ბარგი

აღმოაჩინეთ მოგზაურობის სხვადასხვა შესაძლებლობა

მარტივად დაგეგმეთ მთელი დასვენება

ინფორმაცია და სერვისები

large-cabin-bag-new-v2

ხელბარგი

55 x 40 x 23 სმ
შეცვლილ ზომა

მაქს. 10 კგ

უფასო

check-in-baggage-lacb-v2

რეგისტრირებული ბარგი (6 ერთეული)

149x119x171 სმ

მაქს. 20 ან 32 კგ

ფასიანი

small-personal-item-lacb-v2

+1 მცირე ზომის ჩანთა

40x30x18 სმ

WIZZ პრიორიტეტის სერვისთან ერთად

 

აკორდეონის ელემენტები

Wizz Air-ით მგზავრობისას ყოველ მგზავრს შეუძლია თან იქონიოს:

  • ხელბარგის ერთი ერთეული, რომლის ზომებიც არ აღემატება 55 x 40 x 23 სმ-ს, ხოლო წონა — 10 კგ-ს.
  • რეგისტრირებული ბარგის ექვსამდე ერთეული (ყოველი ერთეულის წონა არ უნდა აღემატებოდეს 32 კგ-ს);
  • უსაფრთხოების შემოწმების გავლის შემდეგ აეროპორტის უბაჟო ვაჭრობის მაღაზიებში შეძენილი პროდუქცია.
ვინაიდან თვითმფრინავის ბორტზე სივრცე შეზღუდულია, ჩვენ ვერ მოგცემთ იმის გარანტიას, რომ შეძლებთ ხელბარგის სალონში ატანას. თუ ბარგის რაოდენობა მეტისმეტად დიდი იქნება, შეიძლება საჭირო გახდეს თქვენი ხელბარგის გადატანა სატვირთო განყოფილებაში. ამ შემთხვევაში, გირჩევთ, ამოიღოთ ჩანთიდან ყველა ძვირფასი ნივთი.
სითხეების ბორტზე ატანა შესაძლებელია მაქსიმუმ 100 მლ მოცულობის კონტეინერებით, რომლებიც მოთავსებული უნდა იყოს 20×20 სმ-ის ზომის და 1 ლიტრი მოცულობის, გამჭვირვალე და ჰერმეტულად დახურულ პოლიეთილენის პარკში. აეროპორტში თქვენი ბარგი საგულდაგულოდ შემოწმდება.

ბორტზე დაშვებული დამატებითი ნივთები

ბორტზე უფასოდ შეგიძლიათ აიტანოთ შემდეგი ნივთები:

  • პალტო ან პლედი;
  • მობილური ტელეფონი;
  • ფრენისას საკითხავი მასალა.
  • 2 წლამდე უმცროსი ასაკის ბავშვებისთვის: ფრენის დროს სამყოფი საკვების დოზა და დასაკეცი საბავშვო ეტლი ან მცირე პორტატული საწოლი;
  • ყავარჯნები შშმ მგზავრებისთვის.

WIZZ პრიორიტეტი

WIZZ პრიორიტეტის სერვისის შეძენის შემთხვევაში (ან თუ უკვე სარგებლობთ WIZZ პრიორიტეტით WIZZ Privilege Pass-ისა თუ WIZZ GO ან WIZZ Plus პაკეტის ფარგლებში), თქვენ გარანტირებულად აიტანთ თვითმფრინავის სალონში არა მხოლოდ ხელბარგს, არამედ ერთ დამატებით მცირე ზომის ჩანთასაც (ხელჩანთა, ლეპტოპის/კამერის ჩანთა), რომლის ზომებიც არ უნდა აღემატებოდეს 40 x 30 x 18 სმ-ს და რომელიც უნდა მოთავსდეს თქვენ წინ მდებარე სავარძლის ქვეშ.

ბარგის ნორმის შეძენა

ბარგის დამატებითი ადგილების შეძენა შეგიძლიათ როგორც ავიაბილეთის დაჯავშნისას, ისე მოგვიანებით, თქვენი რეისის მიმოხილვის გვერდიდან.

  • გარდა ამისა, დამატებითი ადგილების ყიდვა შესაძლებელია რეისზე ონლაინ რეგისტრაციისას, გამგზავრებამდე არა უგვიანეს 3 საათით ადრე. ბარგის დამატებითი ადგილების საფასურის გადახდა აეროპორტშიც შეგიძლიათ, თუმცა მოსაკრებელი გაცილებით მაღალი იქნება. გირჩევთ, შეძლებისდაგვარად, საფასური ინტერნეტით გადაიხადოთ.

ზომა და წონა

თქვენი რეგისტრირებული ბარგის მაქსიმალური დაშვებული გაბარიტებია: 

  • სიგანე: 149 სმ 
  • სიმაღლე: 119 სმ 
  • სიგრძე: 171 სმ

რეგისტრირებული ბარგის ტიპები:

  • 20 კგ-იანი  რეგისტრირებული ბარგი
  • 32 კგ-იანი  რეგისტრირებული ბარგი
ყოველ მცირეწლოვან ბავშვზე დამატებით და უფასოდ შეიძლება დარეგისტრირდეს ერთი სასეირნო ეტლი / დასაკეცი საბავშვო ეტლი / ჩვილის ავტოსავარძელი.

აქციეთ ხელბარგი რეგისტრირებულ ბარგად!

თუ თქვენი ნივთებისთვის მეტი სივრცე გჭირდებათ, გადაიხადეთ ბარგის მოსაკრებელი და დაამატეთ თქვენს ჯავშანს რეგისტრირებული ბარგი. რეგისტრირებული ბარგის სამი ერთეულის დამატება შეგიძლიათ ონლაინ, ხოლო კიდევ სამი ერთეულის დამატება შესაძლებელია აეროპორტში.

  • შეიძინეთ რეგისტრირებული ბარგი ავიაბილეთის დაჯავშნისას;
  • სურვილისამებრ, რეგისტრირებული ბარგის დამატება შეგიძლიათ თქვენი რეისის მიმოხილვის გვერდიდან, გამგზავრებამდე არა უგვიანეს სამი საათით ადრე.

საჭიროებისამებრ, მგზავრობა შესაძლებელია ბევრი ბარგითაც.

