Foshnjat deri në 2 vjeç mund të fluturojnë kundrejt tarifës së foshnjave në prehrin e të rriturit shoqërues. Një person mund të shoqërojë vetëm një foshnjë. Fëmijët mbi 2 vjeç nuk lejohet të udhëtojnë në prehrin e të rriturit shoqërues. Tarifa për foshnjat mund të paguhet në internet gjatë procesit të rezervimit ose përmes Call Center-it të Wizz Air.

Për më shumë informacion, vizitoni faqen “Fëmijët dhe foshnjat”.

Nëse fëmija mbush moshën 2 vjeç pas nisjes dhe përpara udhëtimit të kthimit, duhet të blihet ndenjëse dhe në këtë rast, duhet të krijohet një rezervim më vete për fluturimin e vajtjes dhe të kthimit.

Rripat e fëmijëve AMSAFE CARES nuk pranohen në fluturimet e Wizz Air.

I rrituri që udhëton me foshnjën ka të drejtën të transportojë aksesorët e foshnjës (jo karrocë, jo karrocë e palosshme dhe jo djep në bord).

Për karrocat e fëmijëve dhe karrocat e invalidëve duhet të bëhet checkin si me çdo bagazh tjetër dhe do të transportohen falas, vetëm nëse është duke udhëtuar edhe përdoruesi i pajisjes. Por, nëse nuk ka fëmijë që e përdorin, këta artikuj do të transportohen si bagazh i regjistruar për një tarifë shtesë.

Fëmijët nën 14 vjeç mund të fluturojnë vetëm nëse shoqërohen nga një i rritur, që është të paktën 16 vjeç dhe ka përgjegjësi të plotë për fëmijën.

Kini parasysh se për disa të mitur ka kërkesa të posaçme. Për më shumë informacion klikoni këtu.

Ju mund të merrni një ndenjëse makine për foshnja me pamje prapa, të pajisur me rrip ndenjëseje, nëse keni blerë një ndenjëse shtesë në avion. Ndenjësja e makinës duhet të jetë e pajisur me një kapëse që mundëson lidhjen e saj të sigurt me rripin e ndenjëses së pasagjerit.

Ndenjësja shtesë mund të blihet me çmim normal në kohën e rezervimit në internet ose – nëse rezervimi është kryer dhe konfirmuar tashmë – përmes Call Center-it të Wizz Air. Në këtë rast, nuk do të tarifohet Tarifa e transaksionit të Call Center-it.

Nëse rezervoni ndenjësen shtesë në internet, vendosni kodin "INFANT" si emrin e pasagjerit. Mbiemri i pasagjerit duhet të vendoset në fushën e mbiemrit. Nëse rezervimi kryhet në internet, kontaktoni gjithashtu Call Center-in e Wizz Air dhe jepni emrin e plotë të foshnjës, dhe konfirmoni se ai/ajo do të udhëtojë me ndenjëse makine.

Nëse është rezervuar ndenjëse shtesë, nuk aplikohen bagazhet e lejuara shtesë për foshnjat dhe tarifa për foshnjat.