimin e plotë, të pakufizuar dhe pa rezerva të këtyre rregulloreve
4.5. Përdorimi i të dhënave të rreme do të rezultojë në mospranim të pjesëmarrjes.
4.6. Ky promocion përfundon më 31 dhjetor 2022, nëse nuk anulohet më herët.
