Wizz Air

Кога плаќате со кредитна/дебитна картичка, се вчитува страница за потврда откако ќе завршите со резервирањето. Копија од Вашиот план на патување ќе добиете по е-пошта.

Ако не сте добиле е-пошта за потврда (план на патување), проверете ги поставките за филтрирање во е-поштата и сите поштенски сандачиња што содржат филтрирана пошта. Краткиот преглед на летот ќе ја опфати Вашата шифра за потврда, датумите, вкупната цена на превоз и сите други неопходни детали. До овие информации може да се пристапи преку Вашиот профил на Wizz Air, во делот „Сите претстојни патувања“.

Прифаќаме дебитни и кредитни картички Visa, Visa Electron, MasterCard, Maestro, Bancontact и UATP. Исто таа прифаќаме кобрендирани картички на WIZZ.

Имајте предвид дека картичките Visa Electron и Maestro може да се прифатат само ако се регистрирани во соодветната програма „3D Secure“ за купувања на интернет (Потврдено со безбедносен код на Visa или MasterCard).

Ако немате кредитна или дебитна картичка или ако картичката не Ви е прифатена, за летот може да платите со банкарска трансакција или WIZZ кредит.

Може да се користи и ваучер на WIZZ. Преостанатиот износ (ако има) треба да се плати со картичка.

Плаќањето мора да се изврши во рок од 24 часа по резервирањето. За потврда на резервацијата може да се потребни 4-5 работни дена.

Ако не добиете потврда на Вашата резервација во рок од 5 работни дена по банкарската трансакција или ако Вашиот статус на резервирање е „На чекање“ на Вашиот профил на Wizz Air, контактирајте со Центарот за поддршка на Wizz Air за да потврдите дали платените средства се примени.

Не испраќајте потврди за плаќањето, освен ако не Ви побараат да доставите доказ за плаќање.

Прво контактирајте со издавачот на Вашата кредитна картичка за да го утврдите проблемот. Ако проблемот не е дополнителна банкарска такса или разлика во девизниот курс, контактирајте со Центарот за поддршка на Wizz Air или поднесете жалба во категоријата „Грешка при плаќање“.

Ако плаќате со кредитна или дебитна картичка, плаќањето ќе го обработува меѓународен систем за обработување плаќања со картичка. Во случаите кога крајната цена ја наведуваме ние во валута што не е EUR или GBP, може да се случи износот наплатен на Вашата дебитна или кредитна картичка да се разликува (а може да биде и поголем) од крајната цена во нашата потврда на резервацијата, што се должи на разликите при конверзијата на валутата во меѓународниот систем за обработување плаќања со картичка.

Општо земено, колку порано ќе резервирате, толку ќе биде пониска цената на превоз. Сепак, понекогаш воведуваме промотивни цени меѓу датумот на Вашата резервација и датумот на Вашето патување. За жал, кога имаме промоции, немате право да барате исплата на разликата меѓу вкупната цена на превоз што сте ја платиле за Вашата резервација и промотивната вкупна цена на превоз.

Проверете дали имате доволно средства за да го платите целиот износ. Ако и понатаму имате проблем, контактирајте со Вашата банка и проверете дали картичката има право на услуги за плаќање на интернет или дали има ограничување за купување.

Ќе мора да направите нова резервација со најновите цени на превоз за да може да платите со кредитна картичка.