Wizz Air нема поврзани летови, но им помага на клиентите да ја искористат широката мрежа на WIZZ. Ви ги прикажуваме дестинациите и ве водиме низ постапката на резервирање, па сè што треба да направите е да ја планирате вашата следна авантура и да го организирате вашето патување така што ќе резервирате два лета преку транзитен аеродром во рамките на нашата мрежа.

Препораки за летовите MIX & MATCH може да најдете исклучиво на веб-страницата на Wizz Air. Лет MIX & MATCH може да резервирате на wizzair.com така што ќе ги изберете посакуваните маршрута и датуми во полето за пребарување резервации (летовите MIX & MATCH се означени со +1, на пр., Скопје +1), и ќе ги следите понатамошните упатства. Имајте предвид дека со препораките за летови MIX & MATCH може да се резервира само целосен повратен лет.

Прво, ќе треба да го резервирате првиот повратен лет од аеродромот на поаѓање до транзитниот аеродром и назад. Откако ќе ја завршите и платите за првата резервација, системот ќе ве пренасочи на страница каде што може да ја завршите втората резервација - повратен лет од транзитниот аеродром до вашата крајна дестинација и назад.

За секоја резервација извршена преку MIX & MATCH важи стандардната „Политика за откажување“. Откако ќе се резервира/плати за повратен лет, не може да се откаже бесплатно дури и ако следниот повратен лет не е завршен. Секоја од резервациите е независна.

На пример, ако сакате да одите на патување од Гран Канарија до Прага преку Рим, прво ќе треба да извршите резервација за повратен лет Гран Канарија - Рим - Гран Канарија. Потоа, ќе може да извршите резервација за повратен лет Рим - Прага - Рим и да платите за резервацијата.

Имајте предвид дека ќе се генерираат две одделни резервации за повратен лет и ќе добиете два одделни кодови за потврда и две одделни е-пораки.

Не, преку MIX & MATCH се нудат само одредени маршрути. Погледнете ги сите тековно достапни летови MIX & MATCH во полето за пребарување на wizzair.com (препораките за MIX & MATCH се означени со „[име на дестинација] +1“).

Во моментов, летовите MIX & MATCH може да се платат само со банкарска картичка. При резервирањето ќе треба да извршите две одделни плаќања, по едно за секој повратен лет.

Летовите се достапни само кога е достапно оптимално време за завршување на сите пријавувања на аеродромот и безбедносни постапки. Достапни се најмалку 3 часа за да стигнете на следниот лет. Имајте предвид дека не прифаќаме никаква одговорност ако не дојдете навреме за пријавување/влегување во авионот на вашиот следен лет.

Треба да се пријавите за секој лет и резервација одделно во вообичаената временска рамка. Може да се пријавите на интернет најмалку 30 дена/48 часа пред закажаното време на поаѓање и најмногу 3 часа пред закажаното време на поаѓање. Освен тоа, може да се пријавите и на аеродромот со плаќање дополнителна такса, освен ако сте ја купиле услугата за пријавување на аеродром претходно. Имајте предвид дека пријавувањето на интернет ќе се отвори во различно време за секој од летовите. За повеќе информации, погледнете во Пријавување и влегување во авионот.

Треба да се пријавите на интернет и за двата лета и за двете резервации во соодветните времиња на отворање и затворање на пријавувањето. Имајте предвид дека некои аеродроми не поддржуваат пријавување на интернет и не издаваат електронски карти за влегување во авионот. Во таков случај, треба да одите на шалтерот за пријавување на соодветниот аеродром (односно, аеродромот на поаѓање или транзитниот аеродром) за бесплатно пријавување. За повеќе информации и список со аеродроми со бесплатно пријавување, погледнете во Пријавување и влегување во авионот.

Да, треба да ги следите стандардните постапки за пријавување и одјавување за секој од двата лета и двете резервации. Со други зборови, ќе треба да се пријавите, да го оставите пријавениот багаж, да поминете низ безбедносната и пасошката контрола на аеродромот на поаѓање, а потоа да се одјавите и да го подигнете пријавениот багаж на транзитниот аеродром. Потоа, ќе треба да ја следите истата постапка и на транзитниот и на аеродромот на пристигнување.

Ако патувате со пријавен багаж, ќе треба да го пријавите багажот на секој аеродром (односно, аеродромот на поаѓање и транзитниот аеродром). По пристигнувањето на транзитниот аеродром, продолжете до зоната за подигање багаж, земете си ги торбите, напуштете ја транзитната зона, пријавете ги куферите на следниот лет на шалтерот за пријавување на Wizz Air и повторно продолжете до безбедносната и пасошката контрола за да влезете во авионот на вашиот следен лет.

Да, на транзитниот аеродром ќе треба целосно да излезете од транзитната зона и повторно да поминете низ проверките на безбедносната и пасошката контрола за да влезете во авионот на вашиот следен лет. Имајте предвид дека ако поради проверки на безбедносната и пасошката контрола и доцнења не може да стигнете да влезете на ниту еден од летовите, Wizz Air нема да ги рефундира, компензира или повторно да ги резервира пропуштените летови, што ги опфаќа и последователните летови.

На транзитниот аеродром, ќе треба да поминете низ стандардните постапки на одјавување и пријавување, а тоа ги опфаќа и безбедносната и пасошката контрола. Патникот ја сноси одговорноста да ги има сите потребни документи, заедно со документите поврзани со COVID-19, што ги бараат националните органи на власта и во транзитните и во земјите надестинацијата. Имајте предвид дека можеби ќе ви требаат некои посебни документи или визи што ќе ви овозможат да влезете во транзитната земја (може да се разликуваат од документите за превоз или транзит). Контактирајте со органите на власта или какви било официјални извори пред патувањето. Документите нека ви бидат подготвени пред влегувањето во авионот затоа што можеби ќе треба да се проверат на аеродромот.

Имајте предвид дека Wizz Air не организира никакви посебни постапки за патниците на летовите MIX & MATCH и бара важечки документ за патување и карта за влегување во авионот за сите патници, што опфаќа и деца и новороденчиња и за транзитните и за земјите надестинацијата.

Не, Wizz Air не обезбедува флексибилни летови. Кога добивате предлози за летовите MIX & MATCH, предвид се зема оптималното време за завршување на сите постапки за пријавување и безбедносни проверки на аеродромот (најмалку 3 часа). Имајте предвид дека ако поради проверки на безбедносната и пасошката контрола и доцнења не може да стигнете да влезете на еден од летовите, Wizz Air нема да ги рефундира, компензира или повторно да ги резервира пропуштените летови, што ги опфаќа и последователните летови.

Да, погодностите на WIZZ Discount Club се достапни за летовите MIX & MATCH.

Да, може да побарате специјална помош за двата лета при резервирањето или подоцна на вашата сметка на WIZZ најмалку 48 часа пред полетувањето. Имајте предвид дека треба да побарате специјална помош за секој од летовите одделно. Потоа контактирајте со локалниот Центар за поддршка за специјална помош за да го потврдите барањето за помош. За повеќе информации, погледнете во Специјална помош за прекинати летови и патници со попреченост.

Да, двете резервации се независни. Ако го пропуштите летот од вашиот аеродром на поаѓање до транзитниот аеродром, сѐ уште може да патувате на летот од транзитниот аеродром до аеродромот на дестинацијата.