  • თითოეულ რეისზე შეგიძლიათ ბარგის ექვსამდე ერთეულის რეგისტრაცია. ყოველი ერთეულისთვის მოგიწევთ ბარგის შესაბამისი მოსაკრებლის გადახდა;
  • ბარგის პირველი სამი ერთეულისთვის ადგილის შეძენა შესაძლებელია ინტერნეტით. თუ უფრო მეტი ადგილი გჭირდებათ, დანარჩენი ერთეულებისთვის ადგილის ყიდვა შეგიძლიათ აეროპორტში;
რეგისტრირებული ბარგის დამატებითი ერთეულებისთვის ადგილის აეროპორტში შეძენის შემთხვევაში მოქმედებს ბარგის უფრო მაღალი მოსაკრებლები. აწონეთ ბარგი აეროპორტში მისვლამდე! თუ ბარგის ერთეულის წონა იქნება 20-დან 32 კგ-მდე, დამატებითი გადასახადი იქნება [baggage-excess-weight-charge location=Airport]/კგ.

ზოგიერთ აეროპორტში ბარგის მოსაკრებლის გადახდა შესაძლებელია მხოლოდ საკრედიტო ან სადებეტო ბარათით. ასეთი აეროპორტებია:

  • ბრნოს აეროპორტი (BRQ)
  • პარიზის ბოვეს აეროპორტი (BVA)
  • კელნის აეროპორტი (CGN)
  • დონეცკის აეროპორტი (DOK)
  • დორტმუნდის აეროპორტი (DTM)
  • გრენობლის აეროპორტი (GNB)
  • ჰეუგესუნის აეროპორტი (HAU)
  • ხარკოვის აეროპორტი (HRK)
  • კიევის ჟულიანის აეროპორტი (IEV)
  • კრისტიანსანის აეროპორტი (KRS)
  • მალმეს აეროპორტი (MMX)
  • მილანის მალპენსის აეროპორტი (MXP)
  • პიზის აეროპორტი (PSA)
  • სტავანგერის აეროპორტი (SVG)
  • ტრონჰეიმის აეროპორტი (TRD)
  • ოსლოს სანეფიორ ტორპის აეროპორტი (TRF)
  • მოსკოვის ვნუკოვოს აეროპორტი (VKO)

დარწმუნდით, რომ თქვენს რეგისტრირებულ ბარგში არ არის რომელიმე ქვემოთ ჩამოთვლილი ნივთი:

  • ნაღდი ფული, ფასიანი ქაღალდები;
  • საიუველირო ნაკეთობები, ძვირფასი ლითონები, ძვირფასი და ნახევრადძვირფასი ქვები;
  • კომპიუტერი, ფოტოკამერა, ვიდეოკამერა, მობილური ტელეფონი ან სხვა ტიპის ელექტრონული მოწყობილობები და მათი აქსესუარები;
  • ოფიციალური, საქმიანი ან პირადი დოკუმენტები;
  • სამოგზაურო ან პირადობის დამადასტურებელი სხვა დოკუმენტები;
  • გასაღებები;
  • სითხეები;
  • სამედიცინო პრეპარატები;
  • ხელოვნების ნიმუშები;
  • მალფუჭებადი პროდუქტები.

თუ თქვენი რეგისტრირებული ბარგი შეიცავს რომელიმე ზემოჩამოთვლილ ნივთს, Wizz Air არ აგებს პასუხს მის დაკარგვაზე, დაზიანებაზე ან დაგვიანებით მოწოდებაზე.

ზოგიერთ აეროპორტში მოქმედებს დამატებითი შეზღუდვები ნივთებზე, რომელთა ტრანსპორტირებაც შესაძლებელია ხელბარგით და/ან რეგისტრირებული ბარგით. ასეთ შემთხვევაში, უპირატესობა მიენიჭება აეროპორტის რეგულაციებს.

აკრძალული ნივთები

საყოველთაო ჯანმრთელობისა და უსაფრთხოების უზრუნველყოფის მიზნით, ბორტზე დაუშვებელია შემდეგი ნივთების ატანა:

  • თვითმფრინავისთვის, ადამიანებისთვის ან საკუთრებისთვის საფრთხისშემცველი ნივთები;
  • ნივთები, რომლებიც შეიძლება დაზიანდეს საჰაერო ტრანსპორტით გადაზიდვისას;
  • არასათანადოდ შეფუთული ნივთები;
  • ნებისმიერი ნივთი, რომლებიც აკრძალულია ერთ-ერთი იმ ქვეყნის მოქმედი კანონმდებლობით, დადგენილებებით ან ბრძანებებით, რომლიდანაც, რომელშიც ან რომლის გავლითაც განხორციელდება ფრენა;
  • წონის, ზომის ან სხვა არასტანდარტული მახასიათებლების გამო ტრანსპორტირებისთვის შეუფერებელი ნივთები;
  • ნივთები, რომლებიც ბორტზე მყოფ სხვა მგზავრებს შეუქმნის უხერხულობას ან უსიამოვნებას;
  • ცეცხლსასროლი იარაღი, საბრძოლო მასალები ან ფეთქებადი ნივთიერებები, მათ შორის, სანადირო ან სპორტული იარაღი;
  • ნივთები ან ნივთიერებები, რომლებიც ჰგავს ცეცხლსასროლ იარაღს, საბრძოლო მასალას ან ფეთქებად ნივთიერებას;
  • აალებადი ნივთიერებები (შემდეგის გარდა: ალკოჰოლური სასმელები, თმის ლაქი, სუნამო და ოდეკოლონი);
  • რადიოაქტიური ნივთიერებები;
  • გათხევადებული აირი (შემდეგის გარდა: CO2, რომელიც უზრუნველყოფს ხელოვნური კიდურების მოძრაობას და აალებადი აირის კონტეინერები, რომლებიც გამოიყენება თვითგაბერვადი სამაშველო ჟილეტებისთვის);
  • მომწამვლელი ან ინფექციური ნივთიერებები;
  • ამომჭმელი ნივთიერებები (შემდეგის გარდა: თერმომეტრებში, ბარომეტრებსა და შშმ პირების ეტლების ბატარეებში არსებული ვერცხლისწყალი);
  • პორტფელები, დიპლომატები და კეისები, რომლებიც აღჭურვილია ჩაშენებული სასიგნალიზაციო მოწყობილობებით, ლითიუმის ბატარეებით ან პიროტექნიკური მასალებით;
  • ნივთები ან ნივთიერებები, რომლებიც საფრთხეს უქმნის ბორტზე მყოფი მგზავრების უსაფრთხოებას, საკუთრებას, სიცოცხლეს, ჯანმრთელობასა და ფიზიკურ ხელშეუხებლობას;
  • ნებისმიერი ნივთიერება, რომელიც აკრძალულია იმ ქვეყნების წესებითა და დადგენილებებით, რომელთა გავლითაც ხორციელდება ტრანსპორტირება;
  • წონის, ზომის ან სხვა მახასიათებლების გამო გადატანისთვის შეუფერებელი ნებისმიერი ნივთი;
  • ადამიანის ნეშტი;
  • ნებისმიერი სახის წებო ან საღებავი;
  • ნებისმიერი ნივთი, რომელიც მითითებულია სამოქალაქო ავიაციის საერთაშორისო ორგანიზაციის (ICAO) „საჰაერო ტრანსპორტით სახიფათო ტვირთის უსაფრთხოდ გადაზიდვის ტექნიკურ ინსტრუქციებსა“ და საჰაერო ტრანსპორტის საერთაშორისო ასოციაციის (IATA) „სახიფათო ტვირთის გადაზიდვის წესებში“.

თუ თქვენს ბარგში მოთავსებულია რომელიმე ზემოაღნიშნული ნივთი, მისი რეგისტრაცია შეიძლება ვერ მოხერხდეს. შეკითხვების არსებობის შემთხვევაში, დაგვიკავშირდით, სანამ ბარგის ჩალაგებას შეუდგებით!

მგზავრი ვალდებულია, დაემორჩილოს უსაფრთხოების სამსახურის თანამშრომლის ყველა მოთხოვნას აუცილებლობის შემთხვევაში. თუ ბარგის ტრანსპორტირება ვერ მოხერხდება მგზავრის მხრიდან უსაფრთხოების სამსახურის თანამშრომლის დაუმორჩილებლობის გამო, Wizz Air არ აგებს პასუხს ამით მიყენებულ ზარალზე.

საყოველთაო უსაფრთხოებისთვის, ხელბარგში არსებულ სითხეებთან დაკავშირებით ყველა რეისზე მოქმედებს მთავრობის მიერ დადგენილი შემდეგი შეზღუდვები:

  • სითხეების ბორტზე ატანა შესაძლებელია მაქსიმუმ 100 მლ მოცულობის კონტეინერებით;
  • სითხეების შემცველი ყველა კონტეინერი უნდა იყოს მაქსიმუმ 100 მლ და თავისუფლად ეტეოდეს 1 ლიტრი მოცულობის, გამჭვირვალე და ჰერმეტულად დახურულ პოლიეთილენის პარკში, რომლის ზომაც 20×20 სმ-ია;
  • უსაფრთხოების შემოწმებისას აღნიშნული პოლიეთილენის პარკი წარმოდგენილი უნდა იყოს ცალკე;
  • სითხეები, რომლებიც არ აკმაყოფილებს ზემოაღნიშნულ მოთხოვნებს, გადაიყრება უსაფრთხოების სამსახურის თანამშრომლების მიერ. გთხოვთ, ყურადღებით ჩაალაგოთ თქვენი ხელბარგი.

Wizz Air-ის მეშვეობით სპორტული აღჭურვილობის ტრანსპორტირება შეგიძლიათსპორტული აღჭურვილობის დამატებითი მოსაკრებლის გადახდით. დაშვებულია შემდეგი ერთეულების ტრანსპორტირება:

  • თხილამურები, სნოუბორდი, სერფინგის აღჭურვილობა, გოლფის ჯოხებიანი ჩანთები;
  • ხტომისთვის განკუთვნილი ჭოკები (მხოლოდ იმ შემთხვევაში, თუ ისინი შეფუთულია ნაჭრის ტომრებში);
  • ველოსიპედები, რომლებიც მოთავსებულია სპეციალურ სამოგზაურო შალითაში, მოხსნილი აქვს ბორბლები და პედლები, ხოლო საჭე გასწორებულია პარალელურ მდგომარეობაში. თუ ბორბლები დაშვებულია, ველოსიპედის ტრანსპორტირება შესაძლებელია მუყაოს შეფუთვაშიც;
  • დაივინგის აღჭურვილობა ჟანგბადის ცარიელი ბალონებით, მოხსნილი ელკვების წყაროებით ან ნათურების გამორთული ჩამრთველებით;
  • ირმის რქები და სხვა ტიპის სანადირო ნადავლი (თუ არსებობს შესაბამისი ვეტერინარული მოწმობა). 

გაითვალისწინეთ, რომ ჩვენ ვერ უზრუნველვყოფთ შესაფუთ მასალას. არ დაგავიწყდეთ სპორტული აღჭურვილობის შეფუთვა ზემოთ მითითებული მოთხოვნების შესაბამისად. არასათანადოდ შეფუთვის შემთხვევაში, სპორტული აღჭურვილობის ტრანსპორტირება ვერ მოხერხდება.

შინაური ცხოველები (გამძღოლი ძაღლების გარდა) ბორტზე არ დაიშვებიან. თუ მგზავრობას გამძღოლ ძაღლთან ერთად აპირებთ, არ დაგავიწყდეთ, თან იქონიოთ მისი სამგზავრო დოკუმენტები. აღნიშნული დოკუმენტები უნდა აკმაყოფილებდეს ყველა იმ ქვეყნის მოთხოვნებს, რომელთა სტუმრობასაც გეგმავთ.

დაკავშირებული ინფორმაცია

გამძღოლი ძაღლები

ცხოველები, რომლებიც უზრუნველყოფენ ემოციურ მხარდაჭერას, არ დაიშვებიან Wizz Air-ის რეისებზე.

მგზავრს შეუძლია თვითმფრინავის სალონში აიტანოს მუსიკალური ინსტრუმენტის ჩასადები, რომლის მაქსიმალური სიგრძეც უნდა იყოს 80 სმ. ჩასადების დანარჩენი პარამეტრები არ უნდა აღემატებოდეს 40 x 23 სმ-ს.

  • მუსიკალური ინსტრუმენტის თვითმფრინავის სალონში ხელბარგის სახით ატანა შესაძლებელია იმ შემთხვევაში, თუ მისი და ჩასადების გაბარიტები არ აღემატება 55 x 40 x 23 სმ-ს, ხოლო საერთო წონა 10 კგ-ს;
  • ასეთი ინსტრუმენტებია, მაგალითად, ვიოლინოები, ალტები, ფლეიტები, კლარნეტები, საყვირები ან უკულელეები;
  • მუსიკალური ინსტრუმენტის ჩასადები უნდა მოთავსდეს ხელბარგისთვის განკუთვნილ საზომში: სიგანე და სიღრმე თავისუფლად უნდა ჩაეტიოს, ხოლო სიმაღლე დასაშვებს აღემატებოდეს მაქსიმუმ 1,5-ჯერ;
  • მცირე ზომის მუსიკალური ინსტრუმენტი თქვენს ხელბარგად ჩაითვლება და ბორტზე სხვა ერთეულის ატანას ვეღარ მოახერხებთ;
  • მუსიკალური ინსტრუმენტი ზედა თაროზე უნდა შეინახოთ;
  • მუსიკალური ინსტრუმენტები, რომლებიც ზემოთ მითითებულ ზომებს არ აკმაყოფილებს და რომელთა ტრანსპორტირებაც რეგისტრირებული ბარგის სახით ვერ მოხერხდება, შეგიძლიათ გადაიტანოთ თვითმფრინავის სავარძელზე (დამატებითი ადგილის შეძენის შემდეგ);
  • ადგილის დაჯავშნა შესაძლებელია ინტერნეტითაც: მგზავრის სახელის ველში მიუთითეთ: „EXST“, ხოლო გვარის ველში საჭირო იქნება მგზავრის რეალური გვარის შეყვანა;
  • უსაფრთხოების მოსაზრებებიდან გამომდინარე, ინსტრუმენტების სალონში ტრანსპორტირება ვერ მოხერხდება საევაკუაციო გასასვლელების და პირველ რიგებში მდებარე ადგილებზე. ისინი უნდა მოთავსდეს ილუმინატორებთან მდებარე ადგილებზე;
  • ვიოლონჩელოზე დიდი ზომის ინსტრუმენტები (მაგ., კონტრაბასი, არფა და ა.შ.) უნდა დარეგისტრირდეს „პირობითად დაშვებული ბარგის“ იარლიყით.

პირობითად დაშვებული ბარგის იარლიყები

დაზიანებული, მყიფე, მსხვილგაბარიტიანი, არასათანადოდ შეფუთული, დაგვიანებით რეგისტრირებული და არაგაბარიტული ბარგის ტრასპორტირება განხორციელდება მხოლოდ „პირობითად დაშვებული ბარგის“ იარლიყის მეშვეობით. Wizz Air პასუხს არ აგებს ამ ტიპის ნივთებზე.

დიპლომატიური ან ნებისმიერი სხვა ტიპის ბარგი, რომელიც აღჭურვილია დალუქული საკეტით, დეკლარირებული უნდა იყოს დიპლომატიური ბარგის სახით და მას მთელი მგზავრობის განმავლობაში თან უნდა ახლდეს დიპლომატიური კურიერი. ზომის, სპეციფიკური თავისებურებებისა და საგანგებო მოპყრობის საჭიროების მიუხედავად, დიპლომატიური ბარგის ტრანსპორტირება ყოველთვის განხორციელდება არარეგისტრირებული ბარგის სახით. 

თუ დიპლომატიური ბარგის ზომების ან თავისებურებების გამო, მისი ბორტზე ატანა ვერ მოხერხდება, მისი ტრანსპორტირება განხორციელდება საბარგო განყოფილებით, თუმცა ის მაინც არარეგისტრირებულ ბარგად ჩაითვლება, ვინაიდან მასზე პასუხიმგებლობას ვერ ავიღებთ. ამ შემთხვევაში, კურიერი უნდა ესწრებოდეს დიპლომატიური ბარგის ჩატვირთვისა და გადმოტვირთვის მთელ პროცესს, ვინაიდან მასზე პასუხისმგებელი არის უშუალოდ ის.

ლითიუმის ბატარეის ავიაგადაზიდვის შესაძლებლობა დამოკიდებულია მის კონფიგურაციასა და ვატ-საათის (ვტ⋅სთ) მაჩვენებელზე (დამუხტვადებისთვის) ან ლითიუმის შემცველობაზე (LC) (არადამუხტვადებისთვის).

თუ ისეთი სამომხმარებლო ელექტრომოწყობილობების (საათების, გამომთვლელი მანქანების, ფოტოკამერების, მობილური ტელეფონების, ლეპტოპების, ვიდეოკამერების და ა.შ.) ტრანსპორტირებას აპირებთ, რომლებიც შეიცავს ლითიუმის ან ლითიუმ-იონის ელემენტებს ან ბატარეებს, მოკლე ჩართვების თავიდან ასაცილებლად, მათი სათადარიგო ბატარეები დაცული უნდა იყოს (მაგალითად ორიგინალ შეფუთვაში ჩადებით, ან კლემების სხვაგვარად იზოლირებით — საიზოლაციო ლენტის მიკვრით ან თითოეული ბატარეის პოლიეთილენის პარკში/დამცავ ქისაში ინდივიდუალურად მოთავსებით). ამასთანავე, სათადარიგო ბატარეების გადატანა დაშვებულია მხოლოდ ხელბარგით. 

ნუ ჩადებთ სათადარიგო ბატარეებს რეგისტრირებულ ბარგში!

გარდა ამისა, ყოველი დამონტაჟებული ან სათადარიგო ბატარეა უნდა აკმაყოფილებდეს შემდეგ მოთხოვნებს:

  • ლითიუმისგან ან მისი შენადნობებისგან დამზადებული ბატარეები არ უნდა შეიცავდეს ლითიუმის 2 გრამზე მეტს;
  • ლითიუმ-იონის ბატარეების ვატ-საათის მაჩვენებელი არ უნდა აღემატებოდეს 100 ვტ⋅სთ-ს.

ლითიუმ-იონის ბატარეები, რომელთა ვატ-საათის მაჩვენებელი აღემატება 100 ვტ⋅სთ-ს, მაგრამ არ აჭარბებს 160 ვტ⋅სთ-ს, დაიშვება სათადარიგო ან მოწყობილობაში ჩადებული ბატარეების სახით ტრანსპორტირებისთვის, თუმცა მხოლოდ ხელბარგით და Wizz Air-ის ნებართვით.

ერთ პიროვნებას შეუძლია თან იქონიოს მაქსიმუმ ორი (2) ინდივიდუალურად დაცული სათადარიგო ბატარეა, რომელთა ვატ-საათის მაჩვენებელი მერყეობს 100-სა 160 ვტ⋅სთ-ს შორის.

გაითვალისწინეთ, რომ ჩვეულებრივი ლეპტოპის ლითიუმ-იონის ბატარეის მაჩვენებელია დაახლოებით 53 ვტ⋅სთ.

ადამიანის ფერფლის ბორტზე ატანა დაშვებულია იმ შემთხვევაში, თუ ის მოთავსებულია საიმედოდ შეფუთულ სპეციალურ კონტეინერში. ამ შემთხვევაში, აეროპორტში აუცილებელია გარდაცვალებისა და კრემაციის მოწმობების წარმოდგენა. ფერფლის ურნის გადატანა შესაძლებელია მხოლოდ ხელბარგის სახით.

იმ ნაკლებსავარაუდო შემთხვევაში, თუ თქვენი ბარგი დაიკარგა, დაზიანდა ან იგვიანებს, ამის შესახებ შეგიძლიათ დანიშნულების ადგილზე ჩასვლისთანავე განაცხადოთ.

  • ეწვიეთ ტრანზიტულ ზონაში მდებარე „ბარგის მიღების“ ან „დაკარგული ბარგის“ დახლს, სადაც ჩვენ დაგეხმარებით „ბარგის გადაზიდვის დარღვევის შესახებ აქტის“ (PIR) დაუყოვნებლივ შევსებაში;
  • დანიშნულების აეროპორტში განუცხადებლობის შემთხვევაში, ჩვენ ვერ ავიღებთ შესაბამის პასუხისმგებლობას;
  • Wizz Air დაკარგვაზე პასუხისმგებელი იქნება იმ შემთხვევაში, თუ თქვენი ბარგი დანიშნულების აეროპორტში განცხადებიდან 21 დღის განმავლობაში ვერ მოიძებნება;
  • ჩვენ არ ვაგებთ პასუხს იმ შემთხვევაში, თუ თქვენი ბარგი სხვა მგზავრს საკუთარში შეეშლება — ნებისმიერ დაკავშირებულ ხარჯზე პასუხისმგებლობა ინციდენტში მონაწილე მგზავრს ეკისრება.

იმისთვის, რომ არასწორად გაგზავნილი ბარგი მფლობელს რაც შეიძლება მალე დაუბრუნდეს, ბარგის რეგისტრაციამდე ყოველ ერთეულზე მითითებული უნდა იყოს მგზავრის სახელი, ინიციალები და მისამართი.

რეგისტრირებული ბარგის ტრანსპორტირება, შეძლებისდაგვარად, განხორციელდება იმავე თვითმფრინავით, რომლითაც მისი მფლობელი მგზავრობს. უსაფრთხოების ან საექსპლუატაციო მოსაზრებებიდან გამომდინარე, რეგისტრირებული ბარგის გადაზიდვა შეიძლება სხვა რეისით განხორციელდეს. ამ შემთხვევაში, Wizz Air არ აგებს პასუხს ბარგის დაგვიანებაზე.

ბარგის დაზიანება

ბარგის დაზიანებაზე ჩვენი პასუხისმგებლობა განისაზღვრება შემდეგნაირად:

  • თუ თქვენი ბარგის დაზიანების ან წვრილმანი ქურდობის ჩამოფრენისთანავე შემჩნევა შეუძლებელი იყო, აეროპორტში ამის შესახებ განცხადება შეგიძლიათ ჩაფრენიდან 7 დღის ვადაში;
  • თუ ბარგი თქვენი რეისით არ ჩამოფრინდება, ხოლო თქვენთვის დაბრუნებისას ის აღმოჩნდება დაზიანებული ან ნაკლული, წერილობითი განაცხადის გაკეთება შეგიძლიათ ბარგის მიღებიდან 21 დღის განმავლობაში;
  • თუ ბარგი არასათანადოდ იყო შეფუთული, პასუხისმგებლობა შემცირდება;
  • დაზიანებული ხელბარგის (მათ შორის, ტანსაცმლის) შესახებ განცხადება შეგიძლიათ ბორტზე ან ტრანზიტული ზონის დატოვებამდე.

პრეტენზიებისა და საჩივრების გადმოგზავნა

გთხოვთ, თქვენი წერილობითი პრეტენზია გაუგზავნოთ Wizz Air-ის პრეტენზიების განყოფილებას ან თქვენს სადაზღვევო კომპანიას, თუ პრეტენზიას პირდაპირ აყენებთ.

თქვენი პრეტენზიის უფრო სწრაფად განხილვის ხელშესაწყობად, გთხოვთ, დაურთოთ მას საბორტო ანგარიში ან ბარგის გადაზიდვის დარღვევის შესახებ აქტი, რომელიც დაგვიანების, დაზიანების ან წვრილმანი ქურდობის შესახებ განაცხადის გაკეთებისას, ბორტზე ან აეროპორტში გადმოგცეს. გთხოვთ, ასევე, მიუთითოთ თქვენი საკონტაქტო ინფორმაცია და იმ საბანკო ანგარიშის დეტალები, რომელზეც კომპენსაცია (თუ გეკუთვნით) უნდა ჩაირიცხოს.

დაკავშირებული ინფორმაცია

Wizz Air-ის მომხმარებლებთან ურთიერთობის სამსახურისთვის საჩივრის გაგზავნა შესაძლებელია საჩივრის ფორმის გადაგზავნის მეშვეობით.

Please insert the Youtube ID.

ხშირად დასმული შეკითხვები

ხშირად დასმული შეკითხვები

ჯამში შესაძლებელია ბარგის 6 ერთეულის რეგისტრაცია. ყოველი ერთეულის წონა არ უნდა აღემატებოდეს 32 კგ-ს.

ბარგის ყოველი ერთეულისთვის საჭიროა შესაბამისი მოსაკრებლის გადახდა — სამი ერთეულისთვის ადგილის შეძენა შესაძლებელია ინტერნეტით, დანარჩენი სამისთვის კი აეროპორტში, უფრო მაღალ საფასურად. თუ ავიაბილეთის დაჯავშნისას ბარგის საჭიროზე ნაკლებ რაოდენობას მიუთითებთ, მისი მოგვიანებით დამატება შეგიძლიათ როგორც ინტერნეტით, ისე Wizz Air-ის საინფორმაციო ცენტრის მეშვეობით.

არა. თუ რეისზე დაარეგისტრირებთ ბარგის იმაზე ნაკლებ ერთეულს, ვიდრე გადახდილი გაქვთ, ბარგის მოსაკრებელი არ დაგიბრუნდებათ.

თქვენს ჯავშანში ბარგის დამატება შესაძლებელია როგორც ჩვენი ვებგვერდიდან, ისე Wizz Air-ის საინფორმაციო ცენტრის მეშვეობით. გაითვალისწინეთ, თუ ბარგის ადგილებს აეროპორტში შეიძენთ, ბარგის მოსაკრებლის გარდა, შეიძლება მოგიწიოთ დამატებითი მოსაკრებლის გადახდა აეროპორტში მომსახურე აგენტისთვის. მომსახურე აგენტებთან მოქმედი ტარიფების შესახებ ზუსტი ინფორმაციის მიღება შესაძლებელია აეროპორტიდან.

Basic ტარიფში არ შედის რეგისტრირებული ბარგი, თუმცა ის შედის WIZZ Go და WIZZ Plus ტარიფებით შეძენილი ავიაბილეთების ფასში.

თუ 2017 წლის 29 ოქტომბრამდე მგზავრობთ და დიდი ხელბარგის მოსაკრებელი უკვე გადახდილი გაქვთ, შეგიძლიათ ის ჩაანაცვლოთ რეგისტრირებული ბარგით. ამისთვის, სისტემაში შესვლის შემდეგ გადადით თქვენი რეისის მიმოხილვის გვერდზე და აირჩიეთ დიდი ხელბარგის ზომის გაზრდის ვარიანტი. თქვენ მოგიწევთ მხოლოდ მოსაკრებლებს შორის სხვაობის გადახდა.

2017 წლის 29 ოქტომბერს და შემდგომ შესრულებული რეისებისთვის შეიცვალა Wizz Air-ის ხელბარგთან დაკავშირებული წესები. ავიაბილეთის ფასში შესული იქნება ხელბარგი, რომლის მაქსიმალური ზომები უნდა იყოს 55 x 40 x 23 სმ. ჯავშანში რეგისტრირებული ბარგის დამატება შესაძლებელია ნებისმიერ დროს, რეისის გამგზავრებამდე არა უგვიანეს 3 საათით ადრე.

2017 წლის 29 ოქტომბერს და შემდგომ შესრულებული რეისებისთვის შეიცვალა Wizz Air-ის ხელბარგთან დაკავშირებული წესები. ავიაბილეთის ფასში შესული იქნება ხელბარგის ერთი ერთეული (55 x 40 x 23 სმ, მაქს. 10 კგ). რეგისტრირებული ბარგის შეძენის შემდეგ მოსაკრებელი ანაზღაურებას არ ექვემდებარება.

სამწუხაროდ, ბარგის ორი სხვადასხვა ტიპის ერთეულის რეგისტრაცია ვერ მოხერხდება. გთხოვთ, მსუბუქი ბარგის ნაცვლად, დაამატოთ კიდევ ერთი მძიმე ერთეული!

WIZZ პრიორიტეტის სერვისის შეძენის შემთხვევაში, ან თუ უკვე სარგებლობთ ამ უფლებით, ხელბარგთან ერთად შეძლებთ თან იქონიოთ ერთი (+1) მცირე ზომის ჩანთა: ხელჩანთა, ლეპტოპის/კამერის ჩანთა, რომლის ზომებიც არ აღემატება 40 x 30 x 18 სმ-ს და რომელიც უნდა მოთავსდეს თქვენ წინ მდებარე სავარძლის ქვეშ. თუ ხელბარგის ორი ერთეული გექნებათ და ორივე მათგანის ზომა გადააჭარბებს 40 × 30 × 18 სმ-ს, თქვენ მოგიწევთ ერთ-ერთი ჩანთის რეგისტრაცია და შესაბამისი მოსაკრებლის გადახდა.

თუ 2017 წლის 19 ივლისამდე შეძენილი გქონდათ ადგილი დიდი ხელბარგისთვის იმ რეისზე, რომელიც სრულდება 2017 წლის 29 ოქტომბერს ან შემდგომ, მაშინ დიდ ხელბარგში გადახდილი თანხა ავტომატურად ჩაირიცხება თქვენს WIZZ ანგარიშზე და მის განკარგვას თქვენი სურვილისამებრ შეძლებთ.

ამ ცვლილების ფარგლებში, თქვენ დამატებითი კრედიტის სახით მიიღებთ დიდ ხელბარგში გადახდილი თანხის 20%-საც, რომელიც ჩაირიცხება თქვენს WIZZ ანგარიშზე. თუ არ გსურთ, ისარგებლოთ ამ შემოთავაზებით, ან იმ შემთხვევაში, თუ თქვენი ავიაბილეთი დაჯავშნეთ ტურისტული სააგენტოს მეშვეობით, გთხოვთ, გადმოგვიგზავნოთ თანხის დაბრუნების მოთხოვნა, რის შემდეგაც თანხა დაბრუნდება თქვენს საკრედიტო ბარათზე ან საბანკო ანგარიშზე. ამ შემთხვევაში, დაბრუნებული თანხა იქნება ზუსტად დიდ ხელბარგში გადახდილი მოსაკრებლის ტოლი. გაითვალისწინეთ, რომ თქვენი მოთხოვნის დამუშავებას შეიძლება შედარებით დიდი დრო დასჭირდეს.

თუ 2017 წლის 19 ივლისის შემდეგ დაჯავშნეთ ავიაბილეთი იმ რეისზე, რომელიც სრულდება 2017 წლის 29 ოქტომბერს ან შემდგომ, თქვენი ავიაბილეთის ფასში შევა ხელბარგის ერთი ერთეული (55 x 40 x 23 სმ, მაქს. 10 კგ) და მისი ღირებულების გადახდა აღარ მოგიწევთ.

არა. Wizz Air-ის ხელბარგთან დაკავშირებული წესები შეიცვალა. თუ 2017 წლის 29 ოქტომბრამდე მგზავრობთ, ძალაში იქნება ბარგთან დაკავშირებული ძველი წესები. იმ რეისების ავიაბილეთების ფასში, რომლებიც სრულდება 2017 წლის 29 ოქტომბერს ან შემდგომ, შედის ხელბარგის მხოლოდ ერთი ერთეული, რომლის ზომებიც არ უნდა აღემატებოდეს 55 x 40 x 23 სმ-ს, ხოლო წონა — 10 კგ-ს. Wizz Air მკაცრად იცავს წესებს, რომელთა მიხედვითაც ყოველ მგზავრს შეიძლება თან ჰქონდეს ხელბარგის მხოლოდ ერთი ერთეული.

Wizz Air-ის ხელბარგთან დაკავშირებული წესები შეიცვალა. თუ 2017 წლის 29 ოქტომბრამდე მგზავრობთ, ძალაში იქნება ბარგთან დაკავშირებული ძველი წესები. იმ რეისების ავიაბილეთების ფასში, რომლებიც სრულდება 2017 წლის 29 ოქტომბერს ან შემდგომ, შედის ხელბარგის მხოლოდ ერთი ერთეული, რომლის ზომებიც არ უნდა აღემატებოდეს 55 x 40 x 23 სმ-ს, ხოლო წონა — 10 კგ-ს.

29 ოქტომბრამდე გამგზავრებისას თქვენ შეგიძლიათ თან იქონიოთ მცირე ზომის უფასო ხელბარგი (42 x 32 x 25 სმ), ან შეიძინოთ დიდი ხელბარგი (56 x 45 x 25 სმ).

Wizz Air-ის ხელბარგთან დაკავშირებული წესები შეიცვალა. იმ რეისებზე ავიაბილეთების ფასში, რომლებიც სრულდება 2017 წლის 29 ოქტომბრამდე, შედის მცირე ხელბარგი. სურვილისამებრ, შეგიძლიათ შეიძინოთ დიდი ხელბარგი. იმ რეისებზე ავიაბილეთების ფასში, რომლებიც სრულდება 2017 წლის 29 ოქტომბერს ან შემდგომ, შედის ხელბარგის მხოლოდ ერთი ერთეული, რომლის ზომებიც არ უნდა აღემატებოდეს 55 x 40 x 23 სმ-ს, ხოლო წონა — 10 კგ-ს.

თუ უკვე შეიძინეთ დიდი ხელბარგი იმ რეისისთვის, რომელიც სრულდება 29 ოქტომბრის შემდეგ (ხელბარგთან დაკავშირებული წესების ცვლილებამდე), დიდ ხელბარგში გადახდილი თანხა პლუს 20% ავტომატურად ჩაირიცხება თქვენს WIZZ ანგარიშზე.

თუ არ გსურთ, ისარგებლოთ ამ შემოთავაზებით, ან იმ შემთხვევაში, თუ თქვენი ავიაბილეთი დაჯავშნეთ ტურისტული სააგენტოს მეშვეობით, გთხოვთ, გადმოგვიგზავნოთ თანხის დაბრუნების მოთხოვნა, რის შემდეგაც თანხა დაბრუნდება თქვენს საკრედიტო ბარათზე ან საბანკო ანგარიშზე. ამ შემთხვევაში, დაბრუნებული თანხა იქნება ზუსტად დიდ ხელბარგში გადახდილი მოსაკრებლის ტოლი. გაითვალისწინეთ, რომ თქვენი მოთხოვნის დამუშავებას შეიძლება შედარებით დიდი დრო დასჭირდეს.

ოპერაციული მოსაზრებებიდან გამომდინარე, თვითმფრინავის სალონში ხელბარგის ერთეულების მხოლოდ შეზღუდული რაოდენობის ტრანსპორტირება შეგვიძლია. თუ ბარგის რაოდენობა მეტისმეტად დიდი იქნება, შეიძლება საჭირო გახდეს თქვენი ხელბარგის გადატანა სატვირთო განყოფილებაში.

თუ ავიაბილეთი შეძენილი გაქვთ WIZZ GO ან WIZZ Plus ტარიფით, ან თუ Privilege Pass-ის მფლობელი ხართ, თქვენ ავტომატურად ისარგებლებთ WIZZ პრიორიტეტით, რომელიც გულისხმობს თვითმფრინავის სალონში ხელბარგის გარანტირებულად ატანას. სხვა შემთხვევაში, გირჩევთ, შეიძინოთ WIZZ პრიორიტეტის სერვისი, რათა გარანტირებულად აიტანოთ ხელბარგი თვითმფრინავის სალონში.

თუ თქვენი ხელბარგი გადატანილი იყო სატვირთო განყოფილებაში, რის შემდეგაც ის დაიკარგა ან დაზიანდა, დაზიანებული/დაკარგული ნივთების შესახებ შეტყობინება შეგიძლიათ ჩაფრენისას, დაკარგული ბარგის ან ბარგის მიღების დახლთან. ჩვენ ვერ აგინაზღაურებთ ისეთი ძვირფასი ნივთების საფასურს, როგორიც არის, მაგალითად, საიუველირო ნაკეთობები და ლეპტოპები (რომელთა ტრანსპორტირებაც სატვირთო განყოფილებაში ნებადართული არ არის). ჩანთის სატვირთო განყოფილებაში ჩაბარებამდე გირჩევთ, ამოიღოთ ზემოაღნიშნული ნივთები.

ჩვენს ბორტზე იყიდება სასმელები და მსუბუქი საუზმე, თუმცა თუ საკუთარ საკვებით მგზავრობთ, გირჩევთ, ამოიღოთ ის, სანამ ჩანთას სატვირთო განყოფილებაში ჩააბარებთ.

Wizz Air-ის ხელბარგთან დაკავშირებული წესები შეიცვალა. იმ რეისებზე ავიაბილეთების ფასში, რომლებიც სრულდება 2017 წლის 29 ოქტომბერს ან შემდგომ, შედის ხელბარგის მხოლოდ ერთი ერთეული, რომლის ზომებიც არ უნდა აღემატებოდეს 55 x 40 x 23 სმ-ს, ხოლო წონა — 10 კგ-ს. ყოველივე ეს უფასოა. იმ შემთხვევაში, თუ თქვენი ხელბარგის ზომა აღემატება ახალ შეზღუდვებს, თქვენ მოგიწევთ მისი ჩაბარება რეგისტრირებული ბარგის სახით და შესაბამისი მოსაკრებლის გადახდა.

იმ რეისებზე ავიაბილეთების ფასში, რომლებიც სრულდება 2017 წლის 29 ოქტომბერს ან შემდგომ, შედის ხელბარგის მხოლოდ ერთი ერთეული, რომლის ზომებიც არ უნდა აღემატებოდეს 55 x 40 x 23 სმ-ს, ხოლო წონა — 10 კგ-ს. თუ უკვე შეიძინეთ დიდი ხელბარგი იმ რეისისთვის, რომელიც სრულდება 29 ოქტომბრის შემდეგ, დიდ ხელბარგში გადახდილი თანხა პლუს 20% ავტომატურად ჩაირიცხება თქვენს WIZZ ანგარიშზე.

თუ არ გსურთ, ისარგებლოთ ამ შემოთავაზებით, გთხოვთ, გადმოგვიგზავნოთ თანხის დაბრუნების თუ არ გსურთ, ისარგებლოთ ამ შემოთავაზებით, გთხოვთ, გადმოგვიგზავნოთ თანხის დაბრუნების, რის შემდეგაც თანხა დაბრუნდება თქვენს საკრედიტო ბარათზე ან საბანკო ანგარიშზე. ამ შემთხვევაში, დაბრუნებული თანხა იქნება ზუსტად დიდ ხელბარგში გადახდილი მოსაკრებლის ტოლი.  გაითვალისწინეთ, რომ თქვენი მოთხოვნის დამუშავებას შეიძლება შედარებით დიდი დრო დასჭირდეს.

თუ თქვენი ახალი რეისის თარიღი იქნება 29 ოქტომბრის შემდეგ, თქვენ გექნებათ უფლება, უფასოდ იქონიოთ თან დიდი ზომის ხელბარგი, რომლის მაქსიმალური გაბარიტებია 56 x 45 x 25 სმ.

არა. თუ 23 კგ-იანი რეგისტრირებული ბარგის საფასური უკვე გადახდილი გაქვთ, მის ჩაბარებას შეძლებთ დამატებითი მოსაკრებლების გადახდის გარეშე.

ხელბარგში არსებულ სითხეებთან დაკავშირებით, მოქმედებს სახელმწიფოს მიერ დადგენილი შემდეგი შეზღუდვები:

  • სითხეების გადატანა შესაძლებელია მაქსიმუმ 100 მლ მოცულობის კონტეინერებით;
  • სითხეების შემცველი ყველა კონტეინერი თავისუფლად უნდა ეტეოდეს და მოთავსებული უნდა იყოს 1 ლიტრი მოცულობის, გამჭვირვალე და ჰერმეტულად დახურულ პოლიეთილენის პარკში, რომლიც ზომაც 20×20 სმ-ია.
  • უსაფრთხოების შემოწმებისას აღნიშნული პოლიეთილენის პარკი წარმოდგენილი უნდა იყოს ცალკე.

თუ სითხეები არ დააკმაყოფილებს ზემოთ მითითებულ მოთხოვნებს, უსაფრთხოების შემოწმებისას მათი გადაყრა მოგიწევთ.

კარგი იქნება, თუ ყველა აუცილებელ მედიკამენტს ხელბარგში ჩააწყობთ, რათა რეგისტრირებული ბარგის დაგვიანების შემთხვევაში, ისინი თქვენთვის ხელმისაწვდომ ადგილზე გქონდეთ. ხელბარგშივე უნდა გქონდეთ ის მედიკამენტები, რომელთა მიღებაც ფრენის დროს დაგჭირდებათ.

თუ თხევადი მედიკამენტების წამოღებას აპირებთ, გთხოვთ, გაეცნოთ ბორტზე სითხეების ატანასთან დაკავშირებულ უსაფრთხოების რეგულაციებს. თუ პირველადი საჭიროების მედიკამენტები გჭირდებათ, როგორიც არის, მაგალითად, ინსულინი, აუცილებლად თან უნდა იქონიოთ ამის დამადასტურებელი სამედიცინო ცნობა, რომელიც, საჭიროებისამებრ, უნდა წარუდგინოთ აეროპორტის უსაფრთხოების სამსახურის თანამშრომლებს.

გაითვალისწინეთ, რომ ჩვენი ეკიპაჟის წევრები ვერ უზრუნველყოფენ თქვენი მედიკამენტების გაგრილებას.

Wizz Air-ს არ გადაჰყავს ცხოველები. გამონაკლისია გამძღოლი ძაღლები, რომლებიც მგზავრობენ პატრონთან ერთად. პატრონს თან უნდა ჰქონდეს ყველა იმ ქვეყნის დადგენილებების შესაბამისი დოკუმენტაცია, რომელთა გავლითაც ხორციელდება ტრანსპორტირება, და ამასთანავე, იცავდეს ყველა დადგენილ წესს.

ცხოველები, რომლებიც უზრუნველყოფენ ემოციურ მხარდაჭერას, არ დაიშვებიან Wizz Air-ის რეისებზე.

თუ ისეთი ნივთების გადატანას აპირებთ, რომლებიც განსაკუთრებულ მოპყრობას საჭიროებს, ამის შესახებ უნდა შეგვატყობინოთ ავიაბილეთის დაჯავშნისას, Wizz Air-ის საინფორმაციო ცენტრის მეშვეობით. მსგავსი ნივთების ტრანსპორტირებისთვის საჭიროა ჩვენი ნებართვა.

თუ სპეციფიკური თავისებურებების მქონე ნივთების შესახებ წინასწარ არ შეგვატყობინებთ, ჩვენ შეიძლება უარი გითხრათ მათ ტრანსპორტირებაზე და/ან არ ვიქნებით პასუხისმგებელი მათ დაკარგვაზე, განადგურებაზე, დაგვიანებაზე ან დაზიანებაზე.

გთხოვთ, გაეცნოთ იმ ნივთების სიას, რომელთა ტრანსპორტირებაც არ ხორციელდება და რომლებიც მითითებულია ჩვენს „ტრანსპორტირების ზოგად პირობებში“ (მუხლი 14.3)

დანიშნულების ადგილზე ჩაფრენის შემდეგ, ტრანზიტული ზონიდან გასვლამდე, შეავსეთ დაზიანების განაცხადი. შემდეგ შეაკეთეთ თქვენი ბარგი და მიიღეთ ქვითარი. აქ ქვითრის მიხედვით აგინაზღაურებთ შეკეთებაზე დახარჯულ თანხას.

თუ თქვენი ბარგი შეკეთებას არ ექვემდებარება, სთხოვეთ შემკეთებელს ამის წერილობით დადასტურება თქვენი ბარგის ტიპისა და ღირებულების მითითებით. პრობლემის შესახებ აეროპორტში განცხადების შემდეგ თქვენ გადმოგეცემათ წერილი, რომელშიც მითითებული იქნება ინსტრუქცია. გთხოვთ, ყურადღებით შეასრულოთ ის!

სანამ ტრანზიტულ ზონაში იმყოფებით, დახმარებისთვის მიმართეთ „დაკარგული ბარგის“ ან „ბარგის მიღების“ დახლს. ჩვენი მომსახურე აგენტი მოგაწვდით თქვენი ბარგის დაგვიანებასთან დაკავშირებულ ანგარიშს, რომლის გამოყენებაც შეგიძლიათ სადაზღვევო თანხის მოთხოვნის ან პრეტენზიის წასაყენებლად.

დარწმუნდით, რომ ანგარიშში მითითებულია თქვენი ბარგის ღირებულება. თქვენ მიიღებთ სპეციალურ საკონტროლო ნომერს, რომელიც უნდა გამოიყენოთ ჩვენთან დაკავშირებისას. პრობლემის შესახებ აეროპორტში განცხადების შემდეგ თქვენ გადმოგეცემათ წერილი, რომელშიც მითითებული იქნება ინსტრუქცია. გთხოვთ, მის შესაბამისად იმოქმედოთ.

გთხოვთ, დაუყოვნებლივ დაუკავშირდეთ დაკარგული და ნაპოვნი ნივთების ბიუროს როგორც გამომგზავრების, ისე ჩაფრენის აეროპორტებში.