Конкретен патник што патува со нас ќе има просечен јаглероден отпечаток од само 57,2 грама по километар (пред COVID). Ако секоја авиокомпанија е ефикасна како нас, јаглеродните емисии од авионите во Европа ќе се намалат за 34 % преку ноќ.

Споредбава се заснова на статистиката за 2019 година на Меѓународниот совет за чист транспорт, при што предвид се зема разликата меѓу просечните јаглеродни емисии во Европската Унија по патнички километар.

За да избегнеме непотребно загадување, не летаме со полупразни авиони.

Пред COVID, просечно 94 % од нашите седишта на летовите беа зафатени. За споредба, просекот во индустријата во истиот период изнесуваше 70 - 85 % и за жал, празните седишта сѐ уште имаат јаглероден отпечаток.

Немаме седишта во бизнис класа, што е уште еден пример за непотребни јаглеродни емисии.

Едноставно нема смисла да се остават празни седишта за да се направи простор за некој од патниците да се опушти и да го чита својот весник поудобно.

Летаме само на директни маршрути. Едно полетување, едно слетување, нема поврзани летови, нема дополнителна потрошувачка на гориво.

Можеби веќе сте слушнале, но во просек, 15 - 20 % од вкупното потрошено гориво на кратки летови се троши при полетувањето и слетувањето на авионите.

Користиме мотори и авиони од светска класа, што е клучно за ниски јаглеродни емисии.

Моторите од семејството на Airbus A320neo се најефикасни во индустријата затоа што може да произведат поголем потисок иако трошат иста количина гориво, што овозможува најмала потрошувачка на гориво во споредба со другите мотори што се користат во комерцијалните авиони.

Нашата флота е најнова и најмодерна меѓу конкурентните авиокомпании во Европа со преку 50 авиони.

Најчесто летаме со авиони од семејството на Airbus A321neo, а просечната старост на авионите во нашата флота моментално е пет години. Тоа е навистина неспоредливо меѓу поголемите авиокомпании и помага за пониски јаглеродни емисии.

Освен тоа, на ниедна од нашите маршрути нема директен воз со којшто се стигнува за помалку од четири часа како друга опција за превоз.