Одете во Хрватска и уживајте во јадранското крајбрежје што се протега на преку 1600 km, градовите со богата историја и вчудовидувачките планински венци!

Зошто треба да се посети Хрватска?

Во текот на летниот период во земјата владее пријатна медитеранска клима што на гостите им овозможува совршени услови за истражување на многу места што се дел од Светското наследство на УНЕСКО, како на пр., Стариот град во Дубровник или Историскиот комплекс во Сплит. Посетителите може да изберат меѓу песочните плажи во туристичките одморалишта или планинската, погруба убавина што се крие во недопрената природа.

Работи што мора да се видат во Хрватска

Иако не е сместен покрај брегот како што е Сплит или Дубровник, главниот град Загреб и тоа како вреди да се посети. Тоа е само мал детаљ ако се земат предвид прекрасната култура и старата архитектура на градот. Задолжително треба да се посети Националниот парк „Плитвички Езера“, со карактеристичниот каскаден синџир од 16 терасесто поставени езера и прекрасни водопади.

Незаборавниот град

Дубровник, општо познат како скапоцен камен на Хрватска, е пристаништен град што веќе долго време воодушевува многу туристи. Шармантниот град нуди неверојатен стар град, лесен пристап до недопрено крајбрежје и неповторлива кујна со главен акцент на морската храна. Токму тука посетителите може да се воодушевуваат на најдобрата архитектура и богатата историја на Хрватска